Masamang Bagay

"Nag-aaral ako kung paano gumawa ng Chinese food." Ang simple niyang sagot ay nakapagpatuliro kay Huo Mian.

"Ikaw, ikaw, ikaw… Bakit ka nag-aaral kung paano gumawa ng Chinese food? Kaya ko namang magluto."

Akala ni Huo Mian, ang pagkain na ginagawa niya ay masarap kahit paano, kaya ayos lang ang mga ito basta marunong siya kung paano ito lutuin. Si Qin Chu ay nasa United States sa loob ng pitong taon, kaya para sa kanya, ang pag-aaral kung paano magluto ng Chinese cuisine ay parang pagsisimula mula sa umpisa. Masyado itong mabusisi.

"Hindi ba't mahilig ka sa Chinese food?"

"Pero marunong ako gumawa nito," nawawalan ng pag-asang sagot ni Huo Mian.

"Minsan, late ka na nakakauwi, at pagod ka at gutom. Nakakauwi naman ako ng maaga mula sa trabaho at may oras ako," sabi ni Qin Chu habang dahan-dahan niyang nililipat sa pinggan ang mushroom stir-fry mula sa kawali.