Balderas' Residence 3

~Umaga~

"Ano bang pakialam mo sa litratong iyan? At ano naman iyon para saiyo sa oras na sinagot ko ang iyong katanungan?"

Sunod-sunod na tanong ni Tazara kay Jervin habang hindi nito tinitignan ang binata pati na rin ang iba pang naroroon sa salas.

"Hmm… wala naman maitutulong sakin kung malaman ko man kung sino pa ang ibang nasa litratong 'to."

Sagot ni Jervin sa tanong ni Tazara sakaniya sabay harap na nito sa fireplace. Natawa ng bahagya ang matandang babae at saka tinignan na ang binata.

"Bakit mo pa gustong malaman kung wala naman palang silbi iyan saiyo, hijo?"

Natatawang tanong ni Tazara kay Jervin habang patuloy pa rin nitong tinitignan ang binata. Sinamaan ng tingin ni Josh ang matandang babae sakaniyang harapan at saka humakbang papalapit sa matandang babae, ngunit nang pilantikin ng matandang babae ang kaniyang kamay ay hindi na nakagalaw ang dwende.

"Kuya Josh!"

Nag-aalalang tawag ni Yvonne kay Josh sabay upo na nito sa sahig saka ipinalibot ang kaniyang dalawang kamay sa dwende at naluha na.

"Pakawalan mo si kuya Josh."

Seryosong utos ni Jervin kay Tazara sabay balik na muli ng lalagyanan ng larawan sa itaas ng fireplace at saka hinarap na ang matandang babae. Ngumisi nanaman ang matandang babae at saka itinuon ang kaniyang atensyon kay Yvonne at Josh sakaniyang harapan.

"Ano bang pakealam mo sakaniya? Importante ba siya saiyo? Kapatid mo ba si Yvonne kaya mo siya tinutulungan?"

Sunod-sunod na tanong ni Tazara kay Jervin habang nakangisi pa rin itong nakatingin kila Yvonne at Josh. Sinamaan ng tingin ni Hendric ang matandang babae habang nanatili lamang ito sakaniyang kinalalagyan at si Anna nama'y naupo na rin sa sahig upang himasin ang likuran ng dalaga, samantalang si Jervin naman ay pinanlisikan ng paningin ang matandang babae, pumikit, huminga ng malalim, iminulat nang muli ang mga mata at saka nginisian ang matandang babae.

"Ano sa tingin mo, Tazara?"

Nakangising tanong ni Jervin kay Tazara habang naglalakad na ito patungo sa likuran nila Hendric. Napa nguso ang matandang babae habang patuloy pa rin ito sa pagtingin kila Yvonne at Josh.

"Hmm… impossible namang kapatid mo ang kalunos-lunos na dalagang iyan. Hindi ka rin niya pinsan sapagkat nasa tamang gulang na ang halos kalahati ng kaniyang mga pinsan at ang iba nama'y mas bata pa sakaniya."

Paligoy-ligoy na sagot ni Tazara sa tanong sakaniya ni Jervin habang pinanlilisikan na nito ng paningin sila Yvonne at Josh na nasakaniyang harapan pa rin. Nang makatayo na ang binata sa likuran ng sofa na inuupuan ni Hendric ay hinawakan na nito ang balikat ng kaibigan. Ilang segundo ang lumipas ay hinawakan na rin ng kaibigan ang balikat ni Anna, dahilan upang mapabitiw na ang binata sa balikat ng kaibigan.

"Hindi kaya… siya'y iyong sinisinta?"

Nakangising tanong ni Tazara kay Jervin sabay tingin na nito sa binata na nakatayo sa likuran ng sofa sakaniyang tapat. Nginitian lamang pabalik ng binata ang matandang babae at saka nagkibit balikat.

"Yvonne, hawakan mo na si kuya Josh."

Bulong ni Anna kay Yvonne sabay hawak na nito sa magkabilang braso ng dalaga. Kaagad namang sinunod ng dalaga ang sinabi sakaniya ng kaibigan kaya't mabilis niyang hinawakan si Josh at ilang saglit lang ay tumayo na si Hendric at saka…

"Mekos!"

Sambit ni Hendric habang nakatingin kay Tazara at saka nginisian ito. Mabilis na tinakpan ng matandang babae ang kaniyang mukha, samantalang sila Anna, Jervin, Hendric at Yvonne ay lumabas na sa mansion ng mga Balderas sa pamamagitan ng bintana sa salas.

"Letivate!"

Sambit naman ni Anna habang magkaka hawak na ng kamay ang apat at saka nagtungo na sa bubungan ng mga Balderas upang doon magtago.

"Hanapin niyo sila! Hindi maaaring makaalis ang mga iyon sa ating pamamahay!"

Galit na utos ni Tazara sakaniyang angkan mula sa loob ng kanilang mansion.

"May plano na talaga kayo nung umpisa pa lang?"

Gulat na tanong ni Yvonne kila Hendric, Jervin at Anna habang hawak pa rin nito si Josh at nakadapa sa bubong katabi ang binata. Tumango lamang ang binata bilang tugon sa dalaga at saka inilapat na ang kaniyang kamay sa harapan ng dalaga.

"Bigay mo sakin si kuya Josh."

Sabi ni Jervin kay Yvonne habang iniintay nito ang dalaga na ibigay sakaniya si Josh. Pinagmasdan muna ng dalaga ang dwende at saka inilagay na ito sa kamay ng binata na naka lapat sakaniyang harapan.

"Alam mo ba ung spell, Jervin?"

Mahinang tanong ni Hendric kay Jervin habang nagmamasid-masid sakanilang kapaligiran habang nakadapa.

"Lifylun."

Sambit ni Jervin habang nakatuon lamang ang kaniyang atensyon kay Josh na nasakaniyang kamay.

"San niya natutunan un?"

Takang tanong ni Hendric kay Anna habang patuloy pa rin ito sa pagmamasid sakanilang kapaligiran katabi si Jervin.

"Hindi ko alam. Basta kanina ko lang siya nakita na gumamit ng magic, e, nung nahuli niya ung babaeng nagpapanggap na si Yvonne."

Sagot ni Anna sa tanong sakaniya ni Hendric habang nagmamasid din ito sakanilang kapaligiran habang nakadapa katabi ang kaibigan.

"Haa… haa… n-nasan n-na t-tayo?"

Pautal-utal na tanong ni Josh sa apat habang hinahabol nito ang kaniyang hininga. Umiiyak na tinignan ni Yvonne ang dwende habang nakangiti, nang masilayan na ni Jervin ang ngiti ng dalaga'y napangiti na rin ito.

"Pumasok na sila sa loob."

Sabi ni Hendric sa apat habang nakasilip na ito sa baba. Dahan-dahan na silang tumayo at saka naghawakan muli sila ng kamay.

"Letivate."

Sambit ni Anna habang hawak ang kamay nila Hendric at Yvonne at saka lumutang muli sila at lumipad na papalayo mula sa mansion ng mga Balderas.

"Mga wala kayong silbi! Hahanapin at dadakpin na lamang ang mga hamak na batang iyon ay hindi niyo pa magawa-gawa ng maayos!"

Galit na sigaw ni Tazara sakaniyang pamilya nang pumasok na ang mga ito sakanilang tahanan. Naka yukong umalis ang pamilya ng matandang babae at iniwan ito sa salas. Upang pakalmahin ang sarili ay naglakad ng pabalik-balik ang matandang babae sa tapat ng fireplace at matapos ng ilang beses pa ng paglalakad ng pabalik-balik ay bigla nitong itinuon ang kaniyang atensyon sa lalagyanan ng litrato sa itaas ng fireplace.

"Aaahhhh!"

"Jervin! Nakuha mo ung litrato?"

Tanong ni Josh kay Jervin mula sa bulsa ng damit ng binata habang nakatingin ito sa ibaba.

"Nakuha ko."

Simpleng sagot ni Jervin sa tanong sakaniya ni Josh habang hawak ang kamay ni Yvonne at nakangiti.

"Huh? Pano mo nakuha?"

Takang tanong ni Yvonne kay Jervin sabay tingin nito sa binata habang hawak ang kamay nito at ang kamay ni Anna.

"Nung humarap ulit ako dun sa fireplace, dun ko na kinuha ung picture."