Do You Know Who He Likes? (18)

"Oh…." Walang pagdududang sagot ni Qiao Anxia bago ibigay ang card sa staff.

Hindi na rin sila nagtagal sa shop at umalis na rin kaagad pagkatapos maipabalot ni Qiao Anhao ang dalawang regalo.

Noong nagbanggit si Qiao Anhao ng tungkol sa filming crew nito, biglang naalala ni Qiao Anxia na biglang nagsilabasan ang mga rumors tungkol kay Lin Shiyi pagktapos na pagkatapos ng araw na muntik ng mapahamak ang kanyang pinsan.

Hindi naman masyadong iniisip ni Qiao Anxia dati ang mga tungkol dito pero matapos ang gabing nakita niya na halos mabaliw na si Lu Jinnian para kay Qiao Anhao, bigla niyang naintindihan kung bakit kinagalitan si Lin Shiyi ng lahat noong sumunod na raw at siguradong si Lu Jinnian ang may gawa ng lahat ng yun.

Akala ni Qiao Anxia ay nakuntento na si Lu Jinnian sa mga ginawa nito pero noong umattend siya sa isang dinner ay marami siyang nakitang directors ng Huan Ying Entertainment. Pinagusapan ng mga ito si Producer Sun at kinumpirma na pinilit ni Lu Jinnian na magwithdraw si Producer Sun ng mga funds nito at umalis na sa crew.

Umabot na ang pagmamahal ni Lu Jinnian para kay Qiao Anhao sa punta na wala na siyang pakielam kahit magkano man ang mawala sakanya.

"Sis, kamusta ang dress na 'to?"

Nagulat si Qiao Anxia sa biglang pagtatanong ni Qiao Anhao kaya agad siyang nahimasmasan mula sa kanyang malalim na pagiisip. Tumingin siya sa kanyang pinsan na nakatayo sa isang full length mirror, ang mga kamay nito ay nakahawak sa kulay pink na mini dress habang naka'tilt ang ulo na naghihintay kung anong palagay niya.

Sakto kay Qiao Anhao ang sinag na nanggagaling sa lamp kaya lalo pang nangibabaw ang flawless at mala-kulay gatas nitong balat. Wala rin itong kahit anong makeup pero sobrang kinis pa rin ng balat nito. Ang mga makakapal nitong pilikmata ay bagay na bagay sa mga mata nito at ang mga mapuputi nitong ngipin ay lalo pang nangibabaw sa mapula nitong mga labi. Wala talagang duda na maganda si Qiao Anhao.

Matapos mamatay ng mga magulang ni Qiao Anhao, nakitira na ito sa bahay nina Qiao Anxia. All these years, ibinibigay ni Qiao Anhao ang anumang hinihiling ng kanyang pinsan at lagi rin itong maasahan. Kahit kailan hindi nainggit si Qiao Anxia kay Qiao Anhao kahit naman na alam niyang mas maganda ito sakanya.

Alam niya sa sarili niya na kahit kailan ay hindi siya malalamangan ni Qiao Anhao dahil para sakanya, si Qiao Anhao ay isa lamang ulila samantalang siya ay ang panganay na babaeng anak ng may-ari ng Qiao Enterprise, ang apple of the eyes ng kanyang mga magulang at higit sa lahat, ang future owner ng Qiao Enterprise.

Pero ngayon habang tinitignan ni Qiao Anxia si Qiao Anhao, labis siyang namamangha rito.

Ngayon niya lang narealize na sobrang nakakamangha pala talaga ni Qiao Anhao, sa puntong parang may bigla nalang tumusok sa kanyang puso. Ito ba ang dahilan kung bakit ito nagustuhan ni Lu Jinnian? Dahil sa itsura nito?

Tumingin si Qiao Anhao kay Qiao Anxia na kasalukuyang nakatitig lang sakanya. Biglang nagbago ang itsura niya at habang nakanguso ang makakapal niyang labi ay tinawag niya ito, "Sis? Sis?

Biglang nahimasmasan si Qiao Anxia at narealize niiya na napatitig na pala siya. Yumuko muna siya bago muling tumingin sakanyang pinsan na kanyang pinuri. "It's pretty. Do you like it? Kukunin ko yan para sayo."

Muling tumingin si Qiao Anhao sa salamin para tignang mabuti ang sarili nito ay umiling. "Forget it, maglakad-lakad nalang tayo.

Halos isang na silang naglalakad pero wala pa ring mapili si Qiao Anhao na kahit ano. Bandang huli, naisip nila na pumasok nalang sa isang coffee shop para makapagpahinga.

Simula noong nalaman ni Qiao Anhao ang tungkol sa birthday ni Lu Jinnian, sikreto na siyang nagpaplano kung paano ito icecelebrate. Pagkapasok nila ng coffee shop ni Qiao Anxia, nakakita siya ng isang pink wall na puno ng mga kulay purple na lobo. Nagandahan siya rito at naisip niya na gusto niya ring idecorate ang Mian Xiu Garden para sorpresahin si Lu Jinnian.