Kinakailangan Nating Mag – isip Ng Paraan Kung Paano Siya Haharapin

Nagtatakang tumingin si Gu Heng kay Tangning. Hindi niya maintindihan kung bakit pumapayag si Tangning na ilagay ang kanyang sarili sa panganib. Ano pa man, tila ang pagkakataon na akala niyang nawala na, ngayon ay nabawi na niya.

"Ok, humanda na tayo…"

Tumingin si Gu Heng kay Tangning habang nakatalikod ito sa kanya. Ayon sa kanyang lakas, ang saktan si Tangning ay isang bagay na masyadong madaling gawin. Ngunit…dahil sa ilang kadahilanan, nakaramdam siya ng labis na kaba. Sa katunayan, ang kanyang mga palad ay nag - uumpisa nang mabalutan ng pawis.

Ngunit, kapag naiisip niya ang tungkol dito, lahat ng ito ay dahil sa paghahamon sa kanya ni Tangning. Kaya, pakiramdam niya, hindi dapat siya ang sisihin sa paggawa ng hakbang.