ALISAHAU

"Ooooh Rian nisamehe sana, sikujua ingekuwa hivyo" maneno haya yaliambatana na kwikwi za kulia

Edrian akamkumbatia, ile mikono ya Aretha iligusa mgongo wake ambao ulikuwa hauna hata kipande cha nguo. Msisimko ulisafiri kwenye mwili wa Edrian hadi kwenye fahamu zake. Akamrudisha nyuma kidogo Aretha, mkono ukashika kidevu chake na kumuinua

"Retha, unaweza nipatia dakika chache nivae kisha tuongee?" Akamwambia huku kidole gumba chake kikifuta machozi usoni kwa Aretha ambaye alitikisa kichwa kukubali.

Edrian akampeleka mpaka kwenye kochi, akamketisha . Aretha akainama akiminya vidole vyake huku akiomba moyoni Ed asivalie pale

Edrian akaelekea ilipo kabati akatoa pajama zake za kulalia akazibeba kisha akaelekea bafuni huku akimuacha Aretha akishusha pumzi akishukuru.

Alipomaliza akatoka na kujiunga na Aretha kwenye kochi la watu wawili lililokuwepo mle ndani. Harufu nzuri ya manukato ikakijaza chumba kile. Hayakuwa manukato makali bali harufu nzuri yenye kustarehesha ilikuwa puani kwa Aretha.

"Harufu nzuri kweli" akawaza Aretha

Hata alipoketi, bado Aretha aliendelea kuinama huku akifinya vidole vyake..

"Retha, sogea kwangu" Akamuita huku tabasamu laini likionekana usoni kwake

Aretha akasogea, lakini Edrian akamuelekeza alale kwenye miguu yake. Aretha akataka kugoma lakini Ed akamtania "Kama hautaki kulala miguuni kwangu basi nikulaze kitandani" Aretha aliposikia hivyo akalala kwa haraka kwenye miguu yake huku akiangalia pembeni, lakini Ed akamgeuza apate kumtazama vyema kisha akamuuliza,

"Nambie kwa nini ulikuwa unalia?" Edrian akamuuliza huku akichezea nywele zake

"Eeeeh" Aretha akajikuta hajui ajibu nini

Edrian akamtania, "Ikiwa utakuwa hunijibu kila napokuuliza nitakubusu hapa" akaelekezea midomo yake kwenye ile ya Aretha na kumpa busu jepesi. Aretha akafumba macho!

Kabla ya kujibu, meseji ikaingia kwenye simu ya Ed, akachukua na kusoma kisha akaweka pembeni

"Wifi yako anasema chakula tayari, unaenda kula?" akamwambia huku tabasamu likimtoka upande mmoja

Aretha akashtuka kusikia 'wifi' akashangaa"Eeehmm" alipokuwa kwenye mshangao huo midomo ya Ed ikampiga busu huku ulimi ukifanya ziara yake na kumuacha Aretha na miguno ya raha

Akaachia alipoona Aretha akianza kusema taratibu, akamwangalia, naye Aretha akafumba macho! "Utaenda kula?" Akamuuliza

"Na wewe utakuja?" Akauliza Aretha

Edrian akainama akambusu tena mara hii hakuachia. Aretha sasa hakumuacha Ed amkimbie, mkono wake ukamshika shingoni

"Mmhh" Edrian akaachia mguno mara alipoona Aretha akimpokea pasipo kusita, sekunde za mahaba haya zikapita pasi na wao kujua hadi mlio wa simu ikiita ulipowashtua

"That's my sister" akasema Edrian baada ya kumuachia Aretha ambaye sasa alijaribu kujiweka vyema

"Unashuka chini kula au wakuletee huku?" Akauliza Ed huku tabasamu likiwa wazi usoni mwake

Aretha akiwa amefumba macho akajibu "Wewe utakula?"

"Utakapokula wewe na mimi hapo hapo!" Akajibu Ed

Aretha akafumbua macho na kumwangalia Ed ambaye aliinama kumtazama "basi amua wewe wapi tule"

Akachukua simu na kupiga, "baby sisy pole nilikuwa bafu, unaweza kutuletea tu chakula"

Aretha akamwangalia kwa kumshangaa, lakini Ed akajitetea "unataka nimwambie tulikuwa tunafanya nin__" kabla hajamaliza Aretha akamuwahi kwa kumuwekea mkono mdomoni lakini Ed akaubusu

Aretha kainuka haraka kama mtu aliyekumbuka kitu "Rian, huoni Coletha atashangaa kuwa tumekaa wote chumbani?"

Edrian akamwangalia huku akitabasamu "Kwa hiyo hautaki ajue kwamba sisi ni wapenda!!!"

"Aah.. hapana simaanishi hivyo ila_" Aretha akajaribu kujitetea lakini mlango ukagongwa na macho yao yakaelekea huko

Edrian akainuka kuelekea mlangoni wakati huo Aretha akakimbia upesi kuketi kwenye kochi

Mlango ulipofunguliwa, Edrian akarudi nyuma kumruhusu Coletha kuingia

"Nimeona kimya nikajua umeahirisha kula!" Coletha akamwambia Aretha huku akiweka chakula kwenye meza

"Hah...hapana ni..nilisahau" Aretha akajikaanga na kumfanya Ed amtanie

"Alisahau mara alipoingia, msamehe"

Coletha akamwangalia kaka yake kisha akacheka na kumgeukia Aretha ambaye alijikausha kama hakusikia!