Gay Love Story Pahle Pyar Ka Pahla Gum
______________________________________
Is baat gujrey hu shayad 15 saal to jarur hi ho gaye hongey. jab me us nanhey farishtey se mila tha. me us wakt 25 saal ka tha . wese to mera aana jana kahi jata hota nahi he lekin kuch haalat ese baney ke mujhe apni bua ki ladki ke shaadi me jana pada koi haftey bhar ke samay nikaal kar .
dhaulpur ( Rajsthan ) pahucha to sab kuch naya tha mere liye . esa nahi he ke bua ke ghar kabhi aana jana nahi hua tha lekin pichhali jab aaya tha us baat ko bhi 4-5 saal to ho gaye they. us mohlley me kuch naye makaan ban gaye they. us colony ki gali bhi pakki ho gayi thi ab to. bua ke ghar ke saamane neem ka ek bada ped tha jo garmiyo me badi thandi hawa diya karta tha. me bua ke ghar pahucha to bua usi ped ke neechey charpaai daalkar bethi hui thi. sath me bua ka chhota ladka abhishek bhi tha . abhishek 13-14 saal hua hoga us wakt . mujhe dekhate hi bua ne seeney se laga liya puchha ,
" bhabhi ( maa ) nahi aayi. ...?"
mene apna bag charpaai pe patakatey hue thoda sa sukun mahsus kiya. itane me bua ki ladki jisaki shaadi thi wo ek lota bharkar pani le aayi. pani se gala tar kiya aur bua ko tasalli dete hue kaha,
" bua maa shadi se ek din pahle aa jayegi. wo ghar me kuch jaruri kaam aa gaya tha is wajah se abhi nahi aa paayi "
khair kuch der neem ke ped ki hawa khaakar andar kamrey me pahucha. cooler ki thandi hawa ne tabiyat tahndi kar di. garmiyo ki shaadi me kuch mile na miley thando hawa milati rahe yahi bahut he. mene kapdey change kiye aur ek short bag se nikal kar pahan liya. itane me abhishek sharbat lekar aa gaya kamrey me aur usake sath ek ladka aur tha abhishek jitana hi 13-14 saal ka wo dono us wakt 8th standard ke exam dekar free hue they. uska naam sandeep parmar tha. dekhane me gora chitta. patli naak uncha matha. aur tej najar lekin jesa ki hota he aankho me ek sharmilapan.
chhotey bhaiyo ko hamesa lagta he bade bhaiya ke paas jarur kuch hoga pocket me jo wo unake liye laye hongey. me to sach me bhool gaya tha fir yaad aaya safar me boriyat se bachane ke liye mene kuch story moongfali khareed li thi whi nikaal kar un dono ko de di. wo dono bahut khus hue. aaj yaad karta to sach me mahsus hota he us wakt ke bachchey kitane sidhey aur saral hotey they. na koi demand na koi atitude. dono mujhe bhaiya bhaiya kahkar aagey peechey ghumatey rahtey .
wo mera pahla din tha. shaam hui to ghar me boriyat hone lagi. abhishek ko bulakar puchha,
" paas me koi park wagerah he kya ?"
usane uchhalatey hue kaha,
" paas me hi he bada park aap chalogey ghumaney. "
andha kya chahey to aankh ab ghar me aurato ne dera jama rakha tha dholak kee thaap se ghar me aaram karna bhi muskil ho raha tha. mene furti se kapdey pahne aur abhishek ke sath nikal liya abhi gali ke nukkad tak hi pahuchey they ki sandeep apne ghar pe darwaajey pe khada hame dekh raha tha. abhishek ne kaha,
" chal park chalatey he bhaiya ke sath . "
wo daudkar chappal pahan ke aa gaya. ham park pahuchey park me kaafi sannata tha un dino baba ramdev nahi they na to kasrat yoga ka utana craze nahi tha.ek khali majboot banch dekhkar me uspar beth gaya. saamane 2-3 badey badey aam ke ped par baur aaya hua tha aur koyal badi masti he unpar chahak rahi thi. me wo dekhane me magan ho gaya. mujhe prakriti sada se apni taraf aakarshit karti rahi he. kuch der me sandeep daudata hua aaya.
hanfata hua bola,
" aapke liye ye laaya hoon ........"
usane apni hatheli bada di. dekha to usame jungle jalebi thi. mujhe bachpan se hi badi pasand thi. meri tabiyat khus ho gayi . me usake hatho se lekar khaane laga aur wo mere baaju me beth gaya. abhishek kisi kuttey ko dele maarane me busy tha. mene sandeep ko ek najar dekha aur puchha,
" exam kese gaye he ......?"
usane purey confidence se kaha,
" bahut achchey bhaiya . ek bhi qstn nahi chhoda mene. ...."
" to aajkal garmiyo ki chhutti me kya karte ho din bhar ......"
mene puchha to usane badey salikey se jawaab diya,
" jee wo 9th ki purani books papa lekar aaye he dukaan se unako hi padta hu abhi to thoda thoda .."
mene use dekha to bishwaas nahi hua piddi sa chhokara mujhe chala raha he . garmiyo ki chhutti me koi padta he bhala aur khaaskar tab jab agli class board na ho.
raat ko ghar pahuchey to bua naaraj hui kahne lagi ,
" kaha tha mene lassi banayi thi kitana intejaar kiya ab to makkhan chhor gayi hogi. ..."
me hasta hua bola,
" bua jesi he de do. me to sab kha pee leta hu. "
bua ko meri ye aadat badi pasand thi. mene khane peeney ke maamaley me kabhi koi nakhrey nahi dikhaye. raat ko light fr chali gayi mene chaarpayi uthaayi aur neem ke ped ke neechey aakar let gaya. abhishek peechye peechey aakar baaju me chaarpai ke paaye se tikkar beth gaya. puchhane laga,
" bhaiya . aapne kitana padai kiya he. "
mene aasman me taaro ko dekhtey hue kaha,
" M.Sc ......"
" bhaiya me karunga to kitane saal me hoga ....."
mene jawaab diya,
" 12th ke baad 5 saal aur padna padega tab hoga "
wo muh banatey hue bola,
" 5 saal to jyada he usase kam ka kuch ni hota ..."
me janata tha abhishek ka padaai me dimaag lagta nahi he. mene use tarkaatey hue kaha,
" arey pahley 12th to kar le fir dekhenge tujhe kya karwana theek hoga. "
wo taaro ko dekhatey hue meri bagal me let gaya, itane me sandeep bhi aa gaya. wo kuch paas hi khada raha to mene thoda adjust hote hue thodi jagah banayi aur kaha,
" aaja beth yaha pe....."
wo jhijhakatey hue bola ,
" bhaiya meri kitaab dekhogey kal ...."
me sar usaki taraf ghuma liya ,
" kon si waali ..........?"
usane sankoch se kaha,
" aapko bataya tha 9th ka course laaye papa . aap mujhe thoda sa kuch bata dena. "
me shak dur hua ye to sach me padaaku type ladka he. mujhe khusi hui. shuru se padne likhane waale bachchey mujhe pasand he. mene haa kah diya.
agley din subah 8 baje to sab taam jhaam utha ke mere kamrey me aa chuka tha. lekin aaj ghar me koi shaadi ki rasm honi thi to muhalley ki saari auratey jama ho gayi thi. mujhe ese pareshaan dekhkar usane puchha,
" aap mere ghar chalo baahar wali bethak me koi ni aata usame sirf me padta hu ."
mujhe bhi is wakt is dham dham se bhagana tha. sandeep ke sath usake ghar pahucha. usane mujhe bithaya aur daudkar pani le aaya fir kuch der me chai aur biscuit lekar mere saamaney tha. chai me cheeni bahut thi.
mene andar ki taraf jhaakatey hua puchha,
" sab kaha gaye he ...........?"
wo apni kitaab uthaatey hue bola,
" mammi abhishek ke ghar gayi he aur papa office gaye he . "
me samjh gaya chai sandeep ne hi banayi he. aur shayad aaj pahli baar banai he. us wakt tak mujhe kuch pata nahi tha. garmiyo ki wajah se us wakt mene sirf ek banyaan aur ek short pahan rakhi thi. thodi bahut kasrat kar leta tha to body ka shape achcha tha us wakt. wo mere paas beth gaya me usaki books dekhane laga . aur wo mujhse satkat betha tha. kuch der baad mujhe mahsus hua kee wo chori chori meri taraf dekh raha he. najar bacha kar. koi aapko chor najar se dekhe to ek minute me samjh aa jata he ki mamla gadbad. wo pahli baar tha jab mujhe shak hua sandeep par lekin mene kuch nahi kaha.
abhishek ek to padaai me naakara tha aur ek no ka kaamchor. bua din bhar use daatati rahti thi lekin wo kisaki sunta tha mujhe jarur thda darta tha. ek din baajar se mujhe kuch saaman lena tha to abhishek ko lekar baajar gaya. wo raastey bhar apney ultey seedhey sawalo se mera dimaag khata raha aur me apne kaam niptata raha. jab wapas laut rahe they to mene gaur kiya sandeep apney ghar khidaki se chhupkar mujhe dekh raha tha. mene dekhkar bhi andekha kiya.
shaadi ko 2 din bachey they aur pura ghar ristedaaro se thasathas bhar gaya tha aur usame bhi auratey jyada thi. bathroom me nahaney ko jagah milana bhi muskil ho gaya tha to bua ne meri nahane ki vyavstha sandeep ke ghar hi karwa di thi. pahley din jab me nahaney gaya to dekha bathroom to kaafi bada tha lekin bathroom ke darwaajey par jo hath tha wo ek taraf se gal gaya tha. pura lohey ka tha to shayad pani kee wajah se esa hua tha. usame koi 3-4 inch ka chhed ho gaya tha. pahley din me usame nahaney ghusa to sandeep daudkar aaya aur sab kapdey saabun apni jagah pe rakh diya. aur jab tak me nahaya wo baahar khada raha. me toliya lapete jab nikala to chor najro se mujhe dekh raha tha.
lekin dusrey din to maamla hi gajab tha. me jese hi bathroom me andar gaya usane bathroom ka light on kar diya. mujhe thoda ajeeb laga ke wese hi ujala kaafi he fir kyu. lekin baat tab samjh me aayi jab drwaja band karke me nahane laga to laga jese us chhed se koi mujhe dekh raha he. me thoda chaukkanna ho gaya . ek taraf hokar us chhed ko dekha to samjh aaaya wo koi aur nahi sandeep tha.
mera shak yakeen me badal chuka tha. ek 13 saal ka maasum bachcha apni bhaavnao se ladane ki kosis kar raha tha. me baahar nikala to chehrey pe thodi rukhaai lekar wo chupchaap ek taraf khada jse samjh gaya tha ki mene usaki chhori pakad li he.
kuch der baad mera gussa ud gaya tha mujhe yaad aaya kabhi me bhi to esi haalat se gujar chuka hu. bas antar itana tha ki sandeep ke man me ye bhaavnaye shayad kuch jaldi aane lagi thi ya shayad mere andar ye sab kuch kafi late hue tha. sandeep ke manodasha wesi hi thi jesi kabhi meri hui thi . me sandeep ke lokar chintit tha. wo itana chhota tha ki me use kuch samjh bhi nahi sakta tha. mene soch liya tha jab tak wo limit cross nahi karta me is maamley me usase koi baat nahi karunga.
purey din sandeep najar nahi aaya. shaam ko aaya to behad khamosh tha. mene usako paas bethya aur pyar se usaki peeth pe hath feratey hue puchha,
" kaha tha dinbhar dikha nahi aaj ..........."
usaka udas chehra 2 minute me khusi se jagmaganey laga . usane ek saans me puey din kya kya kiya sab bata daala. main jab bhi usake sar pe hath rakhata ya usaki peeth thapthapata to usake rogatey khadey ho jaatey. chehra damakaney lagta tha. aaj sandeep us sthiti me tha jaha meri jagah koi dusra hota to shayad sandeep ka use karne ki kosis karta aur ese kai kissey hotey bhi roj is duniya. jab ko jawaan hota bachcha apne aapko samjhane ki kosis kar raha hota he tab koi usake jism ko nochkar usaki komal bhavnao ko masal deta he.
lekin mere liye sandeep bahut khaas tha wo isliye nahi ki use mujhse pyar jesa kuch ho gaya tha balki is liye ke achcha tha ki usaki ye feeling mere liye thi me use auro ki tarah use nahi karne wala tha me usake sath bethkar usako khud se ladane aur khud ko jananey ki himmat dena chahta tha.
usane mujhe kam se kam 10-20 baar mere ghar ka pata puchha tha . jese ki................
kon si gali me makaan he ?
kese aur kaha se bus milegi ?
me sab samjh raha tha lekin me use darakar ya use daantkar usake komal man ko chhot nahi dena chahta tha. sandeep me kahi se kahi tak koi buraai nahi thi achchey ghar ka padane likhane wala pyara sa bachcha tha.
shaam ko ghar me badi raunak tthi naach gana ho raha tha. sandeep maa se ladkar naye waaley kadpey nikalwakar pahan ke aaya tha. ye baat mujhe khud usane batayi. wo puri kosis karta tha mujhe impress karne ki ye dikhaney ki wo ab koi bachcha nahi he wo sab samjhata he aur use meri parwaah he. aur wo isharo me kahna chahta tha ki me aapko bahut like karta hoon.
sandeep ka bholapan aur uska mujhe paaney ki kosis me laga hua har effort mujhe thoda uncomfirtable jarur karta tha lekin me usake prem ka pura samman karta tha.
aap kisi se prem karo na karo lekin usake prem ka pura samman karo. yahi jeevan muly he.
aakhir hotey hotey shaadi ka din aa hi gaya. pura ghar roshani se sarobaar tha. baaratiyo ki aav bhagat aur shaadi ki rashmey ho rahi thi. sandeep aur abhishek mere sath kadam se kadam mila ke kaam kar rahey they un dono ne sach me ye ahsaas nahi hone diya he ki wo abhi chhotey he. jab sab aaram se nipat gaya. to abhishek kamar pakad ke let gaya dard se me bhi nidhaal hokar ek kursi pe betha tha. aur sandeep puri tarah tankar khada tha esa nahi he kee use thakawat nahi ho rahi thi lekin wo mere saamaney ye dikhana nahi chahta tha ki wo thak gaya.
kuch der baad wo bola ,
" bhaiya sab kaam ho gaya me jaau . ........?"
mene ghadi dekhi raat ke 2 baj gaye they . mene use pyar se kaha,
" ab itani raat ko ghar jaakar kya karega . aaja yahi mere paas so ja charpaai par. wo bahut khus hua. wo mere bagal me aakar let gaya. meri to thodi mer me gahri neend nagyi lekin wo shayad saari raat dhang se nahi so paya ek to mere itana najdeek hone ki khusi aur agley din mere jaane ka gam. wo shayad mere chehrey ko apni aankho me utar lena chahta tha. subah utha to dekha sandeep kee aankhey laal ho rahi thi. mene puchha,
" raat ko theek se soya nahi kya. aankhey kesi sooj rahi he ."
usane taalatey hue kaha,
" nahi bhaiya wo raat me khana parosa tha na baratiyo ko to hath me lagi mirchi aankh me chali gayi hogi. "
itana kahkar wo ghar chala gaya. mere jaaney ka wakt ho raha tha fataafat nahakar mene naasta kiya. kapdey pahne aur bag uthaya. abhishek mere sath nukkad tak aaya wahi se rikshaw mil jaat they. sandeep darwaajey pe hi khada tha. chehra utara hua tha . aankhe udas thi aur hontho pe jhoothi hasi liye hue . usane bas itana kaha,
" aap chal diye bhaiya .........?"
mene usaki aankho ka dard dekha. ek 13 saal ka pyara sa ladka apni bhaavnao ke tufaan ke girta padta hua khud ko sambhaal raha tha. wo thoda bahka tha us din bathroom wali ghatana ke wakt lekin fir sambhal gaya tha . wo sach me bada ho raha tha aur samjhdaar bhi . me jaanata tha me uska shayad pahla pyar tha aur use pyar ka pahla gam dekar jaa raha tha.
mene muskuraatey hue kaha,
" ha ja raha hu. tum achchey se padaai karna theek he ..."
usane haa me sar hila diya. me sandeep ke baarey me sochatey hue ghar wapas aa gaya. kareeb 10 din baad bua ka phone aaya tha abhishek se bhi baat hui aur sandeep se bhi usane baat karwayi , sandeep ne sirf iatana kaha,
" bhaiya namastey ........."
aaj sach me meri aankhey dabdabaa gayi. pyar ke bhanwar me sandeep ko itani majbooti se khud ko sambhalatey dekh me usake liye khus bhi tha.
10 saal baad aaj sandeep rajsthan police me sub inspector he. ab usake dil me kon he kon nahi me nahi janata. na fir kabhi mulaakat hu na baat hui. lekin sandeep ke hausale se mene bahut kuch sikha aur ye kahani un logo ko bhi ye bataney ke liye likh raha hu jinaka wasta kabhi na kabhi sandeep jese pyarey bachcho se hota he. ese wakt me unhe emotinal support de . unahey sambhalaney ka mauka de.