CHAPTER 10: THINKING OF ANNA
Habang binabagtas ni Paulo ang daan pauwi sa kanilang tahanan kasama ang ina at mga kapatid ay hindi niya mapigilang ngumiti dahil sa mga pangyayari kanina.
Sino naman ang mag aakala na napaka ganda pala ng boses ng dalaga. Tulad nga ng sabi ng kapatid eh napatulala talaga siya.
Nagtataka siya kung bakit parati na lang na para bang mabagal ang paligid pag si Anna ang nakikita niya.
Nakita nya rin ng malapitan sa sasakyan kung paano ito naging napakalapit sa kanyang pamilya sa sobrang ikling oras lang na magkakasama ang mga ito.
At napakasaya niya ng ito ay pumayag na saluhan sila sa kaarawan ng kanyang kapatid sa susunod na linggo.
Lahat ng ito ay kakaiba damdamin para sa kanya. Hindi niya maisip na sobrang laking epekto ng dalaga hindi lamang sa kanya ngunit pati sa kanyang pamilya.
Habang malalim na nag-iisip si Paulo ay biglang nagsalita si Pauline na nasa tabi niya.
"Ang ganda-ganda at ang bait-bait ni Ate Anna. "Diba 'Ma?" wika nito
"Oo nga eh. Napaka magalang," pag sang-ayon ng ina.
"Gusto ko siya," wika ni Paula.
"Parang ang sarap niyang maging Ate," sabat naman ni Phoebe.
Hindi namalayan ni Paulo na napapangiti siya sa mga naririnig mula sa ina at mga kapatid.
"Ikaw, Kuya, gusto mo rin ba si Ate Anna?" tanong ni Pauline.
"Ha! Hindi noh!" tanging naisagot ni Paulo sa biglaang tanong ng kapatid.
"Hindi? Bakit? Hindi mo gusto personality nya? Bakit?" gulat na tanong ng dalaga.
"Ah. Personality ba?" naliwanagang tugon nito.
"Ay si Kuya ibang gusto yung iniisip," panunukso ng dalawa pang kapatid na nagpainit sa pisngi niya.
"Hey! Tumahimik kayo diyan," bulyaw niya sa mga kapatid sa likod ng sasakyan.
"Syempre gusto ko siya," panimula nito.
"Gusto ko yung personality nya," paglilinaw na sagot nito.
"Umm. Akala ko, gusto mo siya. Period," nang-aasar na tumingin si Pauline sa kanya na hindi naman binigyan pa ng ibang reaksyon ng binata.
"Nakakatuwa siyang kasama," singit ng ina.
"Naaalala ko nung una kong nakilala ang pamilya ni Papa ninyo, ganyang ganyan din ako," dugtong ng ina.
"Alin dun 'Ma? Yung maganda?" tanong ni Paula ng para bang sinusuri ng mabuti ang ina.
"Si Mama naman nag jojoke. Huwag ganun 'Ma," gatong ni Phoebe.
"Sira! Yung nahihiya ka. Tipid ka magsalita. Pero kitang kita na napakabuti niya tao," sabi nito sa mga anak.
"Uy, Si Mama gusto na magka daughter-in-law," pangaasar ni Pauline.
"Darating din naman talaga tayo dun. Kaya talagang nireready ko na ang sarili ko," bungad ng ina.
"Ang tanong eh ready na ba si Kuya?" makahulugang tanong ng ina kay Paulo.
Tumingin lahat kay Paulo at para bang naghihintay ng reaksyon mula dito.
"Oh, bakit kayo nakatingin sa akin?" natatawang tanong ni Paulo sa mga ito.
"Ready ka na ba daw Kuya?" susog na tanong ni Phoebe.
"Anong ready? May tamang oras dyan noh. Tulad ng sabi ni Mama, darating at darating naman talaga yun," sagot niya sa mga ito.
"Sige 'Ma. Kung hindi pa ready si Kuya na magpakilala ng daughter-in-law nyo, ako ba pwede na magpakilala ng future son-in-law nyo?" nakatawang tanong ni Phoebe sa ina.
"Aba talagang ang kulit nitong—" di nakapag pigil na reaksyon ni Paulo sa kapatid.
"Relax Kuya. Joke lang!" sagot ni Phoebe sa Kuya na nagpatawa sa lahat sa loob ng sasakyan.
"Ayan. Ang bagal mo daw kasi. Uunahan ka na ni bunso," wika ng ina habang pinanggigigilan sa pisngi si Phoebe.
Naging puno ng tawanan ang byahe ng mag-iina. Ilang minuto pa ay nakauwi na sila sa kanilang bahay.
Habang nasa loob ng kanyang kwarto si Paulo at nagreready ng matulog ay hindi mawala sa isip niya si Anna. Kung paano ngumiti ang dalaga. Kung paano nito kausapin ang kanyang pamilya.
"Anong nangyayari sa akin," wala sa sarili nitong tanong.
Hindi siya mapakali sa kanyang higaan dahil sa hindi mawala sa isip niya ang mga pangyayari.
Sa gitna ng kanyang pag-iisip ay bilang tumunog ang kanyang cellphone para sa isang text message.
Anna: Salamat sa pag hatid at paglibre sa amin. Pakisabi kay Tita na Salamat at sobrang nag enjoy kami. Thank you ulit. See you tomorrow. Good Night!
Nakangiti at kinikilig si Paulo habang binabasa ang mensahe ng dalaga. Agad-agad siyang ng reply dito.
Paulo: Naku, wala yun. Salamat din sa masayang kwentuhan. Sorry din sa kakulitan ng pamilya ko ah. Pero Salamat sa time nyo today. Sige. Kita tayo bukas sa company. Good night din.
Anna: Nag enjoy din kami. Thank you ulit. Good night ulit.
Paulo: You're most welcome. Thank you. Good night.
Dahil sa naging palitan nila ng text messages ay lalong nahirapang matulog ang binata. Kaya naisipan niyang kunin ang kanyang gitara ang nagsimulang mag tipa ng kung anu-anong tunog mula sa instrumento.
Ilang sandali pa ay nakarinig siya ng konti katok sa pinto.
"'Nak, matulog na at maaga ka pa kamo bukas," sabi ng ina mula sa pinto.
"Yes, 'Ma. Tapusin ko lang po. And 'Ma, nag text si Anna, nakauwi na siya," sagot naman niya.
"Ah. Mabuti naman. Matulog ka na pagkatapos niyan," wika naman ng ina.
Hindi niya namamalayan habang iniisip niya ang mga pangyayari kanina ay unti-unti na siya nakakabuo ng musika mula sa kanyang hawak.
Pagkalipas ng ilang sandali ay napagpasyahan niyang ibaba na ang kanyang gitara at humiga na sa kanyang kama.
Naging mahirap man ang kanyang pagtulog dahil sa mga kakaibang damdaming kanyang nararamdaman, ngunit alam niyang ang kakaibang pakiramdam na iyon ay nagdudulot sa kanya ng saya.
Unti-unti siyang dinalaw ng antok habang makikita ang ngiti sa kanyang mga labi na nagsasabing nagugustuhan niya ang kanyang nararamdaman at na eexcite siya mas malaman pa ng mas malalim ang ibig sabihin ng damdaming iyon.