Chapter 16
Vani Ruhan ke hath pe bandage bandhati hai ki, Ruhan apna hath piche khich kr bandage utar kr windows se bahar phekte huye kheta hai.
"Mujhe apni jhuti sympathy mat dikhao..."
"Kya... kya matlab?, Tu....tum....kehna kiya chahate ho...?" Vani hairani se kehti hai.
"Tumhe nahi pata? ki mera kiya matlab hai?" Ruhan Vani ko zor se uske dono arms ko pakad ke apni taraf gusse se khichta hai,
"Main itni asaani se bhul nahi sakta hun... Tumne mere sath kya kiya hai.... main tumse shadi sirf Grandpa ki zid pr kar raha hun.... otherwise mujhe tumse bahut nafrat hai" Ruhan Vani ki ankho me dekhte huye.
Vani khamoshi se Ruhan ki ankho me mayus hoker dekh rahi hai, Ruhan use jhatke se chodta hai. aur muh pher leta hai.
"I'm sorry....Tumhe mujh jesi girl se shadi karni padh rahi hai...." Vani Ankhe nam kr ke.
"Tum janti thi na... wo mere Grandpa hai... isly tumne jan kar ye sab kiya hai... Grandpa ne tumhe ye Bracelet ki wajha se Pehchana hai, Acha hoga tum ise na pehno" Ruhan Gusse se Vani ki hath ki aur dekh kr kehta hai.
Vani Bracelet ko dekhti hai. aur use utar ke car ke dashboard pe rakhti hai, "Mujhe maaf kar do... Main han nhi kehna chahati thi... Lekin... Grandpa ne mere aage apni ijazat rakh kar mujhe majbur kar diya tha... " Vani roti hui car ka gate open karti hai aur Car se utar kr chali jati hai.
Ruhan bina dekhe use jane deta hai.aur car ko turn le kr wahan se chala jata hai, Vani Footpath pe aage chalti jati hai. aur ek side banch pe beth kar rohne lagti hai.Banch ke piche se ek adami Bear costume phene jaa raha hota hai, Vani ko rohta dekh Bear costume man Vani ke samne ata hai, aur Use ek Candy gift karta hai.Vani ke aage achanak se bear hand me candy dekh Vani uper muh karti hai, Bear apna ser hila kr use hasane ki kosis karta hai,Vani use dekh smile karne lagti hai, Bear Costume man phir se bahut sari candies dene ke liye hath aage karta hai. Vani Smile karte huye usse candies le leti hai.
"Thank you.... " Vani smile karti hai. Aur wahan se uth kar chali jati hai.
Bear costume phene Man apna Bear mask utar kar, apne baal hatho se sahi karta hai, Bear costume man Dekhne me handsome hai, Weh wahi ruk kar Vani ko jate dekhne lagta hai.
Idhar Natasha apni Car se Yug ko uske ghar chodne jaa rahi hai.
"Tumhe pata hai, Tum ek number ke bewkauf ho" Natasha Yug se drive karte huye.
"Wo kese?" Yug Shocked hoker.
"Tumhe unn Goons ke samne nahi ana chaiye tha... Wahan se bhag kr police ko call karni chaiye thi... Agar yesa karte to tumhe itni chot nahi aati"Natasha
"Ahm... Oh... Lekin mujhe uss waqt jo sahi laga maine kiya....Kyun ke, maine tumhare uper use hamla karte huye dekha... Agar main wahan se bhag jata to... ho sakta tha wo tumhe..... Nuksan pahucha deta..." Yug
Yug ki bate sun ke Natasha Soch me padh jati hai, aur phir Yug ki aur dekhti hai.
"Thank you..."
Yug Natasha ke muh se sun kar, Sharma jata hai, "Ah.. iski koi zarurat nahi thi...."
"Han sahi kaha... Mujhe Vani ke Mangter ko Thank kehna chaiye... Kyun ki tum to pit rahe the wahan... usne akele hoker bhi sabko mara aur hume bachaya...."Natasha bold awaz me bolti hai.
"Yesa nahi hai... Main bhi mar sakta tha... Wo to... Ruhan acha fighter hai..." Yug chidte huye muh pher kr.
"Acha ek bat batao...Use dekh kr yesa lag raha tha wo Vani ki bahut care karta hai... Kiya Unka koi purana rista hai ? " Natasha
"Acha Vani ne tumhe nahi btaya....?, Ruhan aur Vani bachpan ke dost hai....10 sal pehle kisi Galatfemi ke chalte alag ho gaye the... aur aaj unhe kismat ne phir mila diya hai...." Yug kuch sochte huye.
"Acha .....?, Vani bahut mysterious hai, Wo wajah kiya thi...Ke dono alag ho gaye the?" Natasha
"Ah... wo main tumhe nahi bata sakta hun...." Yug kehta hai.
Natasha achanak car ke break marti hai. Yug ko jhatka lagta hai,
"Ouch....Ah..." Yug dard se.
"Lo.... hum tumhari location pe pahuch gaye" Natasha
"Acha... Sukhriya...." Yug Car se utarta hai.
Natasha bhi utarti hai. Aur Yug ye dekh kar Na chal pane ka natak karne lagta hai.
"Kya hua... ? kya tum chal nahi paa rahe....?"Natasha worry hoker uske pas aake use pakdte huye.
"Han... please....kya tum mujhe mere ghar ke andar tak chod dogi...." Yug
"Ok...no problem...." Natasha uski help karke use ghar ke andar le kr jane lagti hai.
Yug Ruk kr apne pocket se Home key nikal kr door open karta hai. Natasha ye dekh kar hairan hoti hai.
"Kya tum yahan bikul akele rhete ho?...." Natasha Yug ko uske ghar ke andar couch pe betha kar.
"Han....main akela rheta hun... maine jab se Restaurant ki zimmedari sambhali hai....mere parents isse free hoker Mount area me rhene chale gaye hai..."Yug batata hai. "Kya tum....coffee pina chahogi" aur Natasha se coffee puchta hai.
"Han pina to chahati hun...pr tum bana nahi paoge....isly.... mujhe batao tumhara kitchen kaha hai.... main khud bana lungi..." Natasha charo aur dekh kr.
Yug Natasha ki boldness se phir impress ho jata hai aur Smile karke Natasha ko ishara karke btata hai.
"Uss taraf....And Ek cup mere liye bhi...."
"Afcourse" Natasha keh kr kitchen me chali jati hai.
5min bad Natasha 2 mug hath me pakad kr lati hai aur Yug ko offer karti hai, Yug le leta hai, Natasha ek sip coffee ki piti hai, tabhi Yug uske Gaal pe Ice pack rakh deta hai. Natasha hairan ho jati hai aur Yug ki taraf dekhne lagti hai.
"Tumhara ye wala gaal bahut red ho raha tha... isly ye laga lo sahi ho jayga...." Yug
Natasha chup chap use laga leti hai.Yug smile karta hai.
idhar Ruhan Apne Mantion ata hai, Grandpa Couch pe bethe huye hai. Ruhan Grandpa ko isharo se greet karke apne room me jaane lagta hai.
"Ruko....." Grandpa rokte hai.
Ruhan Murd kar Grandpa ko dekhta hai,
"Jii Grandpa.?"
"Humne Vani ke liye Wedding dresses design krwai hai.... Kal tum Vani ko le kar Designer shop pe jana ..... aur use pasand krwana..." Grandpa
Ruhan gheri saans leta hai, "Yesa karna zaruri hai?"
"kya...?, pata nahi....humare achanak se ... Chest me pain ho raha hai" Grandpa Chest pe hath rakh kar.
"Grandpa ap thik to hai....?, Main doctor ko call karta hun" Ruhan preshan hote huye.
"Nahi... Doctor ne hume iski medi de rakhi hai..hum wo kha kar rest kar lege...hume room tk chod aao... aur han... Vani ko le kar jana"Grandpa keh kr Ruhan ka hath pakad kr room ki aur jane lagte hai.
Ruhan Grandpa ko room me chod kr apne room me ata hai. aur apne pocket me hath dalta hai, Pocket se Vani ka bracelet nikalta hai. Ruhan use dekhne lagta hai.