Chapter 41

Mabilis na iwinasiwas ng batang si Li Xiaolong ang latigo niya na siyang naglikha ng parang umiikot na bagay na siyang mabilis na nagpapatalsik palayo ng mga palasong patungo sa mismong pwesto niya.

PENG! PENG! PENG!

Walang tigil man ang pagpapaulan ng palaso ay rinig na rinig naman ang pagkakatalsik sa malayo ng mga pana. Tunay ngang epektibo ang ginawang ito ng batang si Li Xiaolong.

Ngunit mabilis siyang napaatras nang mapansin niyang hindi niya kakayanin ang mga palasong bumubulusok sa kaniya.

Matutuwa na sana ang lider ng mga kriminal nang mapansin nitong tila nasa advantage siya ngunit nang tingnan niya ang direksyon ng kalaban niya ay napansin niya ang tila mga afterimages na naiiwan sa ere at mukhang papunta pa ito sa kaniyang pwesto.

He begun to think immediately at mabilis niyang nakita ang paglapit mismo sa kaniya ng kalaban niya.

Bago pa siya matamaan ng suot na pambihirang gauntlet ng kalaban niya ay mabilis na nagmaterialize ang isang malaking panangga na gawa sa matibay na metal.

BANG!

Isang malakas na suntok ang pinalasap ng batang si Li Xiaolong ngunit tumama lamang ang nasabing pambihirang atake niya sa shield ng kalaban niya.

Napaatras naman ang nasabing lider ng mga kriminal ng ilang metro mula sa orihinal nitong pwesto. Talagang malakas ang impact ng pagkakasuntok sa kaniyang pananggang metal.

"Bwiset, pasalamat talaga ako at napalabas ko pa ang matibay na pananggang ito kundi ay malubha sana ang pinsalang natamo ko." Wika nito sa isipan niya tandang hindi niya talaga inaasahan ang pagbaliktad ng pwesto nila. He is in a complete disadvantage now.

Mabilis niyang pinawala ang panangga niya dahil may kabigatan rin ito at mabilis na tumalon paatras upang dumistansya pansamantala.

Agad na nagmaterialize sa dalawang kamay nito ang nagtatalimang mga metal claws. Isa ito sa close combat na armas niya. Talagang hindi maipagkakailang bawal sa mga lider ang lalampa-lampa at ito ang dahilan kung bakit siya naging isang lider ng grupong kaniyang sakop ngunit mukhang dalawa na lamang sila ang natitira sa grupong ito ngunit mukhang siya lamang ang lalaban mag-isa.

"Talagang ginagalit mo kong hayop ka! Pwes hindi mo ako matatalo ng ganon-ganon na lamang hehehe!" Puno ng kumpiyansang sambit ng lider ng grupo ng kriminal. Talagang hindi ito paaawat.

"Masuwerte ka lamang at hindi kita natamaan kanina kung hindi ay baka nangangapa ka na sa lupa!" Simpleng sambit ng batang si Li Xiaolong sa nasabing lider ng grupo nitong unti-unti niyang pinaslang.

"Wag kang pakakampante dahil hindi ako naging lider lamang upang matalo mo ng ganon-ganon na lamang. Alalahanin mong isa pa rin akong lider!" Puno ng pagmamayabang na wika ng nasabing lider habang pinapatunog pa nito ang mga metal claws na siyang masakit sa tenga ang pagkakatunog nito.

"Ano naman ang pakialam ko kung isa kang lider, nakakalimutan mo atang pinaslang ko ang mga alagad mo gamit ang sarili kong kakayahan." Nakangising sambit ng batang si Li Xiaolong nang mapansin nitong mukhang tumataas ata ang confidence nito at nakakalimutan atang dinespatya niya na ang mga halang na kaluluwang mga alagad nito.

Tila makikitang nandilim ang paningin ng nasabing lider ng mga kriminal sa sinabi nito.

"Pwes, ikaw na ang susunod sa mapait na kapalaran nila!" Puno ng pagkasuklam na sambit ng lider ng grupo ng kriminal habang mabilis nitong sinugod ang kinaroroonan ng batang si Li Xiaolong na tago pa rin ang pagkakakilanlan nito. Mabilis itong lumipad sa ere upang pantayan ang kakayahan ng kalaban niya dahil masyado siyang nasa disadvantage kung sa lupa siya makipaglaban kagaya kanina.

"Patunayan mo, hindi yung puro ngawa ka lamang!" Seryosong wika ng batang si Li Xiaolong at mabilis na ring sumugod sa kinaroroonan ng kalaban niya.

Whoosh! Whoosh! Whoosh!

Nagsalubong sila sa ere at mabilis na nagpalitan ng mga atake.

Ang batang si Li Xiaolong ay sinusuntok nito ang kalaban niya habang ang lider ng mga kriminal ay mabilis nitong pinagtataga ang katawan ng batang si Li Xiaolong ngunit mabilis at maingat itong iniiwasan ng batang si Li Xiaolong.

PAH! PAH! PAH!

Even their feet began to move agressively to exchange blows and powerful attacks but Li Xiaolong sees an opportunity to make an attack to the leader of the criminal group.

PAH!

Mabilis na sinipa ng batang si Li Xiaolong ang tiyan ng kriminal na ito na siyang nagdulot ng pagtalsik nito ngunit mabilis na nakabalanse ang nasabing kriminal na ito.

Li Xiaolong feels a tinge of pain in his shoulder. Nakita niya ang pag-agos ng dugo sa balikat niya at kung paano napunit ang parte ng tela mula rito.

"Mukhang hindi ka nag-iingat hahaha... Kung akala mo ay matatalo mo lamang ako sa pesteng sipa mong iyon ay nagkakamali ka hahaha!" Malademonyong sambit ng lider ng mga kriminal na nasagupa ng batang si Li Xiaolong. Hindi niya aakalaing kakagat ang kalaban niya sa ginawa niyang opening sa parteng tiyan niya.

Mabilis na hinawakan ng batang si Li Xiaolong ang parteng sugat niya at masasabi niyang medyo malalim ang pagkakabaon ng metal claws sa bandang balikat niya. Hindi niya kaagad ito napansin dahil na rin sa kapabayaan niya.

Buti na lamang at hindi puti ang suot niya kundi ay mistulang naliligo na siya ng dugo rito. Ramdam niyang umagos pa ito patungo sa dibdib niya. Hinawakan niya ito upang makontrol ang pagdurugo ng balikat niya.

"Hindi ko aakalaing may pagkatuso ka din pala." Seryosong wika ng batang si Li Xiaolong habang nagpipigil lamang ito ng inis.

"Kasalanan ko bang ako ang nakalaban mo? Mukhang ako ang magwawagi sa labanang ito hahahaha!" Mayabang na turan ng nasabing lider ng mga kriminal. Indeed, he really wants to trample his opponent before killing him. Gusto niyang pahirapan ito para ma-satisfy siya. Makapaghihintay naman ang ipinunta nila rito. Siguradong tiba-tiba siya sa salaping makukuha niya sa Thunder Type Dragon Vein, hindi lang yun, maililigpit niya pa ang pesteng nilalang na ito sa kahit na anong pamamaraan lalo pa at malalim niya itong nasugatan sa balikat nito. Sa talim ba naman ng metal claws na siyang armas niya, imposibleng hindi niya mapinsala ng malalim ang matamaan niyang bagay even the flesh of his opponent.