Bagian ka 28

Shinta amper nyanda bisa tidor deng nyenyak, dia coba tutup mata mar nyanda bisa, dia

fugado, benaut di dia pe pikiran terlintas saat-saat dia dulu masih jadi Arthur pe bini/maitua. Kenangan-kenangan indah dan manis ketika masih sama-sama deng dia pe mantan laki/paitua tambah deng pertemuan deng Arthur tadi siang dilobby kantor saat dia ada antar orderan kukis ulangtaun. Dia pe mantan paitua/laki masih blm banya ba rubah, Shinta rasa heran giapa dia mantan paitua/laki bisa kase cere pa dia hanya karna laki-laki laeng.

Shinta blom bisa terima pernyataan Arthur yang bilang so nyanda cinta lagi deng Shinta karna Arthur jatoh cinta lagi deng Krisna mantan gebetan Arthur. Padahal saat baku dapa deng dia pe mantan paitua/laki tadi siang, Shinta liat masih ada cinta for dia pe diri dimata Arthur.

Shinta tau kalo Krisna so kaweng deng Arlan sebab dulu dorang datang ka acara reunian kampus. Arlan, Arthur dan Krisina satu Fakultas, Arthur carita ka Shinta waktu itu, saat dorang masih jadi laki bini.

Saat Arlan, Krisna pe paitua dinyatakan mati karna dapa cilaka, Shinta dan Arthur datang melawat

ka rumah Krisna. Sejak saat itu Arthur sering ba tamang akang pa Krisna saat mengunjungi Arlan pe kuburan. Pelang tapi pasti Arthur so jatuh cinta lagi deng dia pe mantan gebetan dan dia kase tau dia pe perasaan itu pada Krisna, meski Krisna tolak Arthur tetap gigih trus yakinkan Krisna,

dengan mengatakan dia so mo kase cere pa Shinta karna so nyanda cinta lagi deng so mo kaweng

deng Krisna.

Untuk buktikan dia pe kata-kata Arthur pun kase cere pa Shinta dan kaweng deng Krisna. Alasan laeng giapa Arthur kaweng deng Krisna karna Arthur masih rasa bersalah karna nyanda bisa selamatkan Arlan

saat insiden itu terjadi. Arthur simpang itu rahasia dari Krisna dan juga Shinta, dorang nintau sampe skarang.

Nda trasa so hari Minggu. Shinta putuskan mo datang ka acara

makang malam Adit pe keluarga

Shinta ajak dia pe anak-anak iko sama-sama nanti malam. Bela protes nimau mo iko

sedang Ade pe antusias mo iko sama-sama deng dia pe mama

"Bela, Ade, mama so putuskan sabantar malam torang mo datang ka Aditya pe rumah for makang malam bersama dia pe keluarga

"yah mama giapa bagitu, kalo bagini Bela nyanda mo iko, Bela dirumah jo"

"Bella sayang nyanda enak sama Adit pe orangtua, masa mama datang sandiri ka rumah ngana pe tamang sedang kita pe anak-anak nyanda mo iko"

"sapa bilang Ade nyanda mo iko, Ade mo iko kok, kan bisa makang-makang gratis"

Shinta geleng-geleng kapala

"tuh kan Ade mo iko jadi kita bisa kan tinggal dirumah"

"Anabela kalo ngana nyanda mo iko nanti mama nyanda mo kase ngana doi jajan deng doi transport"

"yah! ma giapa bagitu! pe tega sama ma pe anak sandiri"

"kalo bagitu buat Ade aja itu doi, Ade mo traktir tamang-tamang makang ice cream"

lagi-lagi Shinta geleng-geleng kapala. Dengan sangat terpaksa Bela dengar-dengaran pa dia pe mama