Pagkatapos (12)

Sa sobrang pagkablangko ni Xu Jiamu, hindi niya na namalayang sinundan pala siya ni

Qiao Anhao habang nagungulit kung ayos lang ba siya, at nagdire-diretso lang siya sa

kanyang sasakyan, na walang pagdadalawang isip niyang hinarurot ng takbo palabas

ng Mian Xiu Garden.

Ilang beses ding nagring ang kanyang phone na nakalapag sa passenger seat. Si Lu

Jinnian ang tumatawag… Malamang sinabi ni Qiao Anhao na mukhang may problema

siya, pero… sobrang gulo pa ng isip niya sa ngayon… at hindi pa siya handang

makipagusap kahit kanino… oo… kahit kay Lu Jinnian… kaya nang muli itong mag'ring,

na hindi niya na mabilang kung pang ilang beses na, bigla niya itong kinuha para

idinecline ang tawag, at ioff ang kanyang phone.

Pagkalipas ng dalawang oras, huminto ang kanyang sasakyan sa isang napaka dilim na

lugar.

Pagkababa niya, binalibag niya ang pintuan ng driver's seat at parang isang baliw,

nagdire-diretso siya sa paanan ng bundok.

Lakad lang siya ng lakad, na para bang hindi niya alintana kung may nakaharang sa

harapan niya na pwede siyang mabangga, hanggang sa makarating siya sa isang

partikular na puntod.... Ilang minuto rin siyang nakatayo sa harapan nito na nakatulala

lang, habang ang kanyang mga mata'y hindi niya namalayang napuno na ng mga

naipong luha, na kanina niya pa pinipigilan….

"Baby… nakita ni Daddy si Mommy kanina…"

Pagtapos ng mga salitang ito, hindi na alam ni Xu Jiamu kung paano niya itutuloy ang

iba niya pang gustong sabihin.

Kung hindi niya sana nakita ang katotohanan gamit ang dalawa niyang mga mata….

Hindi siguro siya masasaktan ng ganito… ayaw niyang maniwala… at gustong gusto

niyang kumbinsihin ang sarili niya na isang masamang panigip lang ang lahat….

Tatlong taon… kahit tatlong taon na silang magkahiwalay, alam ng Diyos na walang

minutong lumipas na hindi niya pinangarap na magkabalikan sila….

Ang dami niyang plano… at sa totoo lang, yun nalang ang laman ng isip niya… kaya

hindi niya inaasahan na sa sunod nilang pagkikita ay malalaman niyang kasal na ito sa

ibang lalaki…

"Baby, sobrang laki ng ipinayat ng mommy mo. Hindi ba siya nakakakain ng maayos sa

America? Pero ang ganda niya pa rin baby… sobrang ganda…" At habang patagal ng

patagal, lalo lang nagiging emosyunal si Xu Jiamu. "Baby, ayaw na ni mommy kay

daddy."

"Baby, alam mo ba? Hindi naman talaga ganung klaseng tao si Daddy eh…. Pero

noong nalaman kong wala ka na, sobrang nagalit ako… Hindi mo alam kung gaano

kasaya si Daddy noong nalaman kong parating ka na sa buhay namin, pero hindi ko

maintindihan kung bakit ayaw sayo ng Mommy mo…

"Sobrang nagsisi si Daddy noong iniwanan niya si Mommy, pero pag balik ko, wala na

pala si Mommy…

Sa totoo lang, hindi naman talaga sinadya ni Xu Jiamu ang mga nagawa niya…

Noong araw na 'yun, sobrang nagalit siya sa ginawa ni Song Xiangsi… Nawala na ang

mama niya, at mukhang wala ring balak bumalik ang papa niya… kaya si Song Xiangsi

at ang magiging baby nalang sana nila ang makakasama niya… Kaya sa galit niya,

walang pagdadalawang isip niyang itinapon ang singsing na binili niya sa basurahan.

Pagkatapos, dumiretso siya sa bar at nilunod ang sarili niya sa alak… Oo… Lasing na

lasing siya noong gabing 'yun, pero natatandaan niya ang lahat…

Malinaw sakanya na pinalaglag nito ang anak niya, pero alam niya rin sa sarili niya na

kahit ganun ang nangyari ay gustong gusto niya pa rin itong balikan…

Kaya kahit pasuray-suray, pinilit niyang pumara ng taxi at magpahatid sa Su Yuan

apartment.

Pagkababang pagkababa niya, kinalkal niya ang basurahan hanggang sa mahanap

niya ang singsing. Pagkatapos, pinilit niyang umakyat, at dala ng sobrang kalasingan,

ilang beses niyang sinubukang ienter ang passcode bago niya tuluyang mabuksan ang

pintuan.

At doon muling sumalubong sakanya ang napaka gulong sala na iniwanan niya…

Hindi nagtagal, umihip ang malakas na hangin, at sa lahat ba naman ng papel na

pwedeng liparin palapit sakanya ay ang form pa na may mga salitang 'Painless surgical

abortion'.

Oo… nagalit siya… sobrang nagalit siya… pero bumalik siya par asana makipag'ayos…

kaso nakaalis na ito….Umalis ito ng walang pasabi ng ganun ganun nalang kadali…

Habang inaalala ang nangyari noong gabing 'yun, tuluyan ng bumuhos ang luha sa mga

mata ni Xu Jiamu. "Baby, ayaw naman talaga ni mommy kay daddy noong una palang

diba?"