the rock love "1'
—————————
في بيت متواضع كانت هي نائمة كالملائكة علي سريرها استيقظت علي صوت والدها وهو يناديها
عشق لنفسها، نفسي اعرف بتصحوا الواحد ليه الساعة ٦الصبح في حد كدااا يارب نفسي في بطل يجيلي زي الروايات كدا في عربيه يا سلام و....قاطع شرودها صوت والدها مره اخري ،حاااضر ياعبده جايه اهو
في المطبخ كان والدها يطهو الطعام
عبدو،ايه البنات دي فين ايام زمان البنات كانت بتصحا من النجمه يلا عوض عليا عوض الصابرين و عااااااا ،صرخ فجاءه ليرى شيئ يخبط في قدميه
عبده،يا بنت الكلبب يا عشق لمي حيواناتك دي ،دخلت عشق علي صوته ،علي فكرا يا عبدو انت كدا بتشتم نفسك وبعدين مالهم حيوانتي دا كفايا انك خلتني حبساهم فالاوضه انا هطلعهم،وكادت ان تتحرك وجدته يمسكها من ملابسها،رايحه فين ها انا مش عارف اقعد في بيتي دي حيوانتك بتصرف نص مرتبي دول ١٣ حرام عليكي
عشق،معلش يا عبدو اصححلك المعلومة هما بقو ٢٠ اصل بورعي(الكلب)جبتلو نتايه ولسه مخلفين امبارح شوفت ازاي بنتك بتوفق راسين في الحلال
كل هذا و عبدو فاتح عينيه بصدمه ليقول بسخريه،لا من ناحية انك وفقتي راسين فأنتي وفقتي الصراحه واناااا اتخرب بيتييييييي
عشق وهي تربت علي كتفه ،خلاص بقا يا عبدو ما تخودش المواضيع عل قلبك ومن ناحية خراب البيت فهوا تخرب من زمان و اه، قاطعها بضربه علي رأسها فأكمل،لا انتي هتخلصي تدريبك وتشتغلي وتشيلي عني انا مصاريف القهوة بقت علي قد حيواناتك خلاص ،قاطعته ،ثواني كدا ايه الريحه دي ،نظر لها بعدم فهم ثواني جري فجأه،البيييييض بيتحرق امشي من اودامي يا عشق
ركضت عشق الي غرفتها وهي تتنفس الصعداء وقامت بارتداء ملابسها وذهبت الي العيادة خاصه بالحيوانات لتتدرب
———————
في مقر المخابرات
كان في غرفة الاستجوابات وكان مظهره مخيف للغاية فمن يراه اقسم انه سيتمنى اموت ارحم له نعم فهو الصخر
صخر بنظره مخيفه،يعني انت ملكش دعوة بتسليم البضاعة بتاعت المينا.
هز الرجل رأسه برعب من نظراته
الرجل،واللهِ يا باشا ما اعرف حاجة
صخر، واللهِ طب تمام انهي جملته وهو يضغط علي بعض الازرار في الاب توب ووجهه للرجل، اسمع للرجل تسجيلات للصوت وهو حقاً يخبر الآخر عن المخدرات والأسلحة التي ستسلم في المينا انهي التسجيل الصواتي وهو ينظر للرجل ويبتسم ابتسامه مرعبه علي شفتيه
صخر،ايه رايك بقا انت حلفت وحلفانك را علي الفاضي تعر واحنا كنا صغيري كانو بيقوللنا الي بيكذب بيروح النار -اكمل بنظره مرعبه وهو يقترب منه - بس قبل متروح جهنم هوريك جحيمي -انهي جملته وهو ينقض عليه بلكمات عنيفه
بعد مرور دقائق من ضربه
صخر ببرود مخيف -يلا يا حلو الصفقه الي جايه هتكون امتي وفين
الرجل بتعب -ه هيقتلوني ---لو اااتكلمممت
صخر ببرود يووه انت مابتسمعش انا مش هسمح لحد يقتلك غيري يلا علشان انا ابتديت ازهق وانت عارف لما بزهق بحب اتسلي في الي اودامي
الرجل بخوف - الصفقه الي جايه----- هتكون في -----المينا الي في السويس -جايه من ايطااليه مليانه -مخدرات
صخر ببسمه مخيفه -شااطر هوا دا الكلام يلا بقا نكمل باقي دردشتنا
بعد مرور ساعات
خرج من الغرفه بكل برود لا يهمه انه كاد ان يقتل الرجل بالداخل كان يفكر في طريقة للعمليه ثواني ابتسم بمكر قاطع تفكيره صوت رن الهاتف
صخر ببرود- عايز ايه يا يوسف
يوسف بصراخ-عايز ايه !يا بني ادم انا عمال اتصل بيك وانت قافل تليفونك برن علشان اعرف هنجيب الراجل ازاي علشان نعرف منه المعلومات وانت بتقول عايز ايه
صخرببرود -بعيدا عن ان صوتك عالي اناى جبت الراجل وعرفت منه المعلومات خلاص وهنتحرك انهارد بليل-اغلق الهاتف
علي الناحيه الاخري نظر يوسف الي هاتف بعيون مفتوحه-هوا قفل في وشي السكه دا مش مراعي اني اكبر منه ولا حاجه يخربييت بروووودك يا اخي
يوسف السوهاجي -صديق صخر منذ الطفوله يبلغ من العمر 32 عاما طويل يمتلك جسد رياضي يمتلك شعر اسود وعيون بنيه مرحا لكن في العمل يرتدي قناع البرود
-----------------------
----------------
كانت في التدريب تسمع ارشادات الطبيب وهو يقوم بفحص القط
الطبيب- بصو يا دكاترا في شرخ في اليد اليمني وفي ازازه هنطلعها و
قاطعته عشق -معلش يا دكتوربس هوا دا دكر ولا نتايه
نظر الجميع اليها بعدم فهم كان الطبيب ينظ ر لها وهو يحاول تهدات انفاسه
الطبيب -دكر ونتاية ايه بس ياعشق انا الي معايه مجروح في ايديه ايه الي دخل دا في دا متركزي معايا شويه
عشق -فضول بس مش اكتر يادكتو اص انا عندي قطه فالبيت فكنت عايزه اجبلها قط ويملو عليا دنيتي
كان الطبيب يضع يديه علي صدره وهو يحاول تنظيم انفاسه-مالكوش دعوا بيها ركزو معايه انا
همست عشق لصديقتها -هوا انا قولت حاجه غلط يابت ياندي
ندي - لا ياقلبي انتي كنتي هتجبيلو سكته قلبيه بس
نظرت لها عشق بعدم اهتمام اتجهت بنظرها نحو الطبيب
بعد مرور دقائق
انتهي التدريب خرجت عشق من الغرفه وهي تتنهد بتعب وجهت نظرها الي ندي -بت ياندي تيجي نروح مطعم ناكل في اصل انا مفطرتش وعبدو كان عاملي علي الفطار بيض محروق
ضحكت ندي -ماشي يلا بينا
ندي صديقة عشق المقربه في سن عشق ملامحها جميله تمتلك شعر بني وعيون بنيه قصيرة القامه تحب عشق للغايه مرحه وحساسه للغايه
------------------------
-------------------
دخل الي مكتبه وجلس علي كرسيه وهو يفكر في طريقة لعذيب هؤلاء الاوغاد قاطع تفكيره صوت طرق الباب
صخر -ادخل
دخل يوسف وجلس علي الاريكه وهو ينظر لصخر بغموض
صخر بتبصلي كدا ليه لتكون معجب بيا
يوسف -انت عرفت تجيب الراجل ازاي وانا كنت معاك طول الوقت
صخر -امبارح بليل خلصت كل حاجه
يوسف- امبارح بليل انا كنت معاك طول الوقت لحد ما دخلت انت نمت -صمت قليلا ليستوعب ثواني وبدا يستوعب نظر الي صخر بدهشه - وانا الي صدقت انك تعبان وداخل تنام وطلعت تعمل دا كله من غيري يا شيخ اتقي الله
وقال ايه يوسف انا داخل انام علشان تعبان يا اخي انت صعبت عليا
نظر له صخر ببرود- خلصت
يوسف وهو يجز علي اسنانه -اه
صخر- طب سلام انهي كلامه وهو يخرج للخارج لحق به يوسف -استني انا جاي معاك هوديك حتة مطعم انما ايه
صخر- المره دي هيأكلونا لحمة حمير
يوسف - لا ياخويا اتحرك معايا يلا
-------------------
-----------------
كانت عشق تمشي مع ندي ومعهم الكلب
ندي -كان لازم ناخد معانا بورعي (الكلب) يعني ياعشق
عشق- زهق من مراته ياختي بعد ما جبتله العيال ركن علي جنب
ندي بضحك -انتي جوزتيه-----انتي بجد مش معقوله زمان عبدو بيلطم
عشق بضحك-لا من ناحية بيلطم فاستريحي دا بيولول
ندي طب يلا نعدي الشارع
بينما كانو يمرون فلت حب الكلب من ايدي عشق فصرخت وهي تراه يجري بعيدا عنهم
---------------------
--------------------------
كان صخر يقود السياره بجانبه يوسف الذي كان يوصف له الطريق الي المطعم وصخر لا يفهم منه شيء
صخر- انت بتقول ايه ياحيوان انت عمال تقولي خوش يمين في شمال ومفيش اصلا شمال انت هتجنني
يوسف - ياعم الجي بي اس هوا ال ي بيتكلم وانا مالي عل فكرا كان زماني انا سوقت
صخر بسخريه- اه بامارة الخمس عربيات الي لسه مغيرهم من تحت راسك
يوسف - فدايا ياعم عشره يلا خوش يمين الجاي
صخر - لا هات التليفون دا كدا
يوسف وهو يشد منه الهاتف- ياعم اوعا هقولك بس اصبر
صخر وهويشد منه- هات الزفت بقولك
يوسف بصراخ- لا مش هديهولك و حاااااسب ياصخر
نظر صخر الي الطريق وهوا يري كلب يجري في منتصف الطريق وفتاه تلحق به
امسك بمقود السياره يحاول السيطره عليها ولكن ...