Among Legends: The Vampire King's Bride
"Sa ngayon mananatili ka sa palasyo ko bilang isang prinsesa hanggang sa dumating ang araw na sumapit ka sa wastong edad, saka kita gagawing aking reyna. Mamili ka, dito sa poder ko at maging aking asawa, o ibibigay kita kay Vincent para maging pagkain niya? Madali akong kausap Elysia, alin man diya ang piliin mo ay buong puso kong ibibigay sayo," saad nito sa mababang boses na nagpatindig sa kaniyang mga balahibo.
Buong buhay ni Elysia ay sunud-sunuran lamang siya sa mga utos ng kaniyang pamilya, ngunit dumating ang araw na makakawala siya sa pagmamalupit ng kaniyang itinuturing na kamag-anak. Ngunit, ang kalayaang iyon ay kapalit naman ng buhay niya. Buong puso niya iyong tinanggap kapalit naman ng mga alaalang iniwan sa kaniya ng kaniyang mga magulang na hawak ng kaniyang tiyahin.
Subalit ang inaasahan niyang kamat*yan ay hindi naganap, sa halip ay isang kasunduan ang inilatag sa kaniya ng inaakala niyang tatapos sa buhay niya. Si Vladimir na siyang hari ng mga bampira na matagal nang nabubuhay sa mundong ibabaw.
Ang kasunduan bang iyon ang siyang magbabago ng buhay ni Elysia o ito rin ang siyang magpapahamak sa kaniya? Sa mga buhay nilang binabalot ng lihim, magkapuwang kaya ang pag-ibig sa pagitan ng dalawang magkasalungat na angkan at lahi?
YueAzhmarhia · Fantasy
