Sacrificial Blood Rabbit (3)

Idinikit ng Sacrificial Blood Rabbit ang kaniyang sarili kay Jun Wu Xie. Matapos maramdaman

na ang panganib ay unti-unti ng nawala, ang kulay pulang dugo na balahibo nito ay unti-unting

naglaho at bumalik sa dati nitong wangis na malambot at nakakaakit na kuneho. Tila naisip

nito na si Jun Wu Xie ay mas magiliw sa malambot at mahinang anyo niyang kuneho. Matapos

magbalik sa dating hitsura ng Sacrificial Blood Rabbit ay bigla itong napasalampak sa higaan at

nagmamakaawang tumingin kay Jun Wu Xie habang malungkot na umiyak, ang tunog ay

sobrang hina ngunit halos ang sakit pakinggan.

Wala na sanag balak si Jun Wu Xie na abalahin pa ang sarili tungkol doon ngunit nang makita

ang munting kuneho na ang katawan ay puno ng sugat, ang puso niya ay lumambot at

nagtungo ito sa kama upang buhatin ito. Marahan niyang sinipat ang mga sugat at ng

masigurong maayos ang mga ito ay nakahinga siya ng maluwag.

"Puu." Tila naramdaman nito na lumambot ang puso ni Jun Wu Xie, ang Sacrificial Blood Rabbit

ay marahang ibinaon ang sarili nito sa braso ni Jun Wu Xie, ang kilos ay mahiyain at makiri.

"Meh!"

[Mapanlinlang na kuneho!]

Ang pagkamuhi ng Lord Meh Meh ay abot hanggang sukdulan at nangangalit ang mga ngipin

nito.

Nais nito magprotesta kay Jun Wu Xie ngunit tinapunan siya nito ng malamig na titig kaya wala

siyang nagawa kungdi ang magmukmok sa isang sulok, sobrang nalungkot ito kaya paulit-ulit

niyang inuntog ang paikot niyang sungay sa paa ng upuan.

[Ang tagapagpakain ay nakahanap ng bagong mahal! Ang tagapagpakain ay hindi na mahal si

Lord Meh Meh! Sobrang lungkot ni Lord Meh Meh!]

Naaawang tinignan ni Jun Wu Xie si Lord Meh Meh habang patuloy ito sa pagmamaktol.

Bumuntong-hining siya at naglakad patungo dito upang buhatin rin sa kaniyang braso. Isang

mahiyain at makiring kuneho sa kaliwa at isang nagmamaktol na Lord Meh Meh sa kanan.

Nang mga sandaling iyon, pakiramdam ni Jun Wu Xie ay wala talaga siyang magawa.

Kumpara sa malungkot na si Lord Meh Meh, ang pusang itim ay mas kalmado.

Dahil kilala niya ang kaniyang Mistress na hindi nito mapipigilan ang sarili sa mga kaibig-ibig at

mabalahibong nilalang, nahulaan na niyang ito ay mangyayari ng mapagtanto na ang Sacrificial

Blood Rabbit ay isang Guardian Grade Spirit Beast.

Kung nagkaton na isa lamang iyong pangkaraniwang kuneho, maaaring mag-alala si Jun Wu Xie

sa napakaigsing buhay nito at magdesisyon na huwag na itong kunin. Ngunit dahil sa isa iyong

Guardian Grade Spirit Beast na may kakayahang protektahan ang sarili… lalo na at isa itong

mahiyain at makiring kuneho na mapanlinlang din ay paniguradong hindi tatanggihan ito ni Jun

Wu Xie.

Ang pusang itim ay kalmadong iwinasiwas ang kaniyang buntot sa hangin, biglang naisip na

ang trabaho nitong pagsasalin ay mas dumami.

Hindi magtatagal, ay magiging top scholar na siya bilang tagasalin para sa Beast Speech!

Bagama't ang mapanlinlang na kuneho ay nahuli, ito ay isang batang Spirit Beast na hindi pa

gumugulang at higit pa doon, ay naranasan nito ang mabinggit ang buhay sa kamatayan kaya

ito ay mahina pa at malipas ang ilang sandali ito ay nakatulog. Nakatulog ito ng matiwasay na

tila buo ang tiwala nito sa kaniyang bagong amo, ibinaba ang kniyang depensa.

Walang magawa si Jun Wu Xie kungdi dalhin ang dalawang hayop pati ang itim na pusa upang

mahiga sa higaan at maya-maya pa ay nakatulog na rin, hinihintay ang kaniyang hamon sa

nangungunang ranggo ng Spirit Beast Arena na magsisimula bukas.

…

Sa loob ng Icy Frost Clan Hall ay itinutulak ni Shangguan Miao ang isang tupa papasok sa isang

malaking kulungan na gawa sa bakal. Ang kaniyang ama ay ang Deputy Hall Chief ng Icy Frost

Clan. Bata pa ito at hindi pa opisyal na itinuturing na miyembro ng Icy Frost Clan.

Nang biglang pumasok ang mga tagapagsilbi ng mansyon dala ang balita.

Matapos marinig ni Shangguan Miao ang balita ay tumaas ang kilay nito.

"Mayroong nangahas na hamunin ang aking Six Armed Black Ape?" gulat si Shangguan Miao.

Bagama't ang kaniyang Spirit Beast ay isang mababang uri lamang ng Spirit Beast ngunit ang

kapangyarihan nito ay napakalakas at halos maikukumpara na sa isang mas mataas na uri ng

Spirit Beast. Matapos manalo ng sampung sunud-sunod na laban ay agad niyang hinamon ang

nangunguna sa Spirit Beast Arena at nagawang mahuka ang trono. Bagama't may ilang tao na

humamon sa kaniya ngunit lahat ng Spirit Beast ng mga iyon na tumapak sa entablado ay

naging pagkain ng kaniyang Six Armed Black Ape. Sa mga nagdaan na araw ay wala na ngang

nangahas na maghamon sa kaniya.

"Anong uri ng bulag ito ngayon?" lumabas si Lin Feng mula sa bahay. Nagtungo siya doon

upang makipag-usap sana kay Shangguan Miao at hindi inaasahan na narinig niya ang balita na

mayroon humahamon dito.