Ang Desisyon ni Xu Jiamu (29)

Alam ng lahat sa entertainment industry na sa tagal ni Lu Jinnian sa larangang

ito ay ni minsan hindi siya tumanggap ng kahit anong interview, at wala ring

nagkaroon ng pagkakataon na makausap siya ng tungkol sa personal niyang

buhay, pero ngayon…Simula noong umupo siya, sinadya niyang sagutin ang

lahat ng ibatong tanong ng host dahil alam niya na darating ang punto na

mauungkat ang tungkol sa scandal.

Mula umpisa, mukha lang itong isang normal na interview, pero ang hindi alam

ng lahat, may plano siyang niluluto na unti-unti niyang ginagawa.

Sa ngayon, wala pa siyang ebidensya na siya ang tumayong 'Xu Jiamu' noong

unang beses na ikinasal si Qiao Anhao kaya ang pwede niya lang gawin muna

sa ngayon ay klaruhin ang panig niya at itatak sa isip ng mga manunuod na

hindi siya nang'agaw.

Alam niya na kahit klaruhin niya ang lahat, marami pa ring kokontra sakanya….

at kagaya ng sinabi niya, wala siyang intensyon na kumbinsihin ang kahit sino,

pero dahil parte ito ng plano niya, kailangan niyang manindigan.

Isa pa, gusto niyang samantalahin ang pagkakataon na mangako kay Qiao

Anhao sa harap ng maraming tao na hindi niya ito pababayaan.

Kaya kahit walang maniwala sakanya, ano namang pakielam niya?

Si Qiao Anhao lang ang iniisip niya at walang siyang ibang gusto mangyari kundi

ang maging masaya ito.

-

Biglang natigilan si Qiao Anhao noong sinabi ni Lu Jinnian na: "Nagconfess

ako…"

Ha? Nagconfess? Bakit wala siyang alam? At kailan?

Pero hindi pa man din nasasagot ang katanungan niya, muli nanaman itong

nagsalita…

At maging si Zhao Meng, na walang ibang ginawa kundi magsalita ng magsalita

sa tuwing may bagong binubunyag si Lu Jinnian, ay bigla ring natigilan.

Kaya noong sandaling 'yun, biglang nanahimik ang ang buong paligid at tanging

boses lang ni Lu Jinnian ang nangibabaw sa loob ng sasakyan.

"Kasi gusto kong malaman niya na kahit talikuran na siya ng lahat, nandito

lang ako sa tabi niya at hindi ako natatakot na kalabanin ang buong mundo

para sakanya."

Walang nagbago sa tono ng pananalita ni Lu Jinnian, pero kahit sinong

makarinig ay siguradong magugulantang sa mga rebelasyon nito.

At bilang para sakanya mismo ang mga salitang binitawan nito, napatakip

nalang si Qiao Anhao ng kanyang bibig habang nakikinig.

"Qiao Qiao, kahit laitin ka pa ng lahat…kahit pa gaano karaming

kasinungalingan ang ikalat nila tungkol sayo, para sa akin, ikaw pa rin ang

prinsesa ko.

"Patawarin mo ako kung ikaw yung sinasaktan nila, pero nangangako ako na

gagawin ko ang lahat para protektahan ka."

Para sa mata ng lahat, isang tipikal na Lu Jinnian lang ang nagsasalita – walang

emosyon at nakakaenganyong tono, pero para kay Qiao Anhao, ang mga sinabi

nito ay isa sa pinaka nakakakilig na mga salitang narinig niya.

Hindi niya sigurado kung may koneksyon ba ang pagbubuntis niya sa emosyon

niya, pero sa pagkatapos magsalita ni Lu Jinnian, hindi niya na napigilang

maiyak.

Tandang tanda niya na ginising siya nito kanina para sabihing papasok na ito sa

trabaho.

Noong nalaman niyang buntis siya, ilang beses niya itong sinubukang tawagan

pero hindi ito sumagot, kaya medyo nalungkot siya dahil atat na atat na siyang

ibalita ang napaka gandang sorpresa.

Gusto niya sanang hintayin nalang itong makauwi at sabay silang magpacheck

up, pero dahil sumakit ang tyan niya kagabi, natakot siya na baka masama ang

kundisyon ng bata, kaya kahit mabigat sa loob niya, nagpasama nalang siya kay

Zhao Meng.

Sa totoo lang nagtampo siya dahil iniwanan siya ni Lu Jinnian ng magisa sa

bahay habang inaatake siya ng lahat sa internet, pero hindi niya naman akalain

na kaya pala ito nagmamadaling umalis kanina ay dahil gusto nitong ipagtanggol

siya sa lahat.

Pagkatapos niyang mailabas ang lahat ng sama ng loob, sinabi niya sa sarili

niya na 'ano naman kung ayaw sakin ng lahat?' para tapalan yung sugat sa

puso niya. Pero ngayon na napatunayan niya na siya si Qiao Anhao na may Lu

Jinnian, wala na siyang mahihiling pa.

Totoo nga ang kasabihan na ang mga tunay na lalaki ay hindi masalita, pero

iisip at iisp sila ng paraan para pasayahin ang taong mahal nila.