Dionisio's Mini Grocery 5

~Umaga~

Habang pinagmamasdan ni Anna si Jervin at ang babae sakaniyang harapan ay mayroong kinuha ang dalaga mula sakaniyang bulsa, mabilis na nilapitan ang babae at ang binata at saka pinainom ang kulay berdeng inumin sa babae.

"Bitawan mo na siya."

Sabi ni Anna kay Jervin sabay layo na nito sa babae. Inalis na ng binata ang pagkakahawak nito sa kwelyo ng damit ng babae at saka unti-unti nang lumalayo sa babae.

"A-anong… pinainom… m-mo… sakin?"

Paputol- putol na tanong ng babae kay Anna pagkalunok ng inuming pinainom sakaniya ng dalaga.

"Shrinking potion."

Sagot ni Anna sa tanong sakaniya ng babae habang pinagmamasdan pa rin ito. Napakunot ng noo ang babae at ilang saglit pa ay nagsimula na itong lumiit.

"Lagi ka bang may dalang ganyan?"

Tanong ni Jervin kay Anna habang nakatingin na sa dalaga. Tumango ang dalaga bilang tugon sa binata habang hindi pa rin inaalis ang tingin nito sa babaeng unti-unti nang lumiliit.

"Kuya Josh! Humarang ka sa kanan ni Jervien!"

Sigaw ni Anna kay Josh sabay turo nito sa bandang kaliwa ng babae. Nanlaki ang mga mata ng dwende at saka dali-daling tumakbo patungo sa puwestong itinuro sakaniya ng dalaga at saka pinanuod lamang ang babae na lumiit habang mayroon nang mga luhang tumulo galing sakaniyang mga mata.

"Ugh…"

"Kuya Josh! Hawakan mo na siya! Dali!"

Sigaw ni Jervin kay Josh habang nakatingin sa babae na ngayon ay kasing laki na ng isang dwende. Natatarantang nilapitan ni Josh ang babae habang umiiyak pa rin at saka hinawakan na ang pulso nito.

"Okay ka lang, kuya Josh?"

Nag-aalalang tanong ni Anna kay Josh nang mapansin nito ang mga luha galing sa mga mata ng dwende. Agad na pinunasan ng dwende ang kaniyang mga luha gamit ang kaniyang isang kamay habang ang isang kamay naman niya'y hawak pa rin ang pulso ng babae at saka tinignan na nito ang dalaga at nginitian ito.

"Sinong hindi okay? Ako okay. Okay na okay pa nga, e. Okay… na… okay…"

Sabi ni Josh habang nakangiti ngunit naiyak nanamang muli at saka napaluhod na sa sahig habang hawak pa rin ang pulso ng babae. Napabuntong hininga ang si Anna at saka dahan-dahan na nitong nilapitan ang dwende at ang babae at saka marahang kinuha ang babae mula sa dwende.

"Ako na magbabantay sakaniya, kuya Josh."

Nakangiting sabi ni Anna kay Josh sabay kuha na sa babae at saka lagay na nito sakaniyang bulsa. Napabuntong hininga na lamang si Jervin at saka nilapitan ang dwende.

"Malalaman din natin kung saan nila tinago si Yvonne."

Sabi ni Jervin kay Josh sabay lapat na ng kaniyang kamay sa harapan ng dwende habang nakangiti. Mabagal na tinignan ng dwende ang binata at nasilayan na nakangiti ito sakaniya, tinignan naman niya ang kamay ng binata at saka sinubukang tumayo ngunit hindi ito makatayo sa sarili niyang mga paa. Mas lalu pang nilapitan ng binata ang dwende at ginamit na ang kaniyang dalawang kamay upang marahang kunin ang dwende mula sa lapag at saka maingat itong inilagay sa bulsa ng kaniyang damit.

"Jervien, tara na."

Sabi ni Anna kay Jervin at saka nagsimula na itong naglakad papalabas ng bodega patungo sa opisina ng kanilang mini grocery. Agad namang sumunod ang binata sa dalaga at saka hinintay ito sa labas ng opisina.

"Jervin."

Tawag ni Josh kay Jervin sabay silip na nito mula sa bulsa ng damit ng binata. Kaagad namang tinignan ng binata ang dwendeng nasa kaniyang bulsa.

"Ano un, Kuya Josh?"

Tanong ni Jervin kay Josh sabay tingin na sa loob ng opisinang pinasukan ni Anna kanina.

"Nakita kong may suot-suot na anklet ung babae bago kami magpunta dito."

Sagot ni Josh sa tanong ni Jervin sakaniya sabay tingin na nito sa binata. Nagdikit bigla ang kilay ng binata at saka seryosong tinignan nito ang dwende.

"Sigurado ka ba?"

Tanong ni Jervin kay Josh habang nakatingin pa rin ito sa dwende. Maya-maya pa ay lumabas na si Anna mula sa opisina ng kanilang mini grocery at saka hinarap na ang binata.

"Nasabihan ko na si Mama at saka natawagan ko na si Hendric. Kitain na lang natin siya sa Thaumaturgy Town."

Sabi ni Anna kay Jervin sabay lakad na patungo sa pintuan ng kanilang bodega, sinara ang pintuan nito at saka mayroong sinambit bago buksan itong muli.

"Tara na, baka nasa panganib na si Yvonne."

Sabi ni Anna kay Jervin nang hindi nito tinitignan ang binata at saka pumasok na sa pintuan. Nagkatinginan ang binata at si Josh at saka tumakbo na patungo sa pintuan ang binata at lumabas na mula sa isa sa mga bahay na naroroon sa Thaumaturgy Town. Nang isinara na ng binata ang pintuan ay kaagad nitong nilingon ang pintuang nilabasan nila ng dalaga.

"Kaninong bahay 'to?"

Tanong ni Jervin kay Anna habang pinagmamasdan nito ang bahay na nasakanilang likuran. Bumuo ng kamao ang mga kamay ng dalaga habang nakayuko ito sa lupa.

"Dating bahay nila Ibon."

"Nasaan daw si Bunso?"

Tanong ni Hendric kila Anna at Jervin nang makarating na ito sa tapat ng dating bahay nila Yvonne. Ilang segundo pa ay biglang sumilip si Josh mula sa bulsa ng binata at saka tinignan ang kaibigan nila.

"Nasa mansion ng mga Balderas."

Sagot ni Josh sa tanong ni Hendric kila Anna at Jervin. Kaagad na tinignan ng tatlo ang dwende sa bulsa ng binata at saka tinignan ang isa't isa.

"Sigurado ka, kuya Josh?"

Nag-aalalang tanong ni Anna kay Josh habang nakatingin na muli ito sa dwende. Tumango naman ang dwende bilang tugon sa dalaga.

"Pano ka nakakasigurado?"

Nag-aalangan na tanong ni Hendric kay Josh habang nakatingin na rin ito sa dwende.

"May suot na anklet ung babaeng pumalit kay Yvonne, tapos may letter 'B' na nakasabit dun. Kung konektado man dito ang mga istoryang laging kinukwento samin ni Mama Beatrice… sigurado ako na nasa poder ng mga Balderas ngayon si Yvonne."

Seryosong sagot ni Josh sa tanong sakaniya ni Hendric habang nakatingin ito sa kaibigan. Napabuntong hininga na lamang ang kaibigan at saka yumuko.

"Kilala ko kung sino ang pinaka matanda sa mga Balderas."

Dagdag pa ni Josh sakaniyang sinabi, kaya't tinignan na siya ni Hendric at saka tumango.

"Alam ko kung nasan ung mansion ng mga Balderas."