Do You Know who He Likes? (9)

"Holy sh*t, sobrang arogante at hindi nag-iisip si Mr. Lu! Isang bilyon! Isang bilyong yuan investment yun. Noong sinabi niyang tatanggalin niya ito, tinanggal niya talaga! Ang mundo nga naman mayayaman… hindi ko talaga maintindihan!"

Hindi nagreply si Qiao Anhao sa mga messages ni Zhao Meng at hinayaan niya ang kanyang kaibigan na sabihin ang lahat ng gusto nitong sabihin. Tumigil lang si Zhao Meng noong mapansin nito na hindi nagrereply si Qiao Anhao sa dami ng message na sinned nito. 

Nanatiling nakatayo si Qiao Anhao sa balcony habang hawak ang kanyang phone. Maya-maya, muli niyang binuksan ang WeChat para pakinggan ulit ang mga messaged na galing kay Zhao Meng.

Noong tanghali, hindi pa sigurado si Zhao Meng na su Lu Jinnian ang may gawa ng lahat, pero ngayon halatang sigurado na ito.

Dahil sa mga sinabi ni Zhao Meng, nalaman niya na nakipagaway si Lu Jinnian kay Producer Sun para mailigtas siya nito kagabi. Hindi niya maimagine kung paano makipagaway ang tong walang pakielam na gaya ni Lu Jinnian. Biglang bumilis ang tibok ng puso niya.

Nagkalat ang mga scandals ni Lin Shiyi, samantalang si Producer Sun naman ay tinanggal sa production crew ng 'Alluring Times'…kagaya ng sinabi ni Zhao Meng, isang bilyong yuan investment yun. Noong sinabi nitong tatanggalin nito si Producer Sun, tinanggal talaga nito. Sobrang lupit at arogante nga talaga ng ginawa nito.

Napahawak ng mahigpit si Qiao Anhao sa kanyang phone. Sa totoo lang, hindi naman ito ang unang pagkakataon na tinulungan siya ni Lu Jinnian.

Noong ginulo siya ni Lin Shiyi sa kauna-unahang dinner party ng 'Alluring Times, tinulungan siya ni Lu Jinnian sa pamamagitan lang ng isang salita. 

Noong kinuhaan siya ng litrato ni Lin Shiyi sa kwarto ni Lu Jinnian at inexpose ito sa Weibo, si Lu Jinnian din ang humingi ng tulong kay Song Xiangsi.

Noong nalaglag siya sa naputol na swing, si Lu Jinnian din ang matapang na sumalo sakanya.

Sa lahat ng pagkakataon na tinulungan siya ni Lu Jinian, ito talaga ang pinaka pumukaw ng damdamin niya. Yung mga nangyari noon, ginagawa rin yun ni Lu Jinnian sa iba pero ngayon, masasabi niyang prinoprotektahan talaga siya ni Lu Jinnian.

Dahil sa mga nalaman niya, sobrang napukaw talaga ang damdamin ni Qiao Anhao.

Kailanman ay hindi niya naisip na proprotektahan siya ng isang lalaking kagaya ni Lu Jinnian na walang pakielam. Kahit na hindi alam ni Qiao Anhao kung bakit siya prinoprotektahan nito, masaya, kinikilig at kuntento pa rin siya. 

Kung kanina nagaalangan si Qiao Anhao kung tatawan o itetext niya ba si Lu Jinnian, ngayon naman ay bigla niyang naisip na gusto niya itong makita.

Kabado siyang nakahawak sa kanyang phone. Huminga muna siya ng malalim bago hanapin ang number ni Lu Jinnian, at tinawagan niya ito.

-

Binalot ng kadiliman ang Huan Ying Entertainment tower.

Ang mga itsura ng mga member ng board of directors ay hindi maipinta noong lumabas ang mga ito ng meeting room.

Noong nasigurong nakalabas na ang lahat ay saka palang lumabas si Song Xiangsi ng office nito. Mag-isa itong tumayo sa hall at nagpunta sa break room para magtimpla ng kape. Naglakad siya dala ang kanyang kape papasok sa office ni Lu Jinnian…

Kumatok si Song Xiangsi sa office ni Lu Jinnian at noong walang narinig na kahit ano ay binuksan nalamang nito ang pintuan at pumasok.

Nakatayo lang si lu Jinnian sa harap ng isang floor-to-ceiling na bintana. Habang nakatingin sa mga city lights, magsisindi sana siya ng sigarilyo. Kalmado na siya noong mga oras na yun kumpara noong nasa meeting room palang siya. Balik nanaman siya sa normal niyang awra na cold at walang pakielam.

Alam niya na may pumasok sa office niya pero hindi siya nagpakita ng kahit anong reaksyon. 

Ipinatong ni Song Xiangsi ang kapeng tinimpla nito sa gilid ng lamesa at naglakad ng naka'high heels palapit sakanya. Sinundan nito ang malayo niyang tingin bago nagsalita, "Yung isang bilyong yuan investment na yun… may plano ka na ba kung paano yun lilikumin?