AKING HILING

Iyon na pala ang huling yakap

Bago gumuho ang ating pangarap

Ligayang naranasa'y di na muling malalasap

Bituin sa langit, di na muling kikislap

Binalot ang sarili sa kumot ng kabiguan

Sa lamig ng gabi ay nakipag-yakapan

Pumikit nang ang luha'y aking mapigilan

Sa pag-agos mula sa mata ng kalungkutan

Madilim na mundo'y titigil na sa pag-ikot

Sa maikling panahon mabilis kang nakalimot

Ano bang nangyari? Bakit dito tayo umabot?

Sarap ng pagmamahala'y pinalitan ng kirot

Sino ang nagkamali? Sino ang bumitiw?

Kailan nga ba naubos, nawala ang aliw?

Bakit pag-tingin sa'yo ay hindi magmaliw?

Bakit mahal parin kita? Aking giliw

Hinabol ang kotse na iyong sinasakyan

Nang ang mukha mo'y muling masaksihan

Hindi makapaniwala sa natuklasan

Hawak mo ang kamay ng iyong kalambingan

Mundo'y muling gumuho kasabay ng pag-asa

Na pagtitinginan nati'y maibabalik pa

Kung sino man siya, sana'y alagaan ka

Sanay ako na ang huli mong kabiguan, nang di ka na masaktan pa