CHAPTER 35: I WILL PROVE TO YOU

Maagang dumating si Anna sa company at nadatnan na niya si Lester sa kanilang practice studio na nageensayo para sa bagong choreography na kanyang binubuo.

"Ang aga mo ah," wika ni Anna sa nag eensayong si Lester.

"Oh andito ka na pala. Ang aga mo din ah," gulat namang wika ni Lester.

"May mga dapat lang tapusin at i-ready para sa event sa Saturday," wika naman ni Anna.

"On the way naman na rin si Paulo. Yung iba baka maya-maya pa," tugon ni Lester at itinuloy and kanyang mga stretchings.

Tanging ngiti lang ang itinugon ni Anna sa winikang iyon ni Lester.

"Alam mo boto kaming apat sa iyo," tuloy-tuloy na wika ni Lester.

"Ha?" nabiglang wika ni Anna.

"Boto kami sa iyo," muling wika ni Anna.

"Boto? Hindi naman ako kumakandidato," nakangiting wika ni Anna.

"Hala. Sige deny ka pa. Obvious naman. Boto kami sa iyo para kay Paulo," tuloy na wika ni Lester.

Hindi nakasagot si Anna sa mga tinuran ng binata. Nanatili lamang tahimik ang dalaga. Muling nag salita si Lester para basagin ang namayaning katahimikan sa pagitan nilang dalawa.

"Malaki pinagbago ni Paulo mula ng dumating ka. Nakita namin ang pagbabago niya. Mas natuto siyang mag open up at sabihin ang nararamdaman niya. Hindi na rin siya masyadong bugnutin mula ng makilala ka nya. Natuto siya magrelax at hindi masyadong seryoso," mahabang bahagi ni Lester kay Anna.

"Bakit ako?" tanong ni Anna kay Lester.

"Bakit hindi ikaw?" balik na tanong ni Lester kay Anna.

"Simple lang naman ako. Hindi tulad ng mga taong mas makakahalubilo ninyo," tugon naman ni Anna.

"Eh sa iyo tumibok ang puso ni Paulo. Sa iyo nya naramdaman eh," sagot ni Lester sa kanya.

"Pero—" naputol ang mga sasabihin ni Anna ng muling nagsalita si Lester.

"Anna, mahal ka ni Paulo. At alam ko na kung ano man ang nararamdaman niya ay totoo. Hindi ko ito sinasabi dahil kaibigan ko siya. Sinasabi ko ito kasi iyon nakikita ko sa kanya. At alam ko na may nararamdaman ka rin naman para sa kanya. Pero siguro may takot lang sa puso mo. Hindi kita pinepressure sa kung ano ang nararamdaman mo. Pero sana huwag mong pigilan ang puso mo na magmahal at mahalin," seryosong litanya ni Lester.

"Siguro nga natatakot ako. Natatakot akong masaktan. Natatakot akong maiwan. Pero natatakot din ako na maging hadlang sa career nya. Hindi magiging madali kung papasok kami sa relasyon sa puntong ito ng career ninyo," tapat na sabi ni Anna.

"Naiintindihan ko na nagaalala ka sa maaring mangyari sa career nya. Kaya alam ko na nag-aalala ka rin para sa kanya. Pero para sa akin, kung ano ang nasa puso mo sundin mo," litanya ni Lester habang ginagawa ang signature move ng dating sikat na dance group.

"Ikaw talaga. Bahala na. Salamat ah," wika ni Anna kay Lester.

"Naku wala iyon. Kayo pa ba. Eh malakas kayo sa akin," nakangiting wika ni Lester.

"Good Morning!" wika ng taong nasa may entrada ng silid na sabay na napagpalingon kay Anna at Lester sa gawi nito.

"Oh 'Dre andyan ka na pala," bati ni Lester kay Paulo.

"Kadarating ko lang. Ang aga mo ah," baling ni Paulo kay Lester habang lumalapit palapit sa kanila.

"Oo. Tinatapos ko pa kasi ung bagong choreo doon sa new song," sagot naman ni Lester.

"Hello Anna! Good morning," baling ni Paulo kay Anna habang matamis ang ngiti ng binata.

"G-ood Morning!" nauutal na bati rin ni Anna.

"By the way, eto pala oh," sabay abot ng paper bag kay Anna.

"Ano 'to?" tanong ni Anna habang inaabot ang paper bag.

"Almusal mo," sagot ni Paulo dito.

"Pero—" naputol ang sasabihin ni Anna ng biglang nagsalita si Lester.

"Ah wait lang. I think that's my que. Need ko nang mag exit frame," nakangiting wika ni Lester.

"Saan ka punta?" pagtatanong ni Paulo.

"Sa may lobby. May meeting kami ni Jerson," wika ni Lester habang kinukuha ang kanyang bag.

Bago tuluyang umalis ay may ibinulong pa si Lester kay Paulo.

"And hindi na ko kailangan dito. Para matuloy mo yang panliligaw mo," natatawang wika ni Lester.

"Sira!" wika ni Paulo na may hampas pa sa kaibigan.

"Sige na! See you later guys," paalam ni Lester sa dalawa.

"Anong binulong ni Lester sa iyo?" tanong ni Anna kay Paulo nang makaalis na si Lester.

"Wala yun. Puro kalokohan lang alam nun," sagot naman ni Paulo.

"Salamat nga pala dito," wika ni Anna habang itinataas ang paper bag na binigay ng binata.

"Wala yun. Kainin mo na habang mainit pa," wika naman ni Paulo sa kanya.

"Hindi ka na sana nag abala sa pagdadala nito," muling wika ni Anna.

"Sabi ko naman sa iyo na papatunayan ko sa iyo ang nararamdaman ko. Simula pa lang yan. Masanay ka na," nakangiting wika ni Paulo.

"Paulo, huwag mo namang gawin sa akin 'to?" nakikiusap na wika ni Anna.

"Bakit? Hindi mo ba nagustuhan?" nangangambang tanong ni Paulo.

"Hindi naman. Kaya lang—" naputol ang sagot ni Anna.

"Hindi mo ba ako gusto?" seryosong tanong ni Anna.

"Hindi naman sa ganun," sagot naman ni Anna.

"Basted na ba ako?" muling tanong ni Paulo.

"Hindi pa," muling sagot ni Anna.

"Babastedin mo ako?" nanlaki ang matang tanong ni Paulo.

"Hindi!" muling tugon ni Anna sa binata.

"Akala ko babastedin mo ako eh," nakahinga ng malalim sa wika ni Paulo.

"Kaya lang kasi Paulo hindi ako sanay sa ganito eh. And ayaw kong makasira sa career mo," wika ni Anna.

"Anna, hindi ka makakasira sa career ko. Sa katunayan, dahil sa iyo mas gusto kong pagbutihin itong ginagawa ko. Dahil sa iyo mas inspired ako na magsulat ng kanta at magtrabaho. Hindi ka hadlang sa kung anong meron ako. Isa ka sa dahilan kung bakit pinag iigihan ko ang mga ginagawa ko," mahabang wika ni Paulo.

"Maraming salamat sa pagpaparamdam mo na importante ako sa iyo. Aaminin ko na importante ka sa akin. Espesyal ka. At aaminin ko na kinikilig ako sa mga ginagawa mo. Pero sana naiintindihan mo din ako. Kung bakit hindi kita mabigyan ng sagot sa ngayon. Pero nagpapasalamat ako sa pagpapahalaga na binibigay mo sa akin," seryosong wika ni Anna sa binata.

"Huwag ka mapressure Anna. Sinabi ko naman sa iyo na papatunayan ko ang nararamdaman ko. Hindi kita mamadaliin. Gusto ko rin naman na pagdumating ang panahon sasagutin mo ako dahil mahal mo rin ako, hindi dahil sa napepressure ka lang. Pero sana huwag mo akong pigilang iparamdam sa iyo ang nararamdaman ko. Dahil ikaw ang kaligayahan ko Anna. At makita kang nakangiti ay sapat na sa akin," tugon naman ng binata.

"Maraming salamat sa pang unawa mo. Maraming Salamat," tangging tugon ng pasasalamat ni Anna.