2
اخيرا كوناكتا
وش رح يقول
بدا بالمقدمات لي نكرهم
و انا لي باغية نوصل للمهم
يا بني احكيلي وش كاين
المهم بداهالي بدرس على الصداقة و انو الصديق لازم يوقف في كتف صديقو و ميخليهش
من بعد بدا يحكيلي على الفراق
مرح: ديدو وشبيك سيريو علاه هذو المقدمات كامل
اياد: منيش حاب نصدمك برك
مرح: اصدمني اصدمني اصلا عادي تعودت
مزادش بعث حتى مساج لمدة زوج دقايق بعدها لحقني مساج فوكال يقول فيه:
مرح علابالك معتك عندي و علابتلك انو صداقتنا مش نتاع نهار و طبق رانا عانينا مع بعض و قرينا مع بعض ، ضحكنا و بكينا مع بعض ، نجحنا ووصلنا مع بعض
انت تعرفي انو طول هذي الفترة انا عايش مع ماما رضوة اما بعد 15 عام فراق قرر بابا حسام يرجعها لذمتو و هي وافقت
و هذا الشي معناه انو نروحو نعيشو معاه في ستوكهولم في السويد
مرح تحكي: كنت نسمع في هذا الكلام و دموعي يجريو على خدي
اذا عاد هذا الكلام صخيح معناه انو رح نفقد الباست فراند نتاعي و حبي الأول
مقدرتش نرجعلو و فجأة وصلتي ابال فوكال رفدت عليه كان ساكت اما انا شهقاتي ماشيين و يزيدو
قالي: متبكيش مقدرتش نقلك هذا الكلام في وجهك كنت خايف من دموعك ، مرح عمرك تنساي انك انتي بهجة حياتي و الضو لي ورالي الطريق
انت الإنسان لي كان يرميني في الكريق الصحيح بلا بيك انا نضيع
مرح: انا مقدرتش نرجعلو مجرد فكرة انو رح يبعد عليا خلاتني نموت ألف موته
انا: يعني معادش ...معادش نشوفك؟
قلتهالو مقطعة بسبب البكا لي مقدرتش نحبسو
ليل كامل و هو يصبر فيا اما انا مش متقبلة الفكرة بكل
معلاباليش كيفاه غفيت نضت الصباح على حس أمير في شمبرتي
.
.
. اووو نسيت معرفتكمش بعايلتي
بابا احمد استاذ رياضيات في الثانوية
ماما سلوى معلمة في الابتدائي
امير خويا الوحيد يخدم في الجيش اكبر مني
....
فتحت عينيا بالشوي نشوف في خيال مقدرتش نفرق شكون هو حتى شفت مليح
انا: سوطيت من بلاصتي عليه نحضن و نبوس اميرو خويا العزيز اخيرا جيت
علاه خليتني وحدي هذي الفترة كامل
امير: اسمحيلي ميرو اما اكي تعرفي الخدمة منقدرش نخرج في اي وقت
مرح: كنت حاسة انو امير جا في وقتو على الاقل يقدر يعوضني على غياب ديدو
هبطت عن ماما للكوزينة لقيت طاطا رضوة عندنا
فت سلمت عليهم و سقسيتها على حالها
رضوة: جيت اليوم على جالك بنتي مرح قالي اياد انو حكالك وش قررنا امس و قالي انك تأثرتي بزاف
مرح: مجرد ما فكرتني في الموضوع كنت رح نبكي
قتلها: ايه طاطا قالي و غاضتني انو رايح و مخليني تعرفي قداش انا وياه صحبة و مالفين ببعض و هذا الشي رح يكون صعيب علينا
_
__________
هنا يكون البارت خلاص نتمنى يعجبكم و نقوللكم كيف العادة ربي يفرقنا يلا ذنوب يا من عاش peace