Ka tlanchhia

Ka nu leh pa te tan lak a zarah kan khawsak te alo pangai chho a,eichawp dawr lian vak lo kan nei a. Rual awt em em chuan kan awm bik tawh lo a, phone te pawh kan rual pui ah chuan a hum hmasa pawl ka ni ve. Nokia x2 keypad awm ngei mai kha,hmeh zawng a ri tuk tuk thei, chhungte mut reh hnu ah phei chuan sms pawh in lukhup chung lo chuan type ngam pawn ni lo. A camera erawh a hunlai na na na kha chuan tha ve deuh ang chi kha ka nei a,facebook pawh a khawih hmasa pawl ka ni.

Sms pawh ni khat a duh zat zat ala thawn chhuah theih hunlai kha aniah,ka phone hmet peih lutuk kha ka pa hian min hau fo a,a ruk a ngaihzawng te ka lo neih ve avang khan kan in be deuh tluk tluk reng kha ani mai. Ka bialpa te lah chhungkaw khawsak nuamsa ve tak an ni si a,top-up leh sms man te kha chu min tum sak char char kha ani mai a,thiante bulah khan ka in sawi thei kher zel. A nuam ve thin asin.

Ka pa hian zu in a chhing chho a,tuk khat chu zing zu a in tih hriat reng reng a zing leng lo haw hian min hau ta hrep mai a,ka phone min chhuhsak a, a chhu chhe ta vek mai. Ka lunghnur lutuk hi ka tap vak a,kan in hau ta hrep a. Kei,lunglian lutuk tih ka tum tawh chu tum ve tak,mi luhlul lutuk ka lo ni bawk nen insiam pawh in siam lo chuan ka hak lai nen ka tlanchhuak a,sumo ka phar ding a aizawl thleng chuan ve a rem leh rem loh ka zawt a, driver chuan rem alo ti a chuan man tur lam kha ka rilru ah a lang pha lo reng reng,ka chuang ve nghal. Ka va lo â thin tak e aw.

Cheng 50 zawng hi ka kawrlum ipte ah ah lai ka nei a. Ka phone a chhiat tak si ah chuan aizawl a kan chhungte biakna tur in tu number mah chhinchhiah ka nei lo a,ka thiante pawh. Ka number hriat chhun chu ramhlun pa kha ani deuh tawp mai,ka bul a thu chu a phone hman sak ka dil a,zun zung tur a kan din lai chuan ka bialpa chu ka call a chanchin zawng zawng leh pawisa pawh ka neih loh thu ka hrilh ta a. Ani chuan ramhlun Zangena petrol pump a min lo chan tur thu leh chuan man pawh min lo pek sak tur thu min hrilh a,ka va hlim tehreng em.

Kha mi tum a ka thil tawn te khan rilru len leh luhlul lutuk pawh hi a tha zawng a hman anih loh chuan tal buaina leh rilru hah na mai ani tih min zirtir phah ani.