Kung ayaw nila sayo, pakakasalan nalang kita (15)

"Kalahating oras na akong naghihintay! Gustom na gutom na ako kaya magorser ka na." Nag'salumbaba si Qiao Anhao at itinulak niya ang menu papalapit kay Lu Jinnian.

Hindi pinansin ni Lu Jinnian ang menu at nakatitig lang siya kay Qiao Anhao. 

Ilang sandaling naghintay si Qiao Anhao pero bandang huli, binawi niya nalang ang menu dahil gutom na gutom na talaga siya. Tinignan niya ang waitress na nagaabang sa gilid at nagorder siya ng apat na putahe at isang soup.

Inulit ng waitress ang mga order nila at nagtanong, "Would you like anything to drink?" 

Kadalasan, tsaa o kaya orange juice lang ang inoorder ni Qiao Anhao, pero sa pagkakataong ito, iba ang hinahanap ng panlasa niya. Nagisip siya ng sandali at sinabi sa waitress nang hindi mang lang kumukunsulta kay Lu Jinnian, "Isang bote ng red wine, Château Lafite Rothschild."

"Sure, give me a minute." Magalang na nagpaalam ang waitress para ihanda ang mga order nila.

Iinom si Qiao Anhao…ibig sabihin sobrang lungkot talaga nito at hindi lang nagpapahalata…

Binasa ni Lu Jinnian ang mga labi niya para kausapin si Qiao Anhao pero noong magsasalita na siya, biglang nangibabaw ang boses ng mga nakaupo sa kabilang lamesa. "Narinig niyo na ba? Iniwan daw ni Xu Jiamu si Qiao Anhao?"

Biglang bumigat ang loob ni Lu Jinnian. Hindi siya makatingin kay Qioa Anhao dahil hindi niya kayang makita na umiiyak ito.

Rinig na rinig din ni Qiao Anhao kaya sinilip niya ang mga naguusap. Kilala niya ang tatlong babaeng naguusap dahil galing ang mga ito sa Beijing Business Circle. Hindi sila masyadong close pero maraming pagkakataon niya na ring nakausap ang mga ito.

"Nabalitaan ko lang pero hindi ko pa alam ang totoong nangyari."

"May relasyon daw sina Xu Jiamu at Lin Qianqian. Base sa narinig ko, nagkaka mabutihan talaga ang dalawa. Sinabi niya pa nga sa akin noong nagkita kami na binilhan siya ni Xu Jiamu ng dalawang limited edition na Chanel bag."

"Pero hindi ba, magkasama na sina Xu Jiamu at Qiao Anhao mula pagkabata kaya bakit naman siya biglang iiwanan nito ng wala silang isang taon?"

"Mas bata si Lin Qianqian kaysa sakanya at ang di hamak naman na mas maganda ang family background niya…kaya normal lang talagang iwanan ni Xu Jiamu si Qiao Anhao."

Hindi na kinakaya ni Lu Jinnian ang mga naririnig niya kaya bigla niyang sinipa ang upuan na nasa tabi niya at galit nag alit na pumunta sa kabilang lamesa. Tinignan niya ng masama ang tatlo at pasinghal na sinabi, "Bago niyo pagusapan ang ibang tao, siguraduhin niyo munang wala siya dito."

Natigilan ang tatlong babae at gulat na gulat na tumingin sa paligid nila. Nang makita nila si Qiao Anhao na nakaupo sa kabilang lamesa, bigla nalang silang namutla sa sobrang kahihiyan.

Nanatili lang kalmado si Qiao Anhao at walang bakas ng anumang inis itsura niya. Ngumiti siya sa tatlo at bumati.

Hindi na kinaya ng tatlong babae ang sobra sobrang kahihiyan kaya pagkatapos nilang batiin si Qiao Anhao, dali-dali silang tumayo para magbayad ng bill at umalis ng restaurant kahit na hindi pa sila nakakakain.

Pagkabalik ni Lu Jinnian sa lamesa nila, nagaalala niyang tinignan si Qiao Anhao at pampalubag loob na sinabi, "Qiao Qiao, wag kang makinig sakanila…"

Inasahan na ni Qiao Anhao na paguusapan ng lahat ang naging divorce nila ni Xu Jiamu pero malinis ang konsensya niya kaya wala siyang pakielam sa iisipin ng iba.