KABATAAN...

Sabi nila kabataan ang pagasa ng bayan

Yan ang sabi ng karamihan

Ngunit paano magiging pagasa ng bayan Ang kabataan kung di nagagabayan ng tama

Ang kabataan.

Kabataan sa henerasyon ngayon ay higit na mapupusok at mapangahas

Subok ng subok sa kung anong uso

Nakikisabay sa ihip ng hangin

Parang tuyong ipa

Na sa agos ng hangin ay nagpapadala.

Sarap nga ay madarama ngunit hirap sa bandang huli

Sa kababaiha'y mabubuntis ng maaga

Sa kabinataa'y magiging batang ama

Isipan ay di pa hinog

Laro pa ang nasaisip

Mga may gatas pa sa labi.

Kabataan, oh mga kabataan...

Pakinggan nyo himig kong nagsusumamo

Di sa lahat ng pagkakataon ay sa saliw ng tugtog ay sasayaw

Sapagkat di laging ang nauuso ay para sa ikabubuti, kundi nakakasama rin minsan.

Sa panahon ngayon kapag may tugtog

Madilim

May iba't ibang kulay na ilaw

May alak

May balak

Di tulad noong dakong una madampian lang ng mga labi ang kamay ay pamumulungan na

Jusko po sa ngayon

Porke gwapo ay crush na

Porke naghi

Ang kasunod na kataga ay maykasintahan ka ba?

Tapos... sa bandanghuliTAYO na!

Ang buhay ng tao ay tulad ito nang tubig na umaagos

Kung saan-saan patungo

Kahit anong linis ng tubig ngunit kung ang dinadaluyan naman nito ay marumi

Wala rin itong silbi.

Bagamat gayon nariyan ang poong Maykapal.

Lumapit ka lang sa kanya.

Humingi ka ng tulong

Huwag mong sarilinin yaong suliranin

Sapagkat nariyan sya't handang tumulong

Manalig at kumapit ka lang

Magsisi ka ng buong puso

At handa ka nyang patawarin.

Iyan ay pangakong di mapapako!

Mga salita nya ay tunay at mapagkakatiwalaan

Nakatala sa isang aklat

Tila isang espadang magkabila ay talim

Nanunuot sa isipan, puso at kalamnan

Ito' walang iba kundi ang Bibliya.