My Birthday Present To You (13)

Natural, pumayag si Han Ruchu pero nang pindutin ni Qiao Anxia ang play button ng recording pen, hindi kanta ang nag'play kundi ang recording na inedit niya.

Umarte si Qiao Anxia na kunwari ay bigla siyang kinabahan at pinatay niya ang recording pen. Pero dahil may narinig ng ilang parte si Han Ruchu, nakiusap itong tapusin na ang recording.

Nagpanggap siyang mukhang kinakabahan habang nakaupo sa tabi ni Han Ruchu. Pagkatapos mag'play ng recording pen, maingat niyang sinabi rito, "Aunt Xu, kahit anong manyari, wag na wag niyo pong ipapaalam kina Jiamu at Qiao Qiao na alam mo na ang tungkol sa pagmamahalan nila. Sinabi kasi nila sa akin na isikreto lang ito."

-

Habang iniisip niya ang lahat ng nangyari, ibinaba niya ang bote ng RIO na kanyang hawak.

Walang sinuman ang maaring makapigil sa isang arranged marriage na matagal ng napagplanuhan dahil kasal lang ang pinaka mainam na paraan para pagisahin ang dalawang pamilya. Para protektahan ang kanyang sarili, ang pwede niya lang gawin ay ang agawin kay Qiao Anhao ang panghabang buhay nitong kaligayahan.

Alam niya na ang pinakamamahal na anak ni Han Ruchu ang nagsisilbing buong buhay nito kaya sinadya niya talagang malaman ito nito para maniwala ito na mahal talaga ni Xu Jiamu si Qiao Anhao.

Matapos ang halos dalawang linggo, aksidente niyang narinig na naguusap ang sarili niyang mga magulang at nalaman niya na ang gustong maging daughter-in law ni Han Ruchu ay walang iba kundi si Qiao Anhao.

Ganon lang kadali at natupad ang kanyang hiling.

Pero simula rin noong natupad ang kanyang kahilingan, yun din ang naging simula ng pagbagabag sakanya ng kanyang konsensya. Madalas niyang napapanaginipan ang mga mata ni Qiao Anhao na punong-puno ng galit, kung paano makakabawi sa kanyang mga pagkakamali, at kung paano luluwag ang kanyang damdamin. Simula noon, ginawa niya ang lahat para maging mabait kay Qiao Anhao kaya pagkatapos niyang malaman noong isang araw na may namamagitan kina Qiao Anhao at Lu Jinnian habang kasal ito kay Xu Jiamu, tahimik niyang iniwan ang recording pen, na lagi niyang dala, sa sasakyan ni Lu Jinnian.

Simple lang ang rason kung bakit niya ito nagawa. Ito ay para malaman ni Lu Jinnian na talagang nagmamahalan sina Qiao Anhao at Xu Jiamu at kailangan niyang isuko si Qiao Anhao kahit gaano niya pa ito kamahal.

Hindi na kayang makita ni Qiao Anxia na pinagtataksilan nina Qiao Anho at Lu Jinnian si Xu Jiamu. Pag dumating ang araw na lumabas ito, ang tanging taong magmumukhang masama at sisisihin ng lahat ay walang iba kundi si Qiao Anhao!

Limang taon na ang nakakalipas mula noong gumawa si Qiao Anxia ng isang napaka samang bagay. Nagkamali na siya ng isang beses kay Qiao Anhao.

Ngayon, kailangan niyang gawin ang lahat para protektahan ito at huwag ng hayaang maghirap ito muli.

-

Nakatayo si Qiao Anhao sa tapat ng pintuan ng study room habang hawak ang susi sa isa niyang kamay at ang kulay asul na gift box naman sa isa. Huminga siya ng malalim.

Marami na siyang nabigyan ng regalo noon, pero ito ang pinaka nakakakaba sa lahat!

Itinaas ni Qiao Anhao ang kanyang kamay para kumtok pero hindi na siya naghintay pa ng sagot ni Lu Jinnian at binuksan na ang pintuan gamit ang susing hawak niya. Inikot niya ang handle at dahan-dahang binuksan ang pintuan.

Sinalubong siya ng amoy na nanggaling sa sigarilyo ni Lu Jinnian. Napaubo siya dahil sa usok. Buti nalang, natakpan niya kaagad ang kanyang bibig. Ipinasok niya ang kanyang ulo para sumilip. Naluluha ang kanyang mga mata habang tinitignan ang paligid hanggang sa nakita niya si Lu Jinnian na nakatalikod sa pintuan habang nakadungaw sa bintana.

Sobrang diretso ang tindig nito at nagkalat ang mga upos ng sigarilyo na may iba't-ibang laki. Gaano na ba ito katagal na nagsisigarilyo at sobrang dami naman ata nitong naibos?

Napakunot si Qiao Anhao ng kanyang mga kilay ,nagipon muna siya ng lakas ng loob bago siya pumasok ng kwarto. Maingat niyang isinarado ang pintuan at dahan-dahang naglakad papunta kay Lu Jinnian.