webnovel

MARBLE: NEGATIVE ATTRACTION EQUALS LOVE

Urban
Ongoing · 605.7K Views
  • 176 Chs
    Content
  • 4.8
    23 ratings
  • NO.200+
    SUPPORT
Synopsis

MARBLE----mukhang bampira na dalaga sa haba ng dalawang pangil na ngipin at ginawang subdivision ng malalaking pimples ang mukha na nang makagraduate ng high school ay napilitang isama ng tyahin sa Manila ngunit iniwan sa Luneta at naging taong grasa subalit nakita ng isang matandang pulubing may alzheirmer's disease pala at napagkamalan siyang ina nito na magulang pala ng isang mayamang anak at lolo ng binatang nagnakaw ng kanyang first kiss na halos pandirihan siya pagkatapos, at ang naging motto sa buhay ay NEGATIVE ATTRACTION EQUALS LOVE. Subaybayan niyo po ang pakikipagsapalaran ni Marble upang maabot ang kanyang mga pangarap sa buhay at mahalin ng lalaking kanyang itinatangi.

Tags
3 tags
Chapter 1PROLOGUE

"Ano ba 'yan, Linda? Ang ingay ng anak mo, 'di mo man lang mapatigil!" aburidong hiyaw ni Luis pagkapasok lang sa loob ng kubo nila. Malayo pa lang kasi'y dinig na nito ang matinis na iyak ng sanggol, hanggang sa makapasok na ito'y sige pa rin sa pagngawa ang supling.

"Nagluluto kasi ako ng ulam, Luis. 'Di ko maiwan baka masunog na naman," sagot ni Linda na galing sa labas ng bahay dahil ando'n sa labas ang kanilang lutuan.

Agad na kinalong ng ama ang sanggol mula sa ibabaw ng kawayang katre saka marahang niyugyog upang tumahan.

"Pa'nong 'di iiyak 'to eh basang basa pala ang lampin. Pambihira ka Linda, bakit pinapabayaan mo ang batang maligo sa ihi?" sermon sa kanya.

Hindi siya makasagot lalo na't nakita niyang papasok ng bahay ang kanyang byenang babae.

"Pa'nong hindi maliligo sa ihi 'yang apo ko eh ando'n sa labas ang magaling mong asawa, nakikipagtsismisan sa mangmang niyang kaibigan, mga walang pinag-aralan. Imbes na magtapos ng pag-aaral ay lumandi, ayun, nakadalawa na ng asawa!" malakas ang boses na sabad ng kanyang byenan.

Napayuko siya at kinuha sa asawa ang sanggol.

"Ako na," an'ya rito.

Siya na ang nagpalit ng lampin ng anak.

"Ako na ang maglalaba ha? 'Di ka pa pwedeng malaba baka mabinat ka," anang asawa na agad namang lumambot ang puso at nagpresenta nang maglaba kahit kagagaling lang sa pag-aararo sa bukid.

"Ano'ng mabinat 'yang sinasabi mo? Kaya nagiging tamad ang asawa mo kasi pina-pamper mo!" sabad na uli ng kanyang byenan. "Dalawang buwan na pagkatapos manganak ni Linda. Kaya na niyang maglaba kahit ng lampin lang," giit nito.

Tumahimik ang dalawa.

"Sinabi ko naman sa'yo na pumili ka ng babaeng ipagmamalaki mo, hindi 'yong mangmang at walang pinag-aralan. Bente anyos na pero 'di man lang nakatapos ng elementarya. O ngayon, sino ang nahihirapan, 'di ba't ikaw rin?" sermon nito sa anak habang nakapameywang.

Tahimik lang si Linda subalit gusto na niyang maiyak sa halos araw-araw na lang na pang-iinsulto sa kanya ng byenang babae dahil lang sa hindi siya nakatapos ng elementarya na kung tutuusin, hindi naman niya kasalanan 'yon. Malayo sa eskwelahan ang kanilang bahay, isang bundok muna ang kanilang aakyatin at dalawang ilog ang tatawirin bago makapunta sa paaralang pinapasukan sa elementarya. At dahil 'di rin nakapag-aral ang mahihirap na mga magulang kaya hindi alam ng mga ito gaano kahalaga ang edukasyon, idagdag pang lima silang lahat na papag-aralin. Kaya ang nangyari, nagpunta na lang siya sa syudad ng Cebu at nagpakatulong sa gulang na labinlima hanggang noong nakaraang taon ay makilala niya si Luis na isang working student at nasa 3rd year college na.

Nagkadebelopan sila at 'yon nga may nangyari sa kanila at sa isang injection lang, nabuntis siya agad.

Malay ba niyang matapobre pala ang ina ni Luis at imbes na patirahin sila sa bahay ng mga ito pagkatapos ng kanilang kasal ay ipinagawa lang sila ng kubo sa likod-bahay at ang kanilang kusina ay nasa labas ng kubo.

Ang kubong 'yon ay isang kwarto lang, gawa sa nipa ang bubong at atip, kawayan naman ang sahig at may baitang sa labas ng kubo para makaakyat sa loob.

Mabait naman ang byenan niyang lalaki at binigyan ng isang ektaryang lupa si Luis para sakhan at 'yon ang ikinabubuhay nila ngayon.

Pero kahit nakahiwalay sila sa mga magulang ng asawa, mula umaga pagkaalis lang ni Luis papuntang bukid ay simula na ring magdaldal ng byenang babae, lahat ng bagay ay napapansin sa kanya.

Nang mapansin ni Luis na tahimik lang siya'y nilapitan siya pagkatapos nitong magbihis ng damit.

"Ano bang niluluto mo?" usisa nito.

"Daing na bangus. Pakitingnan muna baka masunog na 'yon." sagot niya.

Tumalima naman ito.

"Kuuu, kaya pala namimihasa 'yang babaeng 'yan kasi hinahayaan mo ang katamaran. Ginagawa ka pang utusan!" Nagdadabog na lumabas ng kubo ang byenan at sumunod sa unang lumabas na asawa.

Duon na pumatak ang masaganang luha sa kanyang mga mata.

Titiisin niya ang gano'ng klase ng ugali ng byenan para sa mabait niyang asawa. Wala naman talaga siyang problema kay Luis. Sa nanay lang nito siya nahihirapang makisama.

Ilang beses siyang napahikbi habang kalong ang tumahimik nang anak pagkatapos niyang palitan ng lampin.

Tama namang sumisigaw si Yna sa labas, ang babaeng sinasabi ng byenan na mangmang at dalawa na ang naging asawa. Ito ang naging bestfriend niya sa lugar na 'yon.

"Linda! Linda! And'yan na si Father!" hiyaw nito sa labas pa lang.

Agad niyang pinahid ang luha sa mga mata at pilit ang ngiting sumalubong sa kaibigan.

"And'yan na si Father Linda. Bilisan mo't tayo nang magpunta sa kapilya nang maiparehistro na natin ang inaanak ko nang mapasali sa binyagan ng bayan bukas," pagmamadali nito.

"May ginagawa pa si Luis eh," sagot niya.

"Walang problema, dalhin natin ang inaanak ko," anito't agad na kinuha sa kanya ang sanggol at ito ang kumalong saka siya hinila pababa sa hagdanan ng kubo.

"Luis, pupunta muna kami sa kapilya, ipaparehistro ko ang anak natin nang mapasama sa binyagan ng bayan bukas," paalam niya sa asawa.

"Gano'n ba? O sige. Akina ang bata, baka kung mapano yan sa labas," anito, nagmadaling lumapit sa kanila at binawi sa kaibigan niya ang kanilang anak.

"Ako na ang bahala sa anak natin. Umalis na kayo," utos nito.

Hinila na siya ng kaibigan paalis.

Pagdating sa kapilya, sila ang pinakahuling pumila.

Dalawang oras marahil ang itinagal nila sa pagpila makaharap lang ang pari.

At nang sa wakas ay turno na nila, nagmamadali silang umupo sa magkatapat na silya paharap sa pari.

"Sino po ang nanay ng bibinyagan?"

"Siya po, Father," maarteng sagot ni Yna sabay turo sa kanya.

Nahihiya naman siyang ngumiti nang sumulyap sa kanya ang pari.

"Ano ho ipapangalan natin sa bata, Misis?"

tanong nito.

"Ha?" Natigilan siya, nawala sa isip kung ano'ng ipapangalan sa anak. 'Di rin niya naitanong sa asawa kong ano'ng gusto nitong ipangalan sa sanggol.

"Marbel po," biglang pumasok sa kanyang isip. Naalala niya 'yung palabas na pinanood niya noong dalaga pa siya na nagustuhan niya.

Kunut-noong bumaling sa kanya ang pari.

"Marble? Segurado ho ba kayo, Misis?"

Mabilis siyang tumango.

"Opo, segurado po ako para kakaiba."

Sandaling nag-isip ang pari bago isinulat ang 'Marble'.

Pagkatapos ng ilang katanungan ay saka sinabi ng pari na pwede na silang umalis at inulit pa ang oras ng binyag bukas.

"Pa'no naging kakaiba 'yung pangalan ng inaanak ko, Linda?" maang na usisa ng kaibigan habang naglalakad sila pabalik sa kanilang bahay.

Pumalatak siya bigla.

"Tsk! Tsk! Hindi mo ba alam 'yung Marbel? Ibig sabihin, kahanga-hanga, kamangha-mangha. Ganun!" pagmamayabang pa niya.

Tumango-tango naman ang Kaibigan.

"Ah gano'n pala 'yun. Bagay sa inaanak ko ang pangalan niya, Linda. Paglaki niya magiging pinakamaganda siya sa lahat at magiging kamangha- mangha ang kanyang kagandahan."

Naghagikhikan silang dalawa.

You May Also Like

AFTER ALL (Tagalog Novel)(Book 1)

Ang pagkawala ng lahat ng ò alaala ang naging dahilan ng pagbabago sa kanyang buhay. Hindi man ito sadya at lalong kailanman hindi n'ya ito inasahan. Subalit kailangang yakapin ni Angela ang kasalukuyan. Dahil dito na umiikot ngayon ang kanyang mundo. Simula ng magising siya bilang si Angeline Alquiza. Pero sino nga ba siya talaga? Hanggang kailan ba s'ya mananatili sa katauhan nito? Kung pwede nga lang sana gagawin n'ya ang lahat, h'wag lang mawala ang lahat ng ito sa kanya. Lalo na ang mga taong napamahal na nang husto sa kanya. Subalit alam n'yang ang lahat ay may hangganan. Pero paano kung patuloy siyang habulin ng kanyang nakaraan? May mga panaginip na patuloy na gumugulo sa kanyang isip, alam niya at ramdam niyang maaaring may kaugnayan sa nakaraan n'yang buhay. Hanggang sa makilala niya ang isang babaing sa una pa lamang misteryosa na ang naging dating nito sa kanya. Pero sino nga ba ang babaing ito? Na tila gusto pa yatang agawin ang lahat sa kanya, maging ang kanyang kaligayahan. Ang nakapagtataka pa tila ba may lihim itong galit sa kanya. Gayu'ng hindi naman n'ya ito kilala. Pero hindi nga ba niya ito kilala? Bakit unang narinig pa lang n'ya ang pangalan nito iba na ang pakiramdam n'ya. May nagawa ba s'yang pagkakamali sa babaing ito o sa kanyang nakaraan? Kaya ba walang naghahanap sa kanya. Dahil ba, isa s'yang masamang tao? Until one day she just found out that someone was suffering greatly because of her. After all that happened to her and after forgetting the past. Including the promise not being fulfilled. But how can she fulfill it? If she doesn't remember it, after all. * * * Author's Note: Ano man sa istoryang ito ang may pagkakahawig o pagkakatulad sa iba. Kagaya ng pangalan, karakter, lugar, mga salita man o mga pangyayari at iba pa ay hindi po sinasadya. Ang lahat ng nilalaman ng istoryang ito ay pawang kathang isip lamang. Bunga ng malikot na imahinasyon ng may akda. Hindi rin po ito maaaring gayahin ng sinuman ng walang pahintulot. Ito po ay orihinal na akda ng inyong lingkod. MARAMING SALAMAT!? _____ BY: MG GEMINI @LadyGem25

LadyGem25 · Urban
4.8
131 Chs

Teach Me (Sexy Monster Series #2)

Kung marami ang kinain ng sistema ng K-pop, mayroon din tinatawag na kinain ng sistema ng “porn”. Ito ay si Apple Dimaculangan, bente-anyos na geeky pero nuknukan ng curious sa mga makamundong bagay. Certified Birheng Maria sa modernong taon. Kung nabubuhay siguro si Maria Clara at uso nang internet noong panahon ng mga Kastila, malamang bestfriend sila ni Apple. Sabi kasi nila, `yung mga tao na wala pang experience sila raw ang mas malaki ang kuryosidad. Kung may “Kupido” para sa soulmates, mayroon din tinatawag na “Sex Demon” upang buhayin ang makamundong pagnanasa sa kalooban ng mga tao. Isa na roon si Levi—ang Top one agent sa SEX Inc. Gwapo to the highest level, sobrang sexy to the highest level times one hundred, at mapanukso to the highest level times one thousand! When the virgin meets the Sex Demon, nabuo ang isang misyon: maging ganap na babae si Apple at maibuka ang kanyang bulaklak. Levi will guide Apple on her journey how to embrace her sexuality. Para sa birhen, dating birhen at feeling birhen! Tara na at samahan niyo si Apple sa masaya, malandi at puro kaberdehang kwento na magpapangiti at magpapa-WET sa inyong... ...mga mata sa kakatawa! Uy iba ang inisip mo, aminin! Genre: Romantic-comedy, Fantasy, Smut Disclaimer: This story contains explicit content not suitable for young readers [R-18] Philippine Copyrights 2019 Anj Gee "Anj Gee Novels" Grim Reaper Chronicles- Completed Adik Sa'yo - On Hold [Sexy Monster Series] Bite Me- Completed Teach Me- Completed Mate with Me- TBA ————— Join our FB group: Cupcake Family PH Like my page: facebook.com/AnjGeeWrites

AnjGee · Urban
5.0
50 Chs
Table of Contents
Volume 1

ratings

  • Overall Rate
  • Writing Quality
  • Updating Stability
  • Story Development
  • Character Design
  • world background
Reviews
Liked
Newest

SUPPORT