Chapter VII

Dumating na sila sa wakas sa mansyon ni lola Melba.

Sinalubong naman sila ni Melba.

"Marco! Iho, mas lalo ka atang gumagwapo ngayon!"

Bumeso si Marco sa matanda.

"Tita Mel talaga binobola mo naman ako!"

"Kahit malabo na ang mata ko alam kong gwapo ka!"

Natawa na lang si Marco sa sinabi nito.

"Sino naman itong kasama mo?" na ang tinutukoy ay si Edward.

Tiningnan ito ni Melba ng mula ulo hanggang paa.

Nakasuot lang ng plain white shirt at faded jeans si Edward.

"Nga pala Tita, si..." pinutol naman ni Edward ang sasabihin ni Marco.

"Dodong po Ma'am Melba, driver po ako ni sir Marco!" sabay abot ng kamay upang makipagkamay sana sa matanda.

Pero tiningnan lang iyon ni Melba.

Binawi ni Edward ang kamay nya.

"Driver? Well, anyway pwede ka ng lumabas. Dun mo na lang hintayin si Marco."

"Pero tita..."

"Okay lang bro!" bulong ni Edward kay Marco.

"Wait, ipapakilala pa kita kay Mary Dale!"

"Speaking of Mary Dale, eto na sya!"

Napatingin naman silang dalawa sa paparating.

Magkasunod si Juliana at Maymay na bumababa ng hagdan.

Katulad ng nakasanayan ay magarbo ang kasuotan ni Juls samantalang simpleng off-shoulder blouse at jeans lang ang suot ni Maymay.

Hindi alam ni Edward pero parang saglit na huminto ang paghinga nya ng makita ang dalaga.

Napako ang tingin nya sa simpleng dalaga.

Napakasimple lang ng suot nito at mukhang wala pa ngang make-up pero napakalakas ng dating.

Pakiramdam nya ay napakabagal ng bawat hakbang nito sa hagdanan.

Hindi nya namalayan na nasa harapan na pala nila ito.

"Mary Dale andito na si Marco!" si Melba na nakatingin kay Juliana.

"Mary Dale?" nagulat si Marco.

Parang nadismaya naman si Edward na hindi pala ang dalagang tinitingnan nya ang kaibigan ni Marco na si Mary Dale.

"Pero sino kaya sya?" ang bulong ni Edward sa sarili.

Nagtataka naman si Marco kung bakit si Juliana ang kinakausap ng Tita Mel nya gayung nasa likod nito si Mary Dale.

Lumapit agad si Juliana sa kanya para bumeso.

"Mary Dale?" ang bulong ni Marco dito.

"I'll explain later!" ang bulong rin naman ni Juliana sa binata.

Si Edward naman ay hindi maalis-alis ang pagkakatitig sa isa pang dalaga.

Akmang bebeso si Marco kay Mary Dale.

Umiwas naman si Maymay dito.

Mahinang hinampas pa ito ni Maymay sa braso.

"Ikaw talaga Sir Marco masyado kang palabiro!" malakas ang pagkakasabi ni Maymay nito para sadyang iparinig sa lola Melba nila.

"Sir Marco?" takang tanong ni Marco.

Umasim naman ang mukha ni Melba sa narinig.

Hindi nya nagustuhan ang inakto ng yaya ni Mary Dale.

"By the way, Marco sya nga pala si Maymay ang yaya ni Mary Dale!"

Nagulat na naman si Marco sa sinabi nito.

Nagtatakang tumingin si Marco kay Juliana at Maymay.

"Yaya? Ang tanda mo na Dale para magkaroon ng yaya!" ang pang-aasar naman ni Marco kay Juls.

"Shut up!" ang natatawang sabi naman ni Juls sa binata.

Nakahinga naman ng maluwag si Maymay dahil hindi sila binuko ni Marco.

Basta kalokohan talaga ay maasahan ito.

"Yaya? Ang ganda naman nya masyado para maging yaya!" ang nasa isip naman ni Edward.

Bigla naman may naisip na kalokohan si Marco.

"Sya nga pala, Maymay, si Dodong ang driver ko!"

Nilapit naman nya si Edward kay Maymay.

Bahagya pang napaatras si Maymay sa ginawa ni Marco.

Masyado kasing napalapit si Edward sa kanya.

"Bagay kayo!" at ngumiti pa ito ng nakakaloko.