Ok I will do it!

*thud*

Ek sundar ladki jisne light pink dress pehn rakhi thi mujhse aa kar takra gayi. Wo ladki or koi nahi balki Elara Kingdom ki princess, Princess Sylvie thi. Ham dono gir gaye. Sylvie boli

"Aah! Andhe ho kya?"

"Nahi, mujhe to tum andhi lagti ho"

"Kya kaha tumne?"

"Behri bhi ho kya?"

"Urghhh! Tumhe pata bhi hai m kon hu?"

"Kyon tumhari yaadash bhi kharab hai kya?"

Sylvie ne chaaron taraf dekha or boli

"Unghhh! Wo bhaag gaya"

M khada hua or Sylvie ko uthane ke liye haath aage kiya lekin Sylvie ne mera haath thukra diya or boli

"Bhaad me jaao"

M ek halki si smile ke saath bola

"Raasta nahi pata"

Sylvie ne muh banaya or wahan se chali gayi. Maine man me socha 'Kitni sundar or ghamandi ladki thi'

M bhi apne raaste chalne laga lekin ek dum se suraj ki roshni kisi jameen par giri hui cheej se takra kar meri aankhon me lagi. Meri najar us jameen pe padi hui cheej par gayi. M uske pass gaya or dekha ki wo ek jhumka tha. Maine socha ki 'Ye jarur us ladki ka hoga'. Maine us jhumke ko uthaya or apni jeb me rakh kar apne raaste chal pada. 

M Detective Samuel ke ghar pohoch gaya. Maine andar jaane ke liye darwaja khola hi tha ki ek dum se Detective Samuel darwaje se nikal kar mujhse takra gaye. M bola

"Oww...Sir?"

"Oh Orion! Tum aa gaye. Bilkul sahi wakt par aaye ho, aao mere saath chalo"

"Lekin kahan par sir?"

"Chalte chalte batata hu"

M Detective Samuel ke piche piche chal pada. Ek nishchit jagha par pohochne ke baad maine unse sawaal pucha

"Sir, kya ham King's Road ki taraf jaa rahe hai?"

"Haa"

King's Road wo raasta tha jo Kingdom se King ke castle tak jaata tha. King's Road par sirf kuch khaas logon ko hi entry milti thi jinme se ek Detective Samuel bhi the. Maine unse pucha

"Sir, King ke saath kuch ho gaya kya?"

"Nahi"

"To?"

"Kya tumhe raja ki beti, Princess Sylvie ka pata hai?"

"Haa, lekin kabhi dekha nahi hai, magar kyon?"

"Kal Princess Sylvie ka birthday tha or Raja ne unhe Valoria Kingdom ke sabse mashoor Jeweler, Kumai Lusihana, ki banai hui jewelery tofe me di thi or--"

"Or wo jewelery chori ho gayi or ab hame chor ka pata lagana hai" 

"Kaash ye itna simple hota"

"Kya matlab?"

"Matlab ye ki raja ne pehle hi chor ko pakadkar jail me daal diya hai"

"Huh?! To-- Oh acha m samjh gaya. Hame jewelery ko dhundna hai jo shayad chor ne kahin chipa di hai"

"Nahi, jewelery bhi waapis mil chuki hai"

"To fir hamara kya kaam hai?"

"Meri puri baat sunoge tabhi to samjh aaega"

"Sorry Sir, bataiye"

"Jo jewelery raja ne apni beti ko gift me di thi wo chori gayi thi. Raja ne chor ko bhi pakad liya or jewelery ko bhi dhund liya, lekin dikkat ye hai ki jis jagha par wo jewelery rakhi thi us jagha ke baare me sirf 5 hi logon ko pata tha or wo paancho ke paancho raja ke khaas log hai"

"Oh acha, to hame dhokebaaz ka pata lagana hai"

"Haa, or wo m pehle hi pata laga chuka hu"

"Oh, jaisi aap se umeed thi Sir"

"Ab bas chalkar raja ko personally batana hai"

"Oh..ok..."

"Kya hua?"

"Kuch nahi"

"Tumhe lagta hai mujhse kuch chupega?"

"Huff....Sir case to aap pehle hi solve kar chuke hai. Mera kya kaam?"

"Haha....Tumhara mission ye hai ki tumhe raja ki beti Princess Sylvie ke kamre me jaana hai or kisi ko pata bhi nahi lagna chaiye"

"Kyyaaaaa?"

"Haa"

"...."

"Kya hua? Dar gaye?"

"N-Nahii, m ye karunga. Haa m karunga"

"Good. Jaao ab"

Maine haa to keh di thi lekin na to m kabhi King Castle ke andar gaya tha or na hi mere pass King Castle ka koi map tha. Upar se King Castle ki security, Elara Kingdom apne traps ke liye bohot famous tha. Koi bhi saare traps ko paar nahi kar pata tha. Agar koi bychance ek trap ko paar kar bhi leta tha to dusre me fas jaata tha. Lekin mere liye traps itni badi dikkat nahi the. Mere liye sabse badi dikkat tha King's Road. King's Road eklota aisa raasta tha jo King Castle ki taraf jaata tha. King Castle ke chaaro taraf 35 foot ki diwaare thi jo ki King's Road se shuru hokar King's Road par hi khatam hoti thi, taaki koi bhi King's Road ke alawa or kahin se King Castle tak na jaa sake. 

Lekin ab maine haa kar hi di thi to mujhe koi na koi to tarkika dhundna hi tha to m lag gaya Elara Kingdom me King Castle ka map or King's Road me ghusne ka tarika dhundne me. Us din se shuru hua meri jindagi ka ek anokha Adventure.