Do You Know Who He Likes? (16)

"May choice ba ako?" sagot ni Lu Jinnian na para walang pakielam sa sarili niyang birthday.

Nagbago ang itsura ni Qiao Anhao at sa bahagyang nakabukas na pintuan ay dahan dahan itong sumilip kay Lu Jinnian na nakayuko habang nagbabasa ng mga dokumentong hawak. Habang nililipat ni Lu Jinnian ang page, bigla siyang napahinto na para bang may biglang pumasok sa isip niya.

Iniangat niya ang kanyang ulo at napatingin sa kawalan na may bakas ng ngiti ng pagkadismayado. Hindi nagtagal, muli siyang yumuko para balikan ang dokumentong binabasa bago sumagot ng walang kaemo-emosyon, "Besides, wala rin namang kailangang icelebrate."

Magmula noong mamatay ang nanay ni Lu Jinnian, konting tao nalang ang natira na nakakaalam kung kailan ang birthday niya, ang tatay niya, ang asawa niyo, at ang kanyang lolo…Pero sa tuwing sasapit ang araw na yun, ang birthday ni Xu Jiamu ang icecelebrate nila. Paano naman nila maaalala ito? Wala namang kailangang icelebrate, at wala rin naman kasamang magcelebrate.

Hindi na nakapagsalita pa muli ang kanyang assistant.

Nanahimik ang buong kwarto.

Muling nagpatuloy si Lu Jinnian sa kanyang trabaho at mula sa bahagyang nakabukas na pintuan, nasisilip ni Qiao Anhao ang cold at tipikal na itsura nito, maging ang boses nito ay wala ring pinagkaiba. Pero alam ni Qiao Anhao na sa loob loob ni Lu Jinnian, may lungkot at pangungulilang itong nararamdaman.

Naalala niya na sa tuwing birthday ni Xu Jiamu ay lagi nitong iniinvite ang lahat para magsaya. Ang lahat ng celebration ni Xu Jiamu ay laging sobrang saya at lagi rin namang nandun si Lu Jinnian. Naghahanda pa nga ito ng regalo para kay Xu Jiamu na parang normal lang. Sinong nakakaalam na birthday din pala nito….Pareho silang may birthday pero lagi lang itong nakatayo sa gilid habang tinitignan ang nakababata nitong kapatid na napakaraming regalo samantalang kahit kailan ay hindi man lang ito nakatanggap ng kahit pagbati lamang.

Nakaramdam si Qiao Anhao na para bang may tumutusok sa kanyang puso ng dahil sa nalaman niya, sumandal siya sa pader ng medyo may katagalan at nahimasmasan lamang noong pinuntahan na siya ni Madam Chen na galing sa kusina.

Noong hapon na iyon, umalis rin kaagad sina Lu Jinnian at ang assistant nito pagkatapos na pagkatapos mananghalian.

Walang kailangang ifilm si Qiao Anhao noong araw na iyon kaya solo niya ang kanyang oras. Naisip niya na bilhan ng regalo sina Lu Jinnian at Xu Jiamu dahil birthday na ng mga ito sa darating na Biyernes. Nasanay siya na si Zhao Meng ang isasama niya sa tuwing lalabas siya pero noong araw na iyon ay nagkataon may date ito at dahil ayaw niya namang makaistorbo, naisip niya nalang na tawagan si Qiao Anxia.

Flexible ang oras ni Qiao Anxia dahil sa Qiao Enterprise mismo ito nagtatrabaho kaya agad itong pumayag sa paanyaya ni Qiao Anhao.

Sakto, parehong kailangan nina Qiao Anhao at Qiao Anxia na irenew ang mga mga car plates nila noong araw na iyon. Dahil nasa central business district ang Qiao Enterprise, si Qiao Anhao nalang ang pumunta sa metro para sunduin ang kanyang pinsan.

Naalala rin ni Qiao Anxia na malapit na ang birthday ni Xu Jiamu kaya naisipan nitong sumabay na rin kay Qiao Anhao na bumili ng regalo para rito.

Magbabayad na sana si Qiao Anxia nang bigla itong mapatingin kay Qiao Anhao na nakadungaw sa counter. Sumilip ito at nakitang may itinuturong isang eleganteng tie clip si Qiao Anhao.