webnovel

Kiss of Death and Shadows

(Formerly known as "My Boyfriend is a Grim Reaper") "A kiss has tied her soul in the hands of the prince of darkness." Lexine died on the night of her sixteenth birthday. Ngunit dahil sa isang hindi maipaliwanag na pangyayari ay nakatakas siya sa kamatayan. Makalipas ang limang taon ay isa na siyang sikat na ballerina at namumuhay sa ibabaw ng mundo bilang nag-iisang tagapagmana ng sikat na business tycoon. In a snap of a finger, she could have anything she wants. Ngunit ang perpekto mundo ni Lexine ay mabilis na bumaliktad sa pagdating ng isang misteryosong lalaki na nagtatago sa itim na hood at nababalot ng kakaibang tattoos. May sinisingil itong kabayaran mula sa isang kasunduan na hindi na niya naaalala. Paano tatakasan ni Lexine ang lalaking ito? Lalo na't hindi lang buhay niya ang nasa panganib-dahil maging ang puso niya ay gusto nitong angkinin. GENRE: Romance, Urban Fantasy, Paranormal, Suspense *** GRIM REAPER CHRONICLES *** Book 1: Kiss of Death and Shadows (Ch.1-119) Book 2: Touch of Wrath and Blood (Ch.120-235) Book 3: Embrace of Night and Fury (Ch.236-339) TRIGGER WARNINGS: Violence, use of inappropriate words, attempted r*pe, nudity, religious topics, physical & woman assault, loss of a loved one, kidnapping, graphic death, mass death, gore, murder, torture, emotional abuse, child abuse, self-harm, insects, blood, drug & alcohol use, nightmares, child traumas ”Anj Gee Novels” Grim Reaper Chronicles- Completed Adik Sa'yo - On Hold [Sexy Monster Series] Bite Me- Completed Teach Me- Completed Mate with Me- TBA ————— Join our FB group: Cupcake Family PH Like Anj Gee's FB Page: facebook.com/AnjGeeWrites

AnjGee · แฟนตาซี
Not enough ratings
340 Chs

Pain of the past

UMAAGOS ang mainit na tubig mula sa shower na tumatama sa makinis na balat ng hubad na katawan ni Lexine. Nakatingala siya habang nakapikit at ninanamnam ang ulan ng mga tubig na humahalik sa kanyang mukha.

"Lexine, why are you being so resisting? Are you afraid to fall in love again?"

Muli niyang naalala ang mga binitiwang salita ni Miguel. Ang mga tanong nito ay tila isang kagat ng lamok na nag-iwan sa kanyang balat ng pantal na kanyang kakamutin. Na tila nangungulit na balikan ang mga bagay na ayaw na niyang maalala pa ngunit katulad ng lamok ay paulit-ulit pa rin itong bumabalik.

Pinanghilamos niya ang dalawang palad sa mukha at buhok saka pinatay ang shower. Kinuha niya ang towel na nakasabit sa rack, pinunasan ang buhok at ang buong katawan bago pinulupot sa ulo ang towel saka nagsuot ng bathrobe. Lumabas siya ng banyo at nagtungo sa walk-in closet upang magbihis ng silk white night gown. Matapos mag-ayos ay inutusan niya ang AI na mag-play ng zen music sa sound system. Pumuwesto siya sa labas ng balcony habang umiinom ng wine at tanaw ang night view ng city lights.

Pinilit niyang iwaksi ang tungkol sa tanong ni Miguel pero kahit anong gawin niya ay talagang paulit-ulit itong tumutusok sa kanyang isipan.

"Lexine, why are you being so resisting? Are you afraid to fall in love again?"

Pinikit ni Lexine ang mga mata at muling pumasok sa kanyang isipan ang mga masasayang sandali na kasama niya si Night. Na tila mabilis na eksena sa isang pelikula.

"Mahal na mahal kita Lexine…"

"Mahal na mahal din kita Night…"

"We will fight this together…"

"Together…"

Subalit, ang mga tawanan at halikan ay napalitan ng masakit na alaala ng dugo at kamatayan ni Alejandro.

"Gusto mong magkaawa Lexine? Sige, magmakaawa ka sa prinsipe ng dilim…"

"Night, please, please don't do this. I'm begging you…"

"Alexine apo, masaya akong makita kang muli. Always remember that I love you so much my darling…"

"Night please nakikiusap ako, huwag ang lolo ko, maawa ka please…"

"Times up, pagod na ako sa drama…"

Humigpit ang kapit ni Lexine sa hawak na wine glass. Nanginginig ang kamay niya nang muling bumalik ang matinding sakit at galit sa kanyang puso. Tila isa itong malaking tinik na nakabaon sa kanyang dibdib. Na sa tuwing humihinga siya ay kumikirot ang malalim na sugat na gawa nito at mas lalong nagdudugo ang kanyang puso.

Alam niya na hindi niya matatakasan ang nakaraan habang buhay at darating ang araw na kailangan nilang magkita ni Night. At sinisiguro niya na pag dumating ang sandaling iyon. Ay ipaghihiganti niya ang kanyang lolo Alejandro at pagbabayarin niya ang mga lahat ng nilalang nanakit at dumurog sa kanya lalo na ang hari ng kadiliman at ang anak nito.

Sa sobrang pangigigil at galit na nadarama ni Lexine ay nabasag niya ang hawak na wine glass. Dumikit ang mga mga bubog sa balat niya at naghalo ang pulang alak at dugo sa kanyang mga kamay. Nagdilim ang kanyang mga mata na sumasalamin ng matinding poot at pagkamuhi.

Buong gigil niyang sinambit ang sumunod na mga salita, "Magbabayad ka Night, sinusumpa ko. Magbabayad kayong lahat."

Walang kasing lamig ang kanyang mga mata habang umaagos ang luha sa kanyang pisngi. Nagkuyom ang mga palad niya habang walang tigil ang pagtulo ng pulang likido sa sahig.

Sorry di nakapag-UD si Author for two days! Beze beze lang.

Three chapters muna for today. Meron ulit bukas. Hindi pa kayang mag-mass release. But will do my best to update daily.

Don’t forget to vote with your powerstones and rate every chapters!

Enjoy!

Join our FB group: Cupcake Family PH

AnjGeecreators' thoughts