Sky Sacred Qin Palace (1)

"Mayroon na lang tayong dalawa o tatlong buwan bago natin marating ang Sky Qin Sacred Palace…" Bulong ni Zhao Feng.

Habang papalapit na siya sa kanyang destinasyon, lalo siyang hindi mapakali at lalo siyang nawawalan ng pasensya. Ang imahe ng isang tahimik na anyo na mukhang kinuha pa mula sa isang pinintang larawan ang siyang sumilay sa kanyang isipan. Nakadamit siya ng puti at tila ba nakanguso ito habang nakangiti sa kanya.

"Pitong taon na pala…." Huminga nang malalim si Zhao Feng at nagpakita siya ng mga kakaibang senyas ng pangamba.

Pitong taon ang nakalilipas, 17 anyos lamang siya nang sumali siya sa Sacred True Dragon Gathering.

Lumipas na ang oras, at maraming bagay na ang nangyari sa loob ng pitong taon.

Bukod pa sa kung nabuhay ba si Liu Qinxin o hindi, maraming pang bagay ang nangyari sa pitong taon. Kahit na buhay pa siya, maalala niya pa kaya ang pangako nila dati sa isa't isa? Ngayon nasa ibang lugar na siya kung saan wala siyang kakilala…. Kasal na kaya siya?

Pitong taon. Kung hindi namatay si Liu Qinxin, hindi niya na maisip pa kung ano ang nangyari sa kanya.

Hu~~

Nagpakawala ng hininga si Zhao Feng sa at saka kumalma. Kailangan niya ng sagot kung buhay pa ba si Liu Qinxin o hindi. Hindi lamang ito hiling niya, kundi ng Flooding Lake City Lord rin.

Sa walang hanggang karagatan, pinanatili ng ghost ship ang bilis nito sa ere.

Dahil napakahina ng Yuan Qi sa walang hanggang karagatan, ang presyur sa Heaven at Earth ay napakaliit, nangangahulugang ang bilis ng isang tao ay sampung beses na mas mabilis kaysa sa inland.

Sa kabila nito, nangangailangan pa ng halos dalawa o tatlong buwan ang ghost ship bago nito marating ang island zone kung saan naroroon ang Sky Sacred Qin Palace.

Sa loob ng barko, sina Zhao Feng at ang mga kasama niya ay nagsimula nang ayusin ang kanilang mga pabuya.

Si Zhao Feng pa lang mag-isa ay agad nang naubos ang kayamanan sa kalahati. Mula sa mga biktima, ang Sky Star Demonic Lord ang pinakamayaman. Mayroon siyang pito o walong Peak-Tier Earth-Grade Weapons at marami rin siyang inheritance treasures.

"Seven Star Soul Forming Grass… ten-thousand-year-old Wood Ginseng… Cloud Abyss True Fruit…"

Napag-alaman ni Zhao Feng na marami sa mga aytems na ito ay makatutulong sa kanya. Ang Seven Star Soul Forming Grass ay kayang pabilisin ang ebolusyon ng kanyang kaluluwa ganoon rin ang paghilom nito.

"Hindi nakapagtataka kung bakit ayaw sumuko ng Sky Star Demonic Lord…" Isang ngiti ang gumuhit sa mukha ni Zhao Feng.

Bilang pinakamatandang King sa Red Dragon Island Zone at ang numero unong eksperto ng Demonic Dao, hindi na mahirap mahulaan na ang Sky Star Demonic Lord ay gagamit ng mga aytems na ito para makaabot sa Peak-Tier King at gumawa ng pundasyon para maging Void God Realm Emperor.

Ang ten-thousand-year-old Wood Ginseng at ang Cloud Abyss True Fruit ay parehong kayang pataasin ang kanyang True Yuan at cultivation. Kahit na ang pangunahing punto ng Void God Realm ay upang magbago ang kaluluwa, napapalaki rin nito ang Crystal Core. Bukod pa roon, ang mga normal na spatial domains ay gumagamit ng True Yuan dimension bilang source of power.

Kakaabot lamang ni Zhao Feng ng Void God Realm, at ang True Yuan sa kanyang Crystal Core ay kasinglaki na ng lawa. Subalit, ito lamang ang simula. Kapag ang cultivation ng isang tao ay umabot na sa Peak Void God Realm, ang kanilang True Yuan dimension ay magiging isang karagatan.

Ang Sky Star Demonic Lord ay may Blood Demon King Pearl sa kanya, na siyang nakakatulog upang makapagcultivate siya ng body-strengthening techniques ng Demonic Dao. Ang batang Demigod ay nagmakaawa para sa perlas na ito, at hindi rin nakakapagcultivtate si Zhao Feng sa Demonic Dao, kung kaya wala talaga siyang paki.

Sa sumunod na dalawa o tatlong buwan, ang apat ay nagsimula nang kainin ang kanilang mga ninakaw na kayamanan at pataasin ang kanilang lakas.

Subalit, kakaunti lamang ang bilang ng mga kayamanan na makatutulong kay Zhao Feng.

Una munang ginamit ni Zhao Feng ang ten-thousand-year old Wood Ginseng, ang Seven Star Soul Forming Grass, at ang Cloud Sky True Fruit. Ang mga ito ay mga resources na kayang bumuo ng matibay na pundasyon para sa Sky Star Demonic Lord para makaabot ng Emperor.

Nakagamit lamang si Zhao Feng ng isa at kalahating buwan para tunawin ang tatlong top treasures na ito. Matatantsang gumamit siya ng kalahating buwan para tunawin ang bawat isa.

Ang Seven Star Soul Forming Grass ang siyang nagpalipon nang bahagya sa kaluluwa ni Zhao Feng, pero kahit ang kakarampot ay mahirap pa para kay Zhao Feng sa puntong ito. Pagkatapos ng lahat, ang kanyang kaluluwa ay patuloy na napapalakas ng God Tribulation Lightning, Ten Thousand Divine Thoughts Technique, at ng Ancient Dream Realm aura.

Ang kanyang soul-strength rin ay hindi nalalayo sa isang Emperor mula simula, at pagkatapos gumamit ng Seven Star Soul Forming Grass, ang kanyang kaluluwa ay katulad na sa isang Emperor.

Ang ten-thousand-year-old Wood Ginseng at ang Cloud Abyss True Fruit ay talagang pinalaki ang kanyang True Yuan dimension. Kung hindi dahil sa katotohanang kakaabot lamang ni Zhao Feng sa Void God Realm, nakaabot na siguro siya sa panggitnang yugto ng Void God Realm sa loob ng ilang buwan, pero dahil hindi matibay ang kanyang pundasyon, hindi niya magamit ang dalawang kayamanan na ito para makapagpataas ng antas.

Kahit na hindi pa tumaas ang kanyang antas, pagkatapos niyang gumamit ng ten-thousand-year-old Wood Ginseng at ng Cloud Abyss True Fruit, ang kanyang pundasyon ay hindi na hihina pa sa mga mas nakatatandang Void God Realm cultivators na nasa maagang yugto pa.

"Mayroon pa akong mga Spiritual Fruits sa Ancient Dream Realm, kung kaya may tsansa akong makaabot sa panggitnang yugto ng Void God Realm sa loob ng kalahating taon."

Hindi naman nag-aalala si Zhao Feng. Ang pinakamahalagang layunin ay ituon ang kanyang atensyon sa God Tribulation Lightning at palakasin ang kanyang tunay na lakas, at tanging sa pamamagitan lamang ng mga battle techniques bibilis ang kanyang paglakas sa loob ng maiksing oras.

Sa ngayon, mayroong ilang daang bahagi ng God Tribulation Lightning si Zhao Feng. Kahit na mga bahagi lamang ito, ang kabuuang bilang nito na isang daan ay hindi dapat maliitin.

Ang mga soul techniques ni Zhao Feng ay may elemento ng God Tribulation Lightning, at kahit ang kanyang Scarlet Destruction Wind Lightning ay may mapusyaw na simbolo ng God Tribulation Lightning. Ngayong nakaukit na ang God Tribulation Lightning sa kanyang kaluluwa, mas madali na itong maunawaan kaysa dati.

Isang iskarlet na ginintuang kulay ang biglang nagpakita sa Scarlet Destruction Wind Lightning ni Zhao Feng. Ang kanyang Wind Lightning Inheritance ay hindi na umaabante sa purong ginto. Ang iskarlet na gintong Wind Lightning ay maaaring ang pinakamataas na lebel ng Wind Lightning Inheritance.

Dati, ang Wind Lightning Inheritance ng Wind Lightning Emperor ay kayang maabot ang maitim na ginto – ang limit ng ginintuang Wind Lightning. Pero nalagpasan na ni Zhao Feng ang Wind Lightning Inheritance dahil sa sa Ancient Dream Realm aura. Kaya na niyang pantayin ang sagupaan sa pagitan ng Fire at Lightning, at dahil dito kung bakit nailagay ni Zhao Feng sa ibang lebel ang Scarlet Destruction Wind Lightning.

"Kapag nakumpleto ko na ang Scarlet-Gold Destruction Wind Lightning, ang kapangyarihan nito ay lalagpasan na ang Golden Destruction Wind Lightning ng Wind Lightning Emperor," pagkumpirma ni Zhao Feng sa kanyang daan.

Ang pangunahing pinagkakaiba niya at ng Wind Lightning Emperor ay ang cultivation. Kung may cultivation sana si Zhao Feng na kagaya ng Wind Lightning Emperor, hindi niya kailangang matakot sa Emperor of Death.

Sa loob ng ghost ship, matapos makatanggap ng malaking bilang ng mga resources, ang batang Demigod, at ang munting pusang magnanakaw, at ang Skeletal Division Leader ay umaangat ang lakas nang tuloy-tuloy.

Tanging kaunting bilang lamang ng mga best resources sa two-star battefield ang makakatulong kay Zhao Feng at sa batang Demigod sa puntong iyon. Ang mga mid hanggang high-tier resources ay kadalasang naibibigay na lamang sa Skeletal Division Leader upang mapalakas ang kanyang Ghost Corpse Cursed Array.

Karamihan sa mga cursed ghost-corpses ay nasa Great Origin Core Realm na.

Pumapasok si Zhao Feng palagi sa Ancient Dream Realm at pinapatay niya ang ilang mga malalaking hayop at gagamitin ang kanilang laman para kainin ang ghost-corpses. Ang potensyal ng mga ghost-corpses na ito ay agad na tumaas nang makuha nila ang Ten Thousand Withering Ghost Bone Race Bloodline at ang laman-laman ng Ancient Dream Realm.

Nahulaan ni Zhao Feng na ang kasalukuyang limit ng kanyang ghost corpses ay nasa Half-Step King level, at kung kaya nga nilang pumatay ng mga tunay na Kings, mayroong maliit na tsansa na maging King rin sila.

Kung babalikan sa Heaven's Legacy City, ang Ancient Race bloodline ay agad na naramdaman ni Zhao Feng at ng mga ghost-corpses, kung kaya higit na napaliit ang presyong binayaran nila para mapalakas ang kanilang mga bloodlines. Nagsususpetsa nga siya na may kinalaman ito sa Ancient Dream Realm.

Mabilis na lumipas ang oras, ang ghost ship ay dumaan na sa mga island zones. Lalo lamang silang napapalapit sa Sky Sacred Qin Palace.

"Mayroon pa akong isang buwan na natitira…." Biglang binuksan ni Zhao Feng ang kanyang mga mata isang araw.

Nakaabot na ang Skeletal Division Leader sa Peak Great Origin Core Realm, at hindi na ito malayo sa Half-Step King level. Ang pagbabago sa aura ay agad na nahuli ni Zhao Feng at ng batang Demigod, pero wala naman talaga silang pakialam kung kaya muli na naman silang nagcultivate.

Sinubukan ni Zhao Feng na pataasin ang kanyang lakas sa kahit anong paran na pwede. Ganoon rin ang batang Demigod, at natutunan niya na rin ang iba-ibang techniques na mayroon siya sa nakaraan niyang buhay para mabawi niya ang kanyang lakas.

Sa nakaraang isang buwan, nakatuon lamang si Zhao Feng sa pag-aayos ng Wind Lightning Domain niya at sa pag-unawa ng Lightning Wings Spatial Flash.

Nagsimula na ring maunawaan niya ang Lightning Wings Spatial Flash, at ang kanyang bilis ay humigit na. May plano na rin si Zhao Feng kung paano niya aayusin ang Wind Lightning Domain pagbalik sa Pirate Sacred Land, pero ang kanyang Mystic Ice Domain ay nabuo dahil sa kanyang bagong bloodline.

Ang Mystic Ice Domain ay isang domain na nagmula sa Mystic Ice Scaled Race Bloodline, at kaya itong mabuo sa loob lamang ng kapiranggot na pag-unawa. Naramdaman ni Zhao Feng na ang sealing effect ng Mystic Ice Domain ay mas mabisa at mas madaling mabuo kumpara sa Wind Lightning Domain.

Ngayong nakaabot na si Zhao Feng ng Void God Realm at ang kanyang True Yuan dimension ay malaki na, wala ng mga limitasyon sa pagbuo ng Wind Lightning Domain.

"Ang dahilan kung bakit hindi ko mabuo ang Wind Lightning Domain sa nakaraan ay dahil sa cultivation ko na wala pa sa Void God Realm," pagkakaunawa ni Zhao Feng at saka niya binuo ang balangkas ng Wind Lightning Domain nang walang hirap.

Kalahating buwan ang nakalipas, nabuo na rin ang Wind Lightning Domain ni Zhao Feng.

Ang Wind Lightning Domain ay nakabase sa Wind Lightning Inheritance, at ginagamit nito ang kanyang True Yuan dimension bilang source. Kung gustong baguhin ni Zhao Feng ang kanyang cultivation sa hinaharap, ang Wind Lightning Domain ay maaaring maglaho.

Weng~~

Libo sa libong lightning bolts ang nagsimulang magpakita sa palibot ng ghost ship, at nakabuo ito ng isang spatial domain na kayang maglubid ng nakasisindak na delubyo.

Inuri ni Zhao Feng ang kanyang spatial domain bilang isang offensive domain. Basta ba nagpadala siya ng isang suntok, ang Wind Lightning Domain ay agad na malilipon at dodoblehin nito ang kanyang kapangyarihan.

Wind Lightning Domain…! Ito ang ikatlong spatial domain ni Zhao Feng, may mga along namuo sa puso ng batang Demigod.

Tama iyan. Nakakumpleto na ngayon si Zhao Feng ng tatlong spatial domains.

Dao of the Soul – Illusion Maze Domain.

Bloodline – Mystic Ice Domain.

Cultivation technique – Wind Lightning Domain.

Hindi niya maisip na ang isang Void God Realm King na nasa maagang yugto ay kayang makabuo ng tatlong spatial domains.

Syempre, ang unang dalawa ay mga domains na nanggaling talaga sa kanya mismo. Tanging ang Wind Lightning Domain lamang ang talagang pinag-iigihang gawin ni Zhao Feng.

"Nagtataka ako kung ano ang magiging epekto ng tatlong domains kapag pinagsama-sama," hindi mapigilan ni Zhao Feng na umasa nang kaunti.

Kalahating buwan ang nakalipas, ang ghost ship ay nakarating na rin ng Gan Sacred Island Zone. Ayon sa mapa, ang Sky Sacred Qin Palace ay nandirito.