Malaya Na Nga Ba Akong Maituring?

Malaya na nga ba akong maituring?

Kung walang kadenang sa aki'y sumusupil.

Walang mga rehas sa aking paligid.

O cedulang papel na sa aki'y nagtatali.

Malaya na nga ba akong matuturing?

Kung sa aking puso'y kalis nakaligid.

Lumipad ba sa aki'y wala nang pag-asa.

Sakit at dusa'y walang tigil rumagasa.

Parang pakpak ng ibong sinugatan

Upang lumipad ay 'di na makayanan.

Kayaan nga ba'y wala nang pag-asa

Sa aking kulungang hindi ko nakikita.

Puso, Lipad patuloy na lumaban

Patuloy lumakad upang makamtan iyong kalayaan.

Tumigil at sumoko'y hindi mo kailangan.

Kalayaan! Kalayaan! Iyo nang mahahawakan!