TUFANI NDANI
Geti lilipofunguliwa gari ikaingia kuelekea sehemu ya maegesho. Kwa kuona gari ile wakajua nani atakayeshuka, Aretha akapiga hatua kuingia ndani hata kabla mlango haujafunguliwa....
Mlango ukafunguliwa Li akashuka na kuelekea mlangoni ambapo dada yake kasimama,
'Hey bro Li vipi big bro yuko wapi?" Coletha kauliza kwa wasiwasi
"Aisshhhhh, ameniagiza nimpeleke. Vipi mambo yakoje huko ndani"
"Nahisi Lyn amefanya makusudi, yuko wapi yeye?"
"Coletha relax. Hebu twende ndani" Li akamjibu huku akielekea ndani.
Aretha ambaye alitangulia ndani, alipofika akasimama karibu na kochi,
"Oooh mwanangu jamani pole sana, umenitembelea lakini umeishia kufanya kazi" mama akamwambia mara tu alipoingia
"H..Hapana shida mama, n...naomba niondoke maana muda umeenda sana" Aretha akaongea huku macho akiyakwepesha na yale ya Lyn
"Eeeh kweli muda umeeenda na kupata usafiri inak___" kabla ya Lyn kumaliza maneno yake ya dhihaka mlango ukafunguliwa. Aretha hakuinua macho kuangalia mpaka Li aliposalimia
"Mama naona unafurahi na wageni wako" Li hakuonesha hisia yoyote alipoingia japokuwa alifahamu hali ilivyo kama alivyosimuliwa na Ed wakati akija
"Eeh nyie si hamtaki kuja, ngoja nipewe watoto wengine wanaonijali" mama akatania
"Shemeji Li, unaendeleaje hatujaonana tangu juzi" mwili wa Li ulikakamaa ghafla aliposikia maneno haya ya Lyn lakini akarudi na kumjibu
"Vizuri, karibu" alipomjibu akageuza shingo kumwangalia Aretha aliyekuwa akamtazama huku mashaka yake yakionekana wazi usoni pake baada ya kumuona Lyn na sio Ed, akamsalimia
"Habari za siku Aretha"
"S.sa..salama" Aretha akayapeleka macho na kumwambia mwenyeji wake na kumwambia"mama, nashukuru sana, naomba niwaache sasa"
"Oh sawa mwanangu..nashukuru kwa kuja. Karibu tena na tena binti yangu. Hapa ni nyumbani kwako pia" akamgeukia Li "unaonaje mwanangu ukimsogeza binti yangu huko mbele apate usafiri kwa wepesi"
"Sawa Mrs Simunge" Li akaitikia kwa haraka
"Aah hapana mama usimsumbue tu nita__" Maneno ya Aretha yalikatishwa mara na mama yake Ed
"Mwanangu ah hapana, acha afanye hivyo, nitakuwa na amani ukirudi salama!
"Aretha msikie mama kaka Li akusogeze" Coletha naye akatia msisitizo
"Aa. .Sawa..mama nashukuru sana na jioni njema" Aretha akaaga kisha akaelekea nje nyuma akifuatiwa na Coletha na Linus.
Aretha alijaa maswali kichwani baada ya kumuona Li, akajiuliza Ed atakuwa wapi ikiwa ameona gari yake ikiingia ambayo ana uhakika ndio iliyomleta. Wakaingia kwenye gari huku Coletha akimuomba Aretha namba wawasiliane, baada ya kuwa wamebadilishana namba Li akaondoa gari getini.
Ed aliyekuwa amekaa kwenye gari ya Li iliyoegeshwa mita chache kutoka kwenye geti la nyumba ya mama yake, aliishuhudia gari ikiondoka akajua Aretha amekubali kupelekwa. Akashusha pumzi kwa nguvu halafu sura yake ikabadilika, akawasha gari na kumsubiri mlinzi amfungulie geti.
"Am coming for you Joselyn" mawazo ya Ed yakaongea ndani yake. Aretha kuondoka pasipo yeye kumpeleka kulileta maumivu moyoni kwa Ed. Aliamua kufuata ushauri wa rafiki yake ambao hata Li mdogo wake aliukubali. Hivyo Ed alipofika nje ya geti akaamua kumsubiri Li, na alipofika akaona vyema Li atumie gari yake ambayo aliona ilifaa kwa kuwa mdogo wake alikuja na gari ndogo aina Mitsubishi "Sports car". Akakusudia kutompatia mama yake wala Aretha shida.
Alipoendesha kuingia ndani ya geti, Coletha alikuwa nje bado akiangalia simu yake. Baada ya Ed kufungua mlango wa gari na kushuka muonekano wake ulimfanya dada yake kujua ujio wa kaka yake ni wa kushughulikia jambo na kulimaliza au kumaliza mtu. Akatamani afurahi lakini akaomba moyoni mambo haya yasimuathiri mama yake ambaye hakumjua Lyn vizuri wala hakumfahamu Aretha sana.
Coletha akamtazama kaka yake ambaye alipiga hatua kumuelekea, "Bro mbona hukum__"
Maneno ya Coletha yalikatishwa na mkono ulionyooshwa kumuonesha, Ed hakuwa tayari kuzungumza kuhusu hilo. Akamgusa begani kisha akapita na kuingia ndani akimuacha nyuma dada yake ambaye wazo moja tu lilikuja ndani yake.
"Tufani itavuma huku ndani" akawahi kumfuata ndani kaka yake ili kushuhudia mambo yatakavyokuwa.