chapter: 12 the Expose

Abeer ko pehle toh koi dilchaspi nhi thi par vo yeh jaan-na chahta tha ke yeh aisi Kyu ho gyi? Kisne kiya tha?

Yhi sab jaan-ne ke liye Abeer, Nayra ko apne dost ke paas le jane ki sochta hai... aur vo dono fir se chalne lagte hain..

Baaton hi baaton mein Nayra usse batati hai ke.. aaj uska janam-din hai..

Abeer ko yeh baat jhooth lagti hai.. kyon ke uska mind toh bachon jaisa ho rakha tha... toh vo kuch bhi bol sakti thi.. Abeer poore raaste mein Nayra ko hi sunta rehta hai.. Nayra boht cute

Lag rhi thi.. usne Nayra ko kabhi aise dekha nhi tha... aur aise hi vo dono Abeer ke dost ke cottage par pauhnch jate hain..andar jaakar pta chalta hai vo cottage mein nhi tha, Abeer sochta hai ke shyed vo Jungle mein hi gya hoga.. aur vo dono cottage ke bahar bni chairs par baith jate hain..

Nayra wahan bhi boht bolti hai.. Abeer bhi usse baatein karne lag jata hai..

Doosri or..Evaa ka dheyaan ab Nayra par jata hai..aur vo usse kahin bhi nhi milti..jisse Evaa ko boht gussa aata hai khud par.. vo Nayra ko dhoondh hi rhi hoti hai..

Aise hi usse dhoondhte-dhoondhte vo raja ke paas aakar khadi ho jati hai.. raja ne abhi uska chehra nhi dekha tha.. vo aise hi usse bol dete hain.. "aap kahan se aayi ho?" Aapka libaas toh kafi alg hai...

Evaa ko yeh awaaz sun kar ghabraahat si mehsoos hone lag jati hai..apna chehra chipate huye aur thodi awaaz ko bhari bnati huye woh bolti hai ke main flora ki side se hoon..

Raja sun kar muskuraa dete hain..

Aur uske kareeb aakar khade ho jate hain, aur Evaa ke chehre se kapde utha dete hain..

Jisse Evaa ke hosh hi udd jate hain..

"Tumne kya socha tha Evaa? Ke hamein pta nhi lagega ke tum iss mehfil mein aayi ho!!

Jab tumne iss Jungle mein kadam rakha tha, humein tabhi dushman ki aahat mehsoos ho gyi thi..

Stage par khade hone ke kaaran humne tumahare chalne ke tareeke se hi pehchaan liya ke yeh tum hi hogi...

Tumhe sharam nhi aati!!"

Yeh sari baatien sun kar Evaa ko bhi gussa aa jata hai...

Oh!! Toh kya karoon.. agr tumhe pta chal gya tha... taaliyan bajaoon!! Ke tum aakhir dhang ke raja ban hi gye..

Raja ke paas khada ek vampire oochi awaaz mein bolta hai...

"Tumhe sharam nhi aati!! Raja se kaise baat kar rhi ho?"

Itni oochi awaaz sun kar sabhi ka dheyaan in par ho jata hai.. aur vo sab raja ke aas-paas ikkathe ho jate hain..

Evaa ko yeh sb dekh kar thoda darr sa lagne lag jata hai..

Usne yeh nhi socha tha, ke sab log hi sath khade ho jayenge!! Vo yeh sb Sochte huye uss vampire ka jawaab deti hai..

"Raja hoga tumhare liye! Mere liye toh yeh aaj bhi whi 'Ed' hai, jo mera acha dost tha.. par isne mujhe dhokha dekar vo hakk khud hi cheen liya"

Ed:(mtlb raja ji) tumhe kitni baar samjhana padega Evaa!! Ke Maine tumhe dhokha nhi diya tha... vo tumhari khud ki hi galatfehmi thi..

Evaa: bas Karo!! Mujhe koi safayi nhi chahiye!!

Main bas tumse akele mein zaroori baat karne aayi hoon...

Ed: maaf karna Evaa jo baat hai.. yhi batani padegi, kyon ke 28 saal pehle hi tumne yeh sab ke saamne shuru kiya tha... ab khatam bhi sab ke saamne karna hoga..

Evaa ko yeh baat bilkul achi nhi lagti..

Aur ooper se Nayra kahin chali gyi thi..usse kuch samjh nhi aa rha tha ke ab kya kare? Uska poora plan kharaab ho gya tha.. jo usne socha tha vo sab barbaad ho gya tha.. vo yhi sochti hai ke ab koi fayda nhi hai...kyonke Ed usse akele mein baat nhi karne wala tha.. agr sabke saamne baat karegi toh vo sab uss par hamla karke usse bandi bhi banaa sakte the...

Iss liye vo chup rehne mein hi bhalayi samjhti hai..

Evaa: chodo!! Koi baat nhi karni ab!!

Mubarak ho! Tum ek ache raja ban gye.. aur ab mujhe yahan se jane do..

Ed: nhi tum yahan se meri marzi ke bina nhi jaa sakti!! Agr jana hai toh baat poori karke jao...varna yahin par tumhe bandi banaa liya jayega..

Jiska darr tha.. wahi huya!! Evaa ab fass chuki thi...uske paas ab koi solution nhi tha.. boht Sochne ke baad vo sachayi batane ka faisla kar leti hai.. aur boht himmat karke vo bolti hai..

Evaa: theek hai bta toh doongi!! Par ek sharat hai...

Ed: kaisi sharat?

Evaa: tumhe mujhe yahan se bina koi nuksaan kiye jane dena hoga...

Bolo manzoor hai?

Ed rhoda sochta hai.. ke aisa kya hai.. jo isse apni jaan ki itni padi hai.

Ed: theek hai.. jane denge..

Evaa khush ho jati hai..

Evaa: aaj se 28 saal pehle vo hamla maine hi shuru kiya tha!! Yeh toh tumhe pta hi hai...

USS hamle mein tumahara bacha aur pyar kho gye the...

Ed ke dimaag mein ghabraahat si chalne lag jati hai... han!! Aage batao..

Evaa: un dono ko Maine hi gayab kiya tha..

Yeh sunte hi Ed ki aankhein gusse mein laal ho jati hain.. aur vo Evaa ko gale se pakad leta hai... batao? Kahan hain vo? Tumne kyu kiya aisa?

Evaa ko bhi gussa aa jata hai aur vo poori jaan lagakar.. Ed ko push karti hai..

Evaa: (gusse mein) kyu btaaoon? Tumne apna ikraar tod diya...

Mujh par hamla karke...

Ed ko boht gussa aa rha tha, aur sath hi pachtava bhi ho rha tha...

Ed: aise ikraron ko main nhi maanta..

Tum bas mere sawaalon ka jwaab do.. nhi toh taikhane mein band kar di jaogi..

Evaa: kitne bakwaas raja ho tum, vade se mukar gye!!

Sbhi vampires mein se ek aage aakar bolta hai.. "tumne Kaun sa vada nibhaya tha? 28 saal pehle... jo bhi huya tha tumhari dagaa ki wajah se huya tha... ab seedhe-seedhe raja ji ke sawaalon ke jawaab do..ya fr sazaa lo...

Eva ka gussa aur badh jata hai..

Evaa: tum hote kaun ho? Mujhe galat Therane vale...

Tabhi vo vampire bolta hai.. shyed tum bhool gyi mujhe!!

Main tumhara dost 'Eric' hoon.

Evaa: ohh!! Eric tum...

Tumhe toh koi hakk hi nhi banta.. beech mein bolne ka.. sare hakk tumne 28 saal pehle kho diye the, iss Ed ki side lekar..

Eric: han! Kyon ke vo sahi the..

Tum galat!!

Evaa: khair chodo... kya farak padta hai! Tum ab mere dost nhi ho..

Ed: batao vo dono kahan hain??

Evaa: nhi bataoongi!! Kya kar loge?

Maarna hai toh maar do...

Ed: theek hai!!

Aur vo apne sathiyon ko ishara karte hain..

Vo sab Evaa par hamla kar dete hain..

Evaa ko iss baat ki umeed nhi thi! Usne jo socha tha vaisa nhi huya tha..

Aur Evaa in sbhi vampires se ladne mein naakaam rehti hai.. usse taikhane mein band kar diya jata hai..