Bagian ka 27

Adit akhirnya lolos seleksi penerimaan calon pemain futsal tingkat nasional dan dia pe renca habis

Adit lulus SMA dia akan bergabung deng tim futsal tingkat nasional. Adit dan dia pe orangtua

rasa senang deng hal itu. Dorang pun mengadakan acara makang malam bersama, dorang undang Shinta deng dia pe anak-anak (Bela dan Ade). Adit lalu menghubungi Bela

"halo, Bela ini Adit"

"yah Adit ada apa?"

"apa hari Minggu ini ngoni ada acara"

"hari Minggu torang nyanda ada acara emangnya kenapa?"

"torang... kita pe maksud, kita pe orangtua mo adakan acara makang malam dan torang undang

ngoni for makang malam bersama"

"oh iyo, kira-kira dalam rangka apa"

"apa kita nyanda kase tau pa ngana kalo kita lolos seleksi penerimaan calon pemain futsal tingkat nasional"

"nyanda"

"oh sorry kalo bagitu, kita kira so kase tau pa ngana"

"kalo bagitu s'lamat yah Adit"

"makase"

"cici siapa yang ba telpon"

"oh, Adit yang ba telpon, dia ajak mama, kita deng ngana makang malam di Adit pe rumah"

"waw, asik makang-makang, Ade makang-makang"

"Ehem itu Ade yah"

"mmm... iyo itu Ade, dia lagi ba jontra model orang seno"

"siapa yang seno"

"ehm Adit kita tutup dulu itu telpon, nanti kits telpon loe bale"

"oke, bye"

"bye"

"ci sapa yang seno?"

"ngana pikir jo sandiri"

Bella pun segera kase tinggal dia pe adik sandiri

"siapa yang seno?" Ade ba tanya pa dia pe diri sandiri sambil garo-garo dia pe rambu

Malam tiba, habis makang malam, Ade dan Bela duduk disofa sambil nonton tv, biasanya ini kakak

ade so mo baku rebut remote TV, tapi kali ini Bela kase biar dia pe ade monopoli itu remote TV. Ade ganti beberapa kali itu acara TV sampe dia dapa dia pe acara favorite. Sedang Bela dia pe pikiran nintau malayang ka mana. Ndak lama kemudian Shinta pulang dari tampa dia karja, dia lalu sapa dia pe anak-anak yang lagi duduk disofa sambil nonton TV

"mama pulang"

Ade dan Bela cuma ba diang

"ngoni belom bobo esok ngoni sekolah"

"eh mama so pulang"

"Ade belom tidor, besok Ade mo sekolah"

"Ade belom ma nganto, Ade nungguin mama"

"giapa Ade nungguin mama"

"tadi ko Adit ba telpon katanya mo ajak mama, Bela dan Ade makang malam di dia pe rumah"

"oh yah dorang ajak makang malam"

"iyo, minggu ini katanya"

"ngana pe maksud hari Minggu"

"iyo hari Minggu"

"kira-kira dalam rangka apa yah?"

Ade angka dia pe kedua bahu

Shintya lalu ba putar ka arah Bela yang lagi asik menghayal

Bela dapa lia nintau kalo dia pe mama so pulang. Shintya heran liat dia pe anak pe kalakuan

"Ada apa sayang dari tadi ngana melamun aja"

"eee... nyanda ma, Bela hanya lagi ba pikir aja"

"lagi ba pikir apa sayang"

"mmm... apa torang tolak aja itu undangan makang malam Adit pe keluarga"

Shinta, pe pupil mata dapa lia besar dan dia pe mulu ta buka.

Dia nintau mo jawab apa?

apa dia deng dia pe

anak-anak mo penuhi undangan makang malam Adit pe keluarga atau nyanda?