Irony

2 saal pehle....

M bola

"Mummy m ja raha hu"

Mummy boli

"Orion, letter le liya?"

"Mummy ab m bacha nahi raha"

"Ha...ha...pata hai"

"Acha ab m chalta hu"

"Ache se jaana"

"Ha...ha...mummy"

To ye thi meri mummy, estora kingdom ki rani, Queen Eleanor Wuther, jinko baaki mummyon ki tarah hi apne bete ki bohot chinta thi. Mummy ki aankhein halki nilli or baal kaale rang ke the. Mummy hamesha halke colour ke kapde pehnti thi. Unki umar 47 saal thi. Mummy ko sanngeet bohot pasand tha or wo khud bhi bohot acha gaati thi. 

M gate se nikalkar apne ghode ke pass jaa raha tha ki raaste me mujhe mera bada bhai mil gaya. Jareth bola

"Kahan jaa rahe ho Orion?"

"Kyon maje le rahe ho bhaiya"

"Are maine to bas tumse ye pucha ki kahan jaa rahe ho"

"Aapko pata hai"

"Haha...sorry sorry, dhyaan se jaana or time se waapis aa jaana"

"Ha thik hai dusri mummy"

"Dusri mummy?"

"Haha...bye"

M hasta hua bhaag ke ghode ke pass gaya. Maine ghode ko khola or us par baith kar nikal pada Elara Kingdom ki taraf detective ban ne ke liye. 

Detective?

Haa detective. Mujhe bure logon ko pakdne ka bohot shok tha or m ek detective ban na chahta tha lekin Estora Kingdom me aisa koi detective nahi tha jis se mai kuch sikh saku(m jyada hoshiyar nahi tha lekin chaalak bohot tha). Isi liye m har roj detective ki practice karne ke liye Elara Kingdom jaata tha, kyonki wahan par rehte the, saaton kingdom me sabse best detective, Detective Samuel Harper. 

Detective Samuel ek experienced detective the, jinhe best detective in the seven kingdoms award bhi mila hua tha. Detective Samuel ko 30 saal se bhi jyada ka experience tha. Unki umar 50 saal thi. Unhone 20 saal ki umar me hi detective ka kaam shuru kar diya tha. Detective Samuel ki aankhein hari or baal laal rang ke the. Wo hamesha sir par ek gol topi pehne rehte the. 

M Elara Kingdom pohoch gaya. Maine apna ghoda kingdom ke gate ke bahar ek hitching post par baandh diya or andar jaane laga lekin gate par khade do guards ne mujhe rok liya or poocha

"Kon ho tum? or kya tumhare pass permission letter hai?"

"M William Shakespear hu or mujhe kisi permission ki jurat nahi"

"Huh? Ye kaisa bekaar majak hai?"

"Shuru kisne kiya?"

"Hamne kab majak kiya?"

"Mujhe ek hafta ho gaya yahan aate or tum ab bhi mujse ye sawaal puch rahe ho ki kon hu m"

"Hame pata hai tum kon ho lekin ham to bas apna farz nibha rahe hai"

"Konsa farz?"

"Hame raja ne aadesh de rakha hai ki kisi ko bhi bina permission ke andar guhsne nahi dena"

"Huff...thik hai ruko abhi dikhata hu"

Maine apna bag khola or letter ko dhunda lekin kuch bhi nahi mila. Tabhi mujhe meri mummy ki kahi hui baat yaad aai.

'Orion, letter le liya?'

Guard bola

"Kya hua?"

"Bas ek min, aisa kaise ho sakta hai mujhe pakka yaad hai maine use bag me rakh liya tha. Yaar mummy ki baat maan leni chahiye thi. Ab kya karu?"

"Permission letter nahi hai kya?"

"Umm...tum sachme mujhe bina permission letter ke andar nahi jaane doge?"

"Nahi"

"Pakka?"

"Haa Pakka"

Mere dimaag me bas ek hi chij aai or wo thi jabardasti andar ghusna kyonki waapis Estora Kingdom jaake permission letter laane me to mera saara time kharab ho jaata. To maine or kuch nahi socha or jabardasti andar ghusne laga. Guards ne mujhe Kingdom ke andar ek pair bhi rakhne nahi diya. Mujhe gate me se orange guard dikhai diya jo ki normal guards se ek level upar tha or mere man me ek naya idea aa gaya. Maine apni talwaar nikal li. Guards bole

"Tumhe sachme lagta hai tum hame hara doge?"

"M tumhe kyon harau?"

"Huh? Tum hamse ladai nahi karoge?"

"Maine kab kaha m tumse ladai karunga"

Maine apni talwaar ko uthaya or gate ke side me ek ped tha uspar jor se de maari. Meri talwaar us ped me fas gayi. Guards jor jor se hasne lage or bole

"Hahahaha.....Tum pagal wagal ho kya?"

"Wah kya irony hai"

"Irony?"

"Jaldi samjh jaaoge"

Maine ped ke niche padi hui sukhi patiyon ko ikattha kiya or do pathar utha liye. Un pathron ko ghis ghis kar aag paida ki or patiyon me aag laga di. Guards bole

"Tum sachme pagal ho gaye ho"

"Ek aakhiri baar puch raha hu. Kya mujhe andar jaane doge?"

"Nahi bilkul nahi"

"Thik hai fir, baad me mujhe ye mat kehna maine moka nahi diya"

"Kaisa moka?"

M khud apni marzi se niche gir gaya or chilane laga

"Aaaahhhhhh!!! Ouchhhhh!!!!"

"Huh?!? Ye tum kya kar rahe ho--"

"Please mujhe jaane do....."

 "Ye tum kya anap shanap bak rahe h-----"

"Aaahhhh!!! Please..mujhe jaane do....."

Meri aawaz sun kar andar se orange guard aa gaya or bola

"Ye kya ho raha hai yahan pe?"

"Please mujhe in guards se bach lo..."

"Guards se bacha lo?"

"Haa, ye dono mujhe kidnap kar rahe hai, please mujhe bacha lo"

"Tum shaant ho jaao"

"Please mujhe bacha lo..."

"Tum chinta mat karo, ab m aa gaya hu, ab ye tumhe kuch nahi keh sakte"

"*sob* *sob* Please.."

"Oye tum dono kya ye sach hai?"

"Nahi sir, ye jhoot bol raha hai"

"Tum dono apne hathiyar daal do or chup chaap diwaar ki taraf muh karke khade ho jaao"

"Lekin sir ye jhoo--"

"Wo m dekhta hu tumhe jo kaha wo karo"

"Ji sir"

"To ladke kya tum jo keh rahe ho wo sach hai?"

"Haa, jab in dono ko pata laga ki mai ek raja ka beta hu to in dono ne mujhpar talwaar se hamla kar diya taaki mujhe kidnap kar sake or raja se paise maang sake. M talwaar baaji me itna acha nahi hu to meri talwaar mere haath se uchal gayi or gate ke pass jo ped hai usme ja ke fas gayi"

Us orange guard ne ped check kiya or use wahan sachme talwaar fasi mili. Usne meri taraf muh kiya or bola

"Tum ek prince ho?"

"Haa m Estora Kingdom ke raja King Lucien Wuther ka beta Prince Orion Wuther hu or is Kingdom me Detective Smauel ke pass practice karne aata hu"

"Oh My Majesty, in dono ki taraf se m aapse maafi mangta hu"

"Kya aage se aisa fir kabhi nahi hoga?"

"Ofcourse, aage se aisa bilkul nahi hoga"

"Thik hai fir ab m chalta hu"

"Ek minute Prince Orion"

"Kya hua?"

"Pata nahi mujhe ye kehna chahiye ya nahi, lekin kya aapke paas permission letter hai?"

Wo do guards jo diwaar ki taraf muh karke khade the bole

"Ab aaya na unt pahad ke niche"

"Maine tum dono ko chup rehne ke liye kaha tha na?"

"Sorry Sir"

M ek dum se orange guard ko bola

"Tha"

"Tha? Tha matlab?"

"Mere pass permission letter tha lekin in dono guards ne mujhse wo letter chin kar jala diya"

"Jala diya?"

"Haa, wo dekho ped ke niche aag abhi tak lagi hui hai"

Orange guard ne aag ko dekha or uski shakal par saaf saaf dikhne laga ki use mujh par pura vishvash ho gaya hai. Oange guard bola

"Sorry my majesty. Aap andar jaa sakte hai"

"Koi nahi"

M andar jaane laga. Orange guard un dono guards ko dhamka raha tha. Orange guard un dono ko bola

"Tum pagal wagal ho kya?"

Jab orange guard ne unhe ye baat boli, maine piche se guards ko jeebh dikahi or bola

"Dekha? Irony! Hahaha"

M guards ki taraf dekhte hue unko chidata hua andar jaa raha tha ki tabhi 

*thud*

Ek sundar ladki jisne light pink dress pehn rakhi thi mujhse aa kar takra gayi...