3
رضوة: في هذي عندك الحق بنتي انتم مالفين ببعضكم صعيب انكم تتفرقوا
مرح: على هذا الكلام انا مقدرتش نتحمل
مستحيل نقدر نكون بعيدة على ديدو
طلعت لشمبرتي حتى نسمع تلفوني يصوني رفت لقيتو ديدو
مرح: غير الخير وش فكرك فيا
اياد: تقول ما انت لي لبارح ليلة كاملة تبكي عليا
مرح:اوووف مانساش انت طول
اياد: ميرو راكي معروضة اليوم لخرجة معايا وش رايك
مرح : على حسابك؟
اياد : لالا على حسابك، لاه تشوفيا فيا انتي لي تعرضيني و انا نسلك
المهم لا علينا نحتاجك بعد نص ساعة في الجنينة قدام وين يحبس الموس
مرح: اوك مريقلة
رحت نجري عند انير قتلو انو رايحة نودع اياد لانو هفت نخرج و نتلاقاه برا يبهدلني قدام لجناس
رحت طيارة وجدت روحي و خرجت لقيتو يستنا فيا
مشينا شوي حتى وصلنا للماناح لعبنا حتى كرهنا
فات يوم ميتعاودش في نهاية اليوم عطاني قلادة و قالي نعتبرها ذمرى منو و انو رح يحي النهار و يرجع ليا
انا هذا الكلام دمرني طاحت دمعة على خدي و تبعوها دموع
شفتو يدرق في دموعو عليا
عرفت قداش المشاعر لي بيناتنا صادقة
قداش كانت و رح تبقى بريئة
من اليوم لي رحنا فيه للماناج بقالنا اسبوع برك مع بعض مقدرتش نفارقوا حتى نهار
الا ان جا يوم الوداع
مشيت انا و امير معاهم للمطار ودعناهم و كانت اصعب لحظات حياتي
انتينشوف الإنسان لي نحبوا رايح ممكن يرجع ممكن ما يرجعش
حبيت نبان قوية اما قوتي تدمرت في أول يومين
فاتت عليا سمانة كيفها كيف الجحيم لا ماكلة لا رقاد
غير القراية و نكوناكتي مع إياد
بعدها تحسنت و قدرت نرجع للقراية امة مستحيل نبقا في نفس الجامعة
بدلت الجامعة لوحدة في ولاية اخرى و قعدت في الإقامة محبيت نتعرف على حتى شخص ثم حياتي كلها في التلفون مع ديدو
.
.
.
فات شهر
.
.
و زوج
.
.
و ثلاثة و الوقت لي نفوتو مع اياد بدا ينقص كانت فترة امتحانات عندي و عندو
فجأة إختفى اياد من حياتي
تقدروا تقولوا انو تدمرت
زادت عزلتي أكثر
تحجبت و رجعت لطريق الدين
اما تعلقي بديدو الغايب كل يوم يضرني اكثر
فاتو ثلاث سنين و اياد غايب لا حس و لا خبر
تخرجت انا و رجعت مهندسة معمارية و مباشرة لقيت خدمة في شركة
.
.
لكن تعودت على الدراما و الأكشن في حياتي
نتفكر هذاك اليوم جا عندي بابا و قالي انة صراو مشاكل كبار مع أمير و لازم نروحو عندو
الصدمة مش هنا الصدنة انو لازم قي يومين نقدم استقالتي
انا خفت قلت اكيد كاين مصيبة صرات
اول حاجة فكرت فيها ديدو
بلا ما نفكررفدت اوراق و كتبتلوا فيهم الكلام لي كنت باغية نقولولو مدة ثلاث سنين هذوو رميتهم من عتبت بابهم كي جيت رايحة نخدم الصباح
_
__________
هنا يكون البارت خلاص نتمنى يعجبكم و نقوللكم كيف العادة ربي يفرقنا يلا ذنوب يا من عاش peace