chapter: 15 past

Main, Eric aur Evaa hum bachpan se boht pakke dost the.. itne pakke ke hamara naam bhi 'E' par hi rakha tha....hum teeno ki dosti toh poore jungle mein mashoor thi.. sath khelna, sath khana, sath hi shikaar par jana.. itna ke hum teeno sath hi rehte the... boht ache din the vo..

Eric jaisa dost kismat walon ko hi milta hai.. uske jitna acha, sacha, imaandaar aur himmat wala vamp Maine kabhi nhi dekha.. chahe main galat rha hoon chahe shi vo hamesha hi mere sath rha hai.. usne mujhe kabhi ni choda.. vo mujhe boht ache se samjhta tha aur main usse aur ab bhi hum sath hain has Evaa door ho gyi..

Abeer: kyu?

Ed : koi ni batata hoon..

Evaa bhi boht achi thi, meri boht pyari dost thi, vo bhi boht taqtwar thi.. usse ladna, insaano ko maarna, pasand tha.. vo ek dum pagal thi.. insaano ko dekh kar hi uska khud se control chala jata tha.. Evaa vaise toh thodi self-centered thi.. par mere aur Eric ke liye vo boht achi thi.. hamesha sath deti thi..

Jaise-jaise hum bade huye!! Sab pyar mein pad rhe the, Kyon ke hum jawaab ho gye the.. jab tum jawan hoge toh tumhe pta chalega..

Abeer hasne lag jata hai..

Ed usko haste dekh kar aage bolta hai: hum teeno ke sath bhi yhi huya.. hum teeno insaano ke beech bhi jate the.. toh mujhe whi par ek insaani ladki se pyar ho gya tha.. uska naam Aahira tha.. pta hai vo boht sundar thi... jab bhi usko dekhta tha na toh mann ko ek sakoon sa mil jata tha.. bhoori-bhoori si aankhein aur kale rang ke baal, aur uski vo smile... jo sara din uske chehre par rehti thi.. uski naak choti c thi.. par Pyari thi.. main usko dekhne ke liye hi jata tha.. vo uss market mein roz shaam ko aati thi..

Abeer ke yeh sab sunte hi uske chehre par ek pyari c smile aa jati hai.. Ed apni baat jaari rakhta hai..aur yeh Maine sirf Eric ko hi bataya tha, kyon ke Evaa ko insaan pasand nhi the, vo unse nafrat karti thi.. usse sirf insaano ko maarna aur unka khoon peena hi pasand tha. Agr usse yeh pta chalta,ya toh vo mujhe maar deti ya Aahira ko... par main aur Eric usse thoda alg the..

Eric ko Evaa boht pasand thi.. thodi rude thi, par dil ki achi, Evaa bhi khair kam nhi thi.. vo bhi boht kamaal dikhti thi tabhi toh Eric ka dil uss par aa gya tha.. hamesha madad karne wali..'

Abeer: aur Evaa ko kisse huya?

Ed thoda dukh se bolta hai, 'mujhse!! Han, usse main acha lagta tha.. aur vo mujhse shadi karna chahti thi.. ye baat mujhe Eric ne batayi thi.. kyon ke jab Eric ne Evaa ko apne pyar ka izhaar kita toh usne Eric ko naa kar di aur usse bataya ke vo mujhe pasand karti hai..

Eric, Evaa ko boht pasand karta tha itna ke uski khushi ke liye kuch bhi kar sakta tha... toh Eric ne meri boht minnat ki thi ke main Aahira ko bhool kar Evaa ko haa boloon jab vo mujhse apne pyar ka izhaar karegi!! Tan ke uska dil na toote.. Eric bhi pagal hi tha uske liye..

Par mujhe yeh baat boht galat lagi thi kyon ke Maine Evaa hamesha se apni dost hi samjha tha.. aur kisi dost ke sath aise rishtey mein aana boht mushkil hota hai..

Abeer: fir kya huya papa?

Ed: fir aise hi kuch din beete main khud ko rok nhi paa rha tha.. mera bhi boht mann tha ke main Aahira se jake baat karoon.. usse apne dil ki baat bataoon par Evaa ne pehle hi mujhse apne pyar ka izhaar kar diya.. mujhe boht dukh tha.. aur main Evaa ko dhokha nhi dena chahta toh Maine usse Naa kar di aur boht pyar se samjhaya tha ke vo Eric ke sath boht khush rahegi, Kyon ke Eric usse boht pyar karta tha

Uss waqt toh Evaa ne meri baat ka koi jawaab nhi diya.. vo chali gyi thi..

Maine bhi Aahira se baat karni shuru kar di thi.. usse baat karna boht mushkil tha.. pta hai main usse bula rha tha aur vo meri taraf dekh bhi nhi rhi thi.. hamari pehli Mulaqat boht hasi vali thi.. tumhe pta hai jab usne meri taraf dekha toh main usse dekhkar whi par aise hi gir gya tha aur vo boht hasi thi.. Abeer bhi yeh baat sunte hi hasne lag jata hai.. bas uss din ke baad usse roz milna ho gya tha aur aise hi vo meri achi dost bhi ban gyi thi.. yeh baat Maine Eric ko batayi thi.. toh hum dono khush the.. humne uss raat party ki aur wahan par insaano ke peene wali sharaab bhi pee thi tbhi wahan par Evaa ne bhi hum dono ko join kiya.. par hamne usse hamari party ka kaaran nhi bataya..Maine uss din pehli baar sharaab pee thi toh mujhe boht jada chadh gyi thi.. uske baad mujhe yhi yaad tha ke Evaa mujhe mere ghar ke kamre tak lekar gyi thi...

Uss raat jo huya vo hona nhi chahiye tha.. Ed thoda dukhi ho jata hai..Evaa mere nashe ki haalat mein mere sath intimate ho gyi.. jab mujhe subah pta chala toh mera Evaa ke sath boht jhagda huya tha, Maine kabhi socha nhi tha ke Evaa itna gir jayegi.. aur hum dono ka ussi baat par 4 din tak jhagda chalta rha.. fir Eric ne hamari sulaah karwayi.. aur Evaa ne mujhse maafi maangi aur sab pehle ki trah toh ho gya.. par mere andar uss baat ka guilt tha kyon ke Eric par ye baat boht Tarah asar ki hogi.. usne jataya nhi par main usse dekh kar samjh sakta tha ke vo kya soch rha tha!!Abeer ko bhi Evaa par gussa aata hai..

Yeh baat jab thndi ho ho gyi toh maine Aahira se milna fir se jaari rakha aur pta nhi usse bhi mujhse kaise pyar huya par ho gya tha.. mujhe toh bilkul bhi umeed nhi thi ke vo mujhe haa kar degi. aur kuch hi dino mein hum dono ek doosre ke boht kareeb aa gye the.. doosri taraf Evaa ab jada samay Eric ke sath bitane lg gyi thi aur mujhe jald hi pta chala ke Evaa pregnant thi.. mujhe usse milne ka samay nhi lga.. par mujhe un dono ke liye khushi thi, main Eric ke liye yhi chahta tha

Aise hi 3-4 mahine beet gye.. par tab mujhe pta chalaa Aahira bhi... pregnant thi.. aur tum vampires ke bachon ki pregnancy dekh hi chuke hoge.. itne kam samay mein bacha kafi bada ho gya tha.. Aahira ko uske Maa-baap ne ghar se nikaal diya.. kyun ke vo insaan thi na aur unki badnaami bhi ho rhi thi..jis wajah se uske paas ab koi thikaana nhi tha.. toh jab mujhe yeh pta chala toh main usse jungle mein le aaya.. tab ek insaan aur vampire ka pyar karna hamare jungle vale pasand nhi karte the.. toh sabne mera boht virodh kiya.. main Aahira ko vampire bhi nhi bana sakta tha kyon ke uski haalat boht kharaab thi.. vo itni jada patli ho gyi thi ke main jab bhi usse dekhta tha toh lagta tha ke vo mar hi jayegi.. mujhe iss baat ka boht afsos tha.. yeh sab meri wajah se huya tha..