CHAPTER 3: GETTING TO KNOW ANNA
Pagkalabas sa meeting room ay dumiretso silang lahat sa kanilang personal practice studio sa loob din ng Show Magic Entertainment building.
"Okay guys, so kilala nyo na si Miss Anna kanina, pero siyempre magpapakilala pa rin tayo sa isa't isa," sabi ni Miss Rosie.
"Sinong mauuna boys?" tanong ni Miss Rosie.
"Ako!" pagvovolunteer ni Lester
"Hala, pabibo na naman," komento ni Jeremiah habang tumatawa
"Kaya nga," segunda ni Kenji
"Hey!" angal ni Lester.
"Hi! Miss Anna, ako si Lester Michael Antenor pero they call me Lester or Les. Pero dahil hindi pa tayo masyadong close, Mr. Antenor muna," wika ni Lester habang nagtatawanan ang iba.
"Lester!" saway ni Miss Rosie
"Syempre joke lang yun. Si Ate Rosie masyadong patola talaga. Joke lang yun Miss Anna pinapagaan ko lang ang atmosphere. Para kasing may malalim ang iniisip," sabay tumingin si Lester kay Paulo na napatingin din iba rito.
"Oh ano na naman? Sino susunod?" galit nitong wika
"Teka hindi pa ako tapos," sambit ni Lester.
"I am 25 years old. Taga Muntinlupa ako. Pero hindi sa loob," biro ni Lester na nagpatawa sa lahat.
"Pero parang malapit na siya pumapasok doon. Konti na lang," birong ganti ni Joshua na mas nagpalakas ng tawa ng lahat.
"Tama ka na. Ako naman," awat ni Joshua kay Lester.
"Ako si Joshua Samuel Sartosa pero Joshua nalang 27 years old. Ang pinaka gwapo sa kanilang lahat," pakilala nito.
"At pinaka cute," sabat ni Jeremiah.
"Cute size," hirit naman ni Kenji.
"Tama!" sang ayon ni Lester.
Irap naman ang ganti ni Joshua sa mga ito.
"Ako po si Kenji 24 years old. Hello po," maikling pakilala ni Kenji.
"Hello po ako si Jeremiah, ang pinakabata at pinaka matangkad sa kanilang lahat," wika ni Jeremiah.
"Eh di wow!" wika ni Joshua.
"Uy Paulo!" tawag pansin nila dito.
"Ikaw na," untag ni Kenji sa kanya.
"Ako si Paulo. 26 years old," pakilala niya.
"Wow ah ang seryoso ah. Ano yan?" biro ni Lester.
"Sino yan kamo?" segunda ni Joshua.
Tumingin siya ng matalim sa mga ito na nagpangisi naman sa dalawa.
"Sige Miss Anna it's your turn," untag ni Miss Rosie sa kanya.
"Hello. I am Anna Marie Cabrera from San Pedro, Laguna."
"Yun oh malapit lang sa amin ni Paulo. Diba Pau?" wika ni Lester.
Tumango lang si Paulo bilang pagsang ayon sa pahayag ni Lester.
"24 years old na ako," wika ni Anna.
"Miss Anna pwedeng magtanong?" saad ni Joshua.
"Sige po," sagot niya.
"Grabeh naman sa po. Pero tell something about yourself naman," wika ni Joshua
"Ah sorry, nagtapos ako ng Financial Management sa National Polytechnic University of the Philippines noong 2016," panimula niya.
"Hindi ba Pau doon ka din graduate?" pag confirm ni Kenji.
Tango lang ang sagot ni Paulo dito.
"Wow! Meant to be," mahinang sambit ni Jeremiah na nagpatawa kay Jeremiah at Kenji.
"Umm. Nag aaply sana ako sa Accounting Department pero wala daw vacancy. So tinanong nila kung gusto ko nga as Assistant Manager, sabi ko wala akong alam sa trabaho na ito pero sabi nila wala naman daw problema. So kinuha ko na opportunity kasi sayang for experience din," mahaba niyang sagot.
"Huwag ka mag alala Miss Anna. Kami bahala sayo," wika ni Joshua
"Hindi ba Paulo?" tanong ni Joshua dito.
"Yeah!" maikling sagot nito
"Oh siya, masyado na tayong atrasado sa oras ngayong araw. Mag start na kayo sa stretches nyo and by 10:30 am your teacher will come," wika ni Miss Rosie.
"Paulo mag start na kayo," utos ni Ms. Rosie.
"Opo," sagot niya kay Ms. Rosie
"Miss Anna please come," tawag pansin niya sa dalaga.
Pumasok sila sa maliit na silid katabi lamang ng practice studio.
"Naipaliwanag ko na naman sa iyo ang mga bagay bagay kahapon hindi ba? So, if you need anything, just call me. Alam mo na rin naman ang number ko," pagpapaliwanag ni Miss Rosie sa kanya.
"Huwag kang mag alala mababait naman yang mga yan. Medyo makulit nga lang pero okay naman yang mga yan. Magugulat ka na lang sa dedication ng mga yan. Si Lester talagang makulit yan tapos pag nagsama sila ni Kenji, sabog na. Pero madali naman kontrolin. Andyan naman si Paulo. Takot sila sa kanya," nakangiting paliwanag niya.
"Oo nga po. Mukhang hindi mangiti. Sige po Miss Rosie. Noted po lahat. Pa-assist po ako pag may mga tanong ako ah," sabi niya.
"Sure, walang problema. Oh, paano magpapaalam na muna ako ah. Ikaw na muna bahala," paalam ni Miss Rosie.
Paglabas ni Miss Rosie sa maliit na opisina ay muli siyang bumalik sa practice studio at tinawag si Paulo.
"Paulo!" tawag ni Ms. Rosie ka Paulo
"Oh paano? Iiwan ko na muna kayo ah. Andyan naman si Anna. Nasabi ko na lahat sa kanya. Kung may kailangan kayo doon lang naman siya sa office," habilin ni Miss Rosie
"Yes, Ate Rosie!" sagot niya.
"Ah siya nga pala Paulo, ngiti ka naman minsan. Sige ka, baka matakot sa iyo si Miss Anna hindi ka mapansin," nakatawang biro ni Ms. Rosie sa kanya.
"Ate Rosie!" angal nito.
"Biro lang. Eh kasi naman nagpasok mo pa lang ng meeting room iba na tingin mo," patuloy na biro sa kanya.
"Hala hindi ah," pagkontra niya.
"Oh sige. Hindi na kung hindi. Mauuna na ako," paalam ni Miss Rosie sa kanya
"Pero subukan mo din. Malay mo naman," bulong ni Miss Rosie bago umalis.
Nakangiting bumalik ng Practice Studio si Paulo.