Sheep in wolves' clothing
[Estora Kingdom 1732]
Grey colour ke robe me ek aadmi ek aurat ka purse chura kar bhaag raha tha. Wo aurat chilai
"AAAHHHHH! Mera purse! Koi pakdo use"
Wo chor muskuraya or bola
"Hahaha, Mujhe koi nahi pakad sakta"
Wo chor bohot tej bhaag raha tha lekin tabhi ek dum se kisi ne uske kapde pakad liye or bola
"Oye is aurat ka purse waapis kar"
"Chodd mere kapde, mujhe koi nahi pakad sakta"
"Well maine to pakad liya. Chal ab ye purse idhar de"
Us ladke ne us chor k haath se purse cheena or khol k dekha or wo purse us aurat ko waapis kar diya. Wo aurat boli
"Oh my! Thank You Prince Jareth!"
Prince?
Yes prince. Kyonki jis ladke ne chor ko pakda tha wo tha King Lucien Wuther ka bada beta Prince Jareth Wuther. Jareth sundar or takatwar hone ke saath saath bohot hosiyar bhi tha. Uski aankhein sky blue or baal ek dum kaale the. Jareth ki umar 28 saal thi. Kingdom ki jyadatar ladkiyan us se shaadi karna chahti thi. Jareth us aurat ke thank you k reply me bola
"Welcome lady, as a prince ye to mera farz tha"
Jareth ne us chor ko abhi bhi kapdon se pakad rakha tha. Usne uski taraf dekha or bola
"Chal ab tujhe jail ki hawa khilata hu"
Jareth chor ko pakad kar castle ki taraf chalne laga ki tabhi piche se 4 aadmi chilate hue aae
"Pakdo inhe yahi hai wo"
Un logon ko dekh kar Jareth chor ko pakde pakde bhagne laga. Wo aurat boli
"Are kya hua?"
"Pakdo unhe"
"Lekin wo to prince hai na? or waise bhi abhi abhi usne mera purse waapis kiya jo chor ne chura liya tha"
"Tum is kingdom me nayi ho kya?"
"Huh?Well Haa, m 2 din pehle hi aai hu, lekin kyon?"
"Haha, tabhi to. Tumhara purse chori hua tha na?"
"Haa"
"Ek baar check karna use"
Jareth jo ki chor ko pakad kar bhaag raha tha chor ko lekar ek ghaas k dher me chip gya. Jaise hi jo log unke piche pade the aage chale gaye, wo dono bhaar aa gaye. Jareth bola
"Phew....aaj to baal baal bache"
Chor bola
"Pakad lete to kya hojata"
Jareth bola
"Haha, ye baat bhi sahi hai"
Us aurat ne apna purse check kiya.
Chor bola
"Kaam to ho gaya na?"
"Aisa kabhi ho sakta hai ki m kuch karun or wo na ho?"
"Haha, Bilkul nahi"
Wo aurat chilai
"Ahhhh! Mere paise! Ye purse to khaali hai. Magar kaise?"
"Wo prince or chor"
"Matlab?"
"Matlab yahi ki wo Prince or chor mile hue hai, wo chor purse ki chori karta hai or prince usko pakadne ka naatak karta hai fir paise khud rakh ke purse waapis kar deta hai"
"Fir kisi ne kuch kiya kyun ni aaj tak?"
"Ab prince ko kon kya hi keh sakta hai"
"Lekin us chor ko to pakadwa sakte hai"
"Jaisa ki maine kaha prince ko kon kya hi keh sakta hai"
"Huh?"
Jareth bola
"To ab wahan chale in paison ko lekar?"
Chor bola
"Haa chalo, bhaiya"
Bhaiya?!?!
Haa, tumne ek dum sahi padha, bhaiya. Asal me wo chor or koi nahi balki m tha. M kon?
M hu King Lucien Wuther ka chota beta or Prince Jareth Wuther ka chota bhai, Prince Orion Wuther. Meri aankhein light brown or baal dark brown colour ke the. M bhi apne bhai ki tarah sundar or takatwar tha lekin uske jitna hoshiyaar nahi magar chalak jarur tha. M 25 saal ka tha. Well kingdom ki kuch ladkiyan mujhse bhi shaadi karna chahti thi 😗.
M or Jareth un paison ko lekar slums me pohonch gaye. Slums ke log bolne lage
"Aa gaye masihe" "Aa gaye rakshak" "Aa gaye bhagwan"
Hamne sabhi gareeb logon ko thode thode paise baatne shuru kiye. Jareth bola
"Maa khush to bohot hogi kyonki ham aaj tak unki aakhri icha puri kar rahe hai"
"Haa bhaiya, or waise bhi inko khus dekh kar kitna acha lagta hai"
"Yeah"
Ham dono bhai, bhediye ki khaal me bhed the. Ham bura bankar ache kaam kar rahe the. Aisi kya thi hamari maa ki aakhri icha?