Chaltlang dawrkawn

Ka bialpa chuan a sawi ang chuan min lo hmuak ngei a,kal man pawh min pek sak thlap a,Kan in hmu leh chu kan hlim duh teh e.

Mahse! Khawnge ka in nghah tak ang le!

Ka chhungte ka pan ngam lo,min lo hau hrep dawn a,ka hreh ve si,a ni zui haw ngawt chi lah ni lo,pasal neih ka la duh teuh lo,ka zui chuan inru kan ni dawn si a ka ngam teuh lo mai. Ka awmdan tur kan han sawi dun ngial hnu ah ka thiante aizawl a lehkha zir tur a inluah a awm te in lam kan pan chho ta hnak hnak a. In sawifiah dan tur te kha kan sawi chho dun ve nasa.

Ka thleng chho a,ka rin ang ngei in ka thiannu u hian min lo hau hrep,a duh tawk a min hauh hrep hnu ah 'i va â ve' tih pah a min nuih tak nghek hnu kha chuan pangai tak in ka thaw ve thei ta chauh ani. Ania sin, keipawh hian ka la nuih pui nasa thin.

Chutia thawmhnaw pawh keng lo a zin ta chu ka bialpa bawk chuan hakthlak tur leh taksa dep a hak tur te chu min lo lei sak nual a,a tuk ah min rawn pe leh thlap a,ka va lawm tak em. Ni e,a hunlai chauh pawh ni lo,a rilru ka tih nat sak a,ka duh rêng vang pawh ni lo a ka phatsan tak hnu leh midang ta ka nih tak hnu thleng pawh a min hmangaih a,a ruk a min lo ngaihven ru reng thin tu chu amah,rilru na tak chung a ka kalsan ka bialpa hlui lo ni ta Ramhlun veng a mi ngei kha ani. Ka damchhung hi chuan ka hriatrengna ah hian a cham reng tawh ang.

Ka cham chhung khan a phallo chung zu ka lo tem ru leh pek a,a thinrim lutuk khan kut min thlak lo chauh ani. A titau nasa tawh mai si,a thinrim ka hlau ve tho bawk si nen chaltlang dawrkawn ATM kawt ah tak mai khian,thingthi meuh in ngaihdam te kan dil vel anih kha. Ka lo kai ve deuh bawk nen zah chu sawi loh romantic kha ka ti deuh tlat pek ah!. Ka thil tih ah ka inchhir ani tih lan tir nan khan ka tap vel,mittui meuh kan sur tir chuan in tawh lo tur a in tiam chung chuan min ngaidam leh ta a. Ka harhfim hnu kha chuan ka sen tawn tawn thei in ka hria. Mittui luang hi chuan thinlung hi a hneh tlat thin reng ani.

Chutia karkhat lai ka awm bo hnu chuan ka nu min lam tur in alo chhuk a,kan inthlem haw leh ta a.