Trouble Came Knocking

Chapter 313: Trouble Came Knocking

Pauli-ulit na nag-ring ang doorbell at naistorbo ang malalim na tulog ni Ning Xi.

Kinuha niya ang cellphone niya para tignan ang oras at nakita niyang maghahatinggabi na.

Sino namang maghahanap sa kanya ng ganitong oras? Sana naman 'di masyadong mahalaga…

Mabilis na bumangon si Ning Xi at binuksan ang pinto.

Nagulat siya nang makita kung sino ang nasa may pinto. Dose-dosenang mga tao ang nakatayo sa harap niya, lahat sila'y mga artista at crew mula sa drama team na pinangungunahan nila Ning Xueluo na nakasuot nang magandang damit, at si Fang Ya na nakakapit sa braso nito at sabik na sabik…

Sa antok ni Ning Xi, ilang segundo muna ang lumipas bago niya naalalang may nakapagsabi nga pala sa kanya na magkakaroon ng party si Ning Xueluo ngayon.

Eh bakit andito ang mga taong 'to at hindi sa unit ni Ning Xueluo?