Tamayo's Residence 7

~Umaga~

"Sigurado ka bang kaya natin 'to, Dal?"

"Kaya natin yan! Magka kasama naman tayo, e."

"Walang iwanan?"

"Walang iwanan. Kaya… maghanap na tayo ng Boogeyman!"

"Akala ko ba Trolls hahanapin natin?"

"Trolls? Sabi sakin ni Kim mga Tokoloshe raw hahanapin natin."

"Bahala na kung ano makita natin! Ang mahalaga ay mapatunayan natin sa ibang mga salamangkero't mangkukulam na malalakas tayo!"

"Kailangan ba talaga nating patunayan ang ating mga sarili?"

"Oo nga. Hindi naman natin kailangang patunayan ang ating mga sarili sa iba. Basta ang mahalaga ay tanggap natin ang bawat isa."

"Tama si Sephie. Kaya bumalik na tayo sa Thaumaturgy Town bago pa may mangyaring masama."

"Tanggap naman natin ang isa't isa diba? Bumalik na tayo. Wala naman tayong kailangang patunayan pa sa isa't isa."

"Patawarin ninyo ako Lina pero… sang ayon ako kay Jackie."

"Pati ba naman ikaw Aya?"

"Hindi porket kilala kayo sa eskwelahan natin ay hahayaan niyo na lang kami na maliitin ng iba!"

"Dal…"

"K-kailangan na nating umalis…"

"Dal, sumama na kayo samin!"

"At bakit naman kami sasama sainyo?!"

"Lich! Sa likuran ninyo!"

"Ugh! Dal! Tulong! Lina! Zara!"

"Kailangan natin siyang tulungan!"

"Patawad…"

"Dal!"

"Anda! Bea! Jackie! Tulungan natin siya!"

"Pero ung Lich!"

"Tulong!"

"Aaahh!"

Biglang sigaw ni Yvonne pagka gising na pagka gising pa lamang niya habang nakatayo na ito sakaniyang kama, pawis na pawis, namumutla at hinahabol ang kaniyang hininga.

"Yvonne! Okay ka lang ba?"

Nag-aalalang tanong ni Justin kay Yvonne na nakatayo na sa tabi ng dalaga. Mabilis na nilingon ng dalaga ang dwende at saka tinignan ito.

"Panaginip… Dark… Forest… Mama Beatrice… Madam Hong… Dalis…"

Hindi maayos na sagot ni Yvonne sa tanong sakaniya ni Justin habang nakatingin pa rin ito sa dwende na nakatayo sakaniyang tabi. Agad na nilapitan ng dwende ang kamay ng dalaga at saka hinimas ito upang pakalmahin ito.

"Anong nangyari, Jah?"

Nag-aalalang tanong ni Josh kay Justin habang tumatakbo na ito patungo sa kama ng dalaga kasama sina Paolo, Vester at Felip.

"Nagkaroon ng masamang panaginip si Yvonne tapos binanggit niya ung 'Dark Forest', si Mama Beatrice, Madam Hongganda at Madam Dalis."

Sagot ni Justin sa tanong sakaniya ni Josh habang hinihimas pa rin nito ang kamay ni Yvonne. Nang makarating na sa tabi ng dalaga ang nakatatandang dwende ay agad itong tumalon sa balikat ng dalaga at saka hinaplos ang buhok nito.

"Kumalma ka na. Andito na kami. Wag ka nang matakot. Andito na kami."

Pagpapakalma ni Josh kay Yvonne habang nakatayo ito sa balikat ng dalaga at patuloy pa rin sa paghaplos ng buhok ng dalaga. Ilang saglit pa ay normal nang muli ang paghinga ng dalaga at saka pinunasan na nito ang kaniyang pawis.

"Okay ka na?"

Nag-aalalang tanong ni Vester kay Yvonne habang nakatayo ito sa tabi ni Justin. Dahan-dahang tinignan ng dalaga ang pangalawa sa nakatatandang dwende at saka nginitian ito.

"Okay na ako, kuya Vester."

Nakangiting sagot ni Yvonne sa tanong sakaniya ni Vester. Nagpakawala ng malalim na hininga si Paolo na nakatayo sa tabi ng pangalawa sa nakatatandang dwende bilang senyales ng kaniyang kaginhawaan.

"Ano ung napanaginipan mo, Bon?"

Tanong ni Felip kay Yvonne habang nakaupo na ito sa tabi ni Paolo at nakatingin sa dalaga. Napaiwas ng tingin ang dalaga sakaniyang mga matatalik na kaibigang dwende at saka napabuntong hininga.

"Merong siyam na magkakaibigang babae ang pumunta sa Dark Forest para pumatay ng isang masamang nilalang. Nagtatalo pa sila kung anong nilalang ung pag tutulungan nilang patayin. Tapos ung apat sakanila… kontra dun sa gusto nung apat, tapos ung isang natitirang hindi pa namimili ay pinili na ung side nung apat na kontra. Tas maya-maya pa… habang naglalakad na papalayo ung apat na gustong pumatay ng isang masamang nilalang…"

Kwento ni Yvonne, ngunit hindi niya natapos dahil mayroon siyang biglang naalala. Agad na nagtinginan ang apat na dwende na nasa tabi ng dalaga, samantalang si Josh nama'y tinignan lamang ang dalaga mula sa balikat nito.

"Naaalala niyo pa ung laging kinekwento satin ni Mama Beatrice na story ng siyam na magkakaibigang babae?"

Tanong ni Yvonne sa limang dwende na kaniyang kasama ngayon sakaniyang kwarto habang nanlalaki ang kaniyang mga mata.

"Sa tingin mo ba…?"

Tanong ni Josh kay Yvonne habang nakatayo pa rin ito sa balikat ng dalaga habang nakatingin na sa apat na nakababatang dwende na nasa tabi ng dalaga.

"Oo. Sa tingin ko magka connect un."

Sagot ni Yvonne sa tanong ni Josh sakaniya habang tumatango. Tumalon na pababa ang nakatatandang dwende pababa sa tabi ng apat na nakababatang dwende at saka tinignan na ang dalaga.

"Anong plano?"

Tanong ni Paolo kay Yvonne habang seryosong tinitignan ang dalaga. Napa nguso ang dalaga sa harapan ng limang dwende habang nag-iisip ng malalim.

"Dapat walang ibang makaalam nito. I-promise niyo sakin na hindi niyo ikekwento sa iba 'tong pinag-usapan natin ngayon."

Sabi ni Yvonne sa limang dwende sabay tinignan ang mga ito ng seryoso. Nagtinginan ang mga dwende sa isa't isa, ibinalik nang muli ang kanilang tingin sa dalaga at saka tumango bilang tugon rito.

"Pangako."

"Promise~"

"Promise!"

"Makakaasa ka samin!"

"Zipped~!"

Sabi ni Justin kay Yvonne sabay sara ng kaniyang bibig na tila ba'y isa itong zipper at saka nginitian na ang dalaga. Nginitian pabalik ng dalaga ang limang dwende at saka dahan-dahan nang umurong patungo sa pinakang gilid na bahagi ng kaniyang kama upang maka bangon na ito.

"Sino sasama sakin ngayong araw?"

Nakangiting tanong ni Yvonne sa limang dwende habang nakatayo na ito sa tabi ng kaniyang kama. Sabik na itinaas ni Vester ang kaniyang kamay habang nakangiti ito sa dalaga.

"Ako~!"

Sabik na sagot ni Vester sa tanong sakanila ni Yvonne habang patuloy pa rin sa pag taas ng kaniyang kamay. Natuwa ang dalaga at saka tumango bilang tugon sa pangalawa sa nakatatandang dwende.

"Ayos!"

Masayang sabi ni Vester sabay talon nito sa kama ng dalaga. Nginitian lamang ng dalaga ang mga dwende at nagtungo na sakaniyang aparador upang mamili na ng kaniyang susuotin.

"Alam mo naman na ung gagawin mo Vester, noh?"

Tanong ni Josh kay Vester habang kaharap na nito ang pangalawa sa nakatatandang dwende, samantalang ang tatlong nakababatang dwende nama'y naglalakad na patungo sa bintana ng kwarto ng dalaga. Ilang saglit pa ay nakarinig bigla ang anim ng katok mula sa pintuan ng kwarto ng dalaga at agad na napahinto ang anim sakanilang mga ginagawa at saka tinignan na ang isa't isa.

"Sino naman kaya ang kakatok sa kwarto mo?"

"Hindi ko alam. Si Mama Beatrice lang ung laging pumupunta dito sa kwarto ko."

"Hindi kaya multo ni Mama Beatrice ung kumakatok?"

Takot na tanong ni Felip sa lima habang nakatago na ito sa likuran ni Paolo.

"Mag tigil ka nga dyan, Felip."

"Ate?"