INT.someone's house,night
Hum dekhte hai ki ek aadmi jiska naam suresh(35) sofa par baitha hai aur magazine padh raha hai camera ghadi ki taraf slowly move karta hai ghadi me 10 bajhne aaye hai
(Doorbell rings)
Camera suresh ke upar move karta hai suresh uthkar darwaaje ke paas jaata hai
(At main door)
Suresh darwaaja kholta hai,darwaaje par ek aadmi ludo board ke saath khada hua hai us aadmi ka naam prafull(30) aur woh suresh ka padosi hai
Suresh:-ji?
(NOTE:-prafull bolne me haklaata hai lekin script me dialogue normal likhe hai toh prafull ke jitne bhi dialoguses hai woh haklaate huye bolta hai)
Prafull:-namaste!
Suresh:- namastey...aap kon?
Prafull:-me aapka padosi
Suresh:-acha... bolye
Prafull:-suna hai aap akele rehte ho
Suresh:-haa
Prafull:-me bhi ghar par bore ho gaya tha to socha aap akele hoge aur bore ho rahe hoge to kyu kyu na aapke saath time pass kiya jaaye.....ludo khele?
Prafull ke face par smile hai aur suresh thoda confused hai
Camera dewaar ke sahare sofa par move hota hai
Suresh aur prafull Sofa par aamne saamne baithe hai bich me ludo pada hua hai,suresh dice leta hai aur roll karta hai
Suresh:-to tum bhi akele rehte ho?
Prafull dice roll karta hai
Prafull:- nahi me apni maa ke saath rehta
hoon
Suresh:-acha..to milao unse kabhi
Prafull:-woh chal nahi sakti.aur waise bhi unko kisi ke saath milna pasand nahi [voice pitch me change karte huye]bohot gussa aata hai unko
Suresh dice roll karta hai
Suresh:-6 aahi nahi rahe
Prafull:-ab mujhe aayege
PRAFULL DICE ROLL KARTA HAI
prafull:- yeah 6 aagaye mera ek player bahar aagaya
Prafull dice roll karta hai
Prafull:-yeh teen chal teen aage badh
Prafull teen box aage badhta
Suresh dice roll karta hai,prafull ki nazar ek table par pade huye bade chaaku ki taraf padti hai prafull chaaku ko ghurte rehta hai(intense background music)
Suresh:- areeee tumne tumhara naam to bataya hi nahi
Prafull dice roll karta hai
Prafull:-ji mera naam pratull hai lekin yaha sab mujhe psycho kehke bulate hai
Suresh:-kyu?
Suresh dice roll karta hai
Suresh:-yeh 6 aaya..haa bolo kyu?
Prafull:-kya pata shayad meri harkato ki wajah se aur mera naam psycho ramnikbhai ne rakha tha....aajbhi unko miss karte hai hum
Suresh dice roll karta hai
Suresh:-kya?
Prafull:-woh ramnik bhai ne apna makaan badal liya ab woh yaha nahi rehte
Prafull dice roll karta hai
Suresh:-achaa
Prafull:-waise aap naye aaye ho aap kitne din rehne waale ho yaha kyu ki jo bhi yaha naya aata hai woh yaha jyada din nahi tikta
Suresh dice roll karta hai
Suresh:-ji mai to yaha ek intezaam karne aaya hoon bas woh ho haaye phir dusre city me chala jaunga..are baato baato me to mai tumko chai paani soda dena bhul gaya ruko me leke aata hoon
Suresh soda lene jaata hai,Prafull ke face par smile hai,prafull ghar me yaha waha nazar ghuma raha hai woh table par pade chaaku ko dekhta hai aur gehri soch me pad jaata hai phir uski najar ek chote se photo par padti hai woh photo kisi aurat ki hoti hai,suresh soda lekar aata hai aur prafull ko deta hai
Suresh:-yeh lo
Prafull photo ki taraf ishaara karte huye kehta hai
Prafull:-yeh kon hai?
Suresh:-meri patni
Prafull:-woh yaha nahi hai?
Suresh:-nahi
Prafull:-toh
Suresh:-kuch baate aisi hoti hai jo kisi ko kehte nahi hai
Prafull:-{haste huye} acha secret
Suresh:-ha aisa hi samjho
Prafull soda khatam karta hai aur glass side me rakhke dice roll karta hai
Prafull:-zindagi bhi ludo ki tarah hoti hai na
Suresh:-sab ka alag alag kehna hai koi kehta hai zindagi ludo jaisi hoti hai koi kehta hai zindagi saanp seedhi jaisi koi kehta hai nadi jaisi koi kehta hai registaan jaisi koi kehta hai khaai jaisi koi kehta hai pahad jaisi koi koi kehta hai zindagi andhere ki tarah kaali hai ya ujaale ki tarah safed koi kehta hai zindagi rangeen hai lekin koi yeh nahi kehta ke zindagi zindagi jaisi hai
Prafull:-waah kya baat kahi hai
Suresh:-{hastehuye} haina
Camera ghadi ki taraf move karta hai ghadi me 10:20 bajhe hai aur time fast forward hota hai aur ghadi me 10:50 bajhgaye
Suresh:-jeet ke kaafi kareeb ho tum
Prafull:-ludo ka king hoon me yaha par koi mujhse nahi jeeta aur jo bhi jeetta hai woh uska aakhri baar hota haj phir woh mujhse kabhi nahi jeetta
Suresh:-kya baat hai
Prafull dice roll karta hai
Prafull :-ab mujhe jeetne ke liye 4 chahiye aur aapka ek player to bohot door
Suresh dice roll karta hai
suresh:-kabhi kabhi 4 nahi aate sur saamne waala hai woh ghar par pahoch jaata hai
Prafull dice roll karta hai aur 4 aata hai
Prafull:-lekin is baar nahi yeh aaya chaar aur me jeet gaya ...aaj lucky ho bohot tum
Suresh:-mai kaise lucky?
Prafull:-ek aur game khele
Suresh:-ek aur?
Prafull:-haa...! Kyu aapko kal subha kaam hai kya
Suresh:-nahii
Prafull:toh
Suresh:-ruko me bathroom hoke aata hoon
Suresh uthkar chala jaata hai,prsfull ke chehre par smile hai woh ludo ko arrange karta hai aur ghadi ki taraf dekhta hai tabhi suresh ke chillane ki awaaj aati hai ki "bachao bachao" prafull chauk jaata hai aur bathroom ki taraf bhaagta hai jaise hi woh bathroom ka darwaaja kholta hai suresh ke chillane ki awaaj band ho jaati hai prafull bathroom ke andar jaata hai to suresh prafull ke sir par waar karta hai uske hath me wahi chaaku hai jo table par pada tha woh prafull ko maarte jaata hai maarte jaata hai,suresh apna mobile nikaalta hai aur kisi ko call karta hai,saamne waala call uthata hai
Suresh:- hello body ka intezaam ho gaya
Camera bathroom se hokar bahar jaata jaata hai, camera ludo par jaata hai, camera us table par move hota hai jaha bada chaku rakah hua tha lekin ab waha woh chaaku nahi hai