Tulungan mag evolve!

*DING*

[Congratulations sa pagpatay sa Water Dragon God Bakunawa]

[92,385 exp gained]

[Dragon Scale 1 obtained]

[Dragon Claw 1 obtained]

[Dragon Fang 1 obtained]

[Water Dragon God Crystal Orb 1 obtained]

[Eidolon Key 1 obtained]

[Unang beses makapatay ng dragon god level monster, nakakuha ka ng bonus item!]

[Heaven Gift Box 1 obtained]

Nang marinig ni Ye Song ang mga mensahe sa kanyang isipan, hindi siya nakaramdam ng kasiyahan.

Pagkatapos ng labanan ay sumugod siya agad papunta kay Suzy na nakahiga sa lupa at tinanong si Richi.

"Kamusta siya?"

Medyo nag-alangan si Richi na sabihin ang kanyang kalagayan pero sa bandang huli ay iniling na lang niya ang kanyang ulo.

Pagkatapos ay sinabi niya.

"Masyadong mapanganib kung ililipat natin siya dahil malubha ang kanyang kalagayan. maaaring mamatay siya anumang oras"

Kahit na si Ye Song ay may aura na pwedeng mapabilis ang paggaling, hindi ito sapat upang maligtas siya.

Dahil dito ay natawa na lang siya ng mapait. huli na ang lahat at wala na siyang magagawa.

Hindi na niya mababago ang sitwasyon ni Suzy.

Habang nakatingin siya kay Suzy ay nakikita niya itong lumalaban pa rin at hinahabol ang kanyang paghinga.

Kahit na siya ay malubhang nasugatan at may maliit na pagkakataong mabuhay, ipinaglalaban pa rin niya ang kanyang buhay!

Nakita niya ang determinasyon nito na huwag mamatay at namula ang mga mata ni Ye Song habang pinagmamasdan siya.

Lumapit siya sa kay Suzy at hinawakan ang mukha nito.

Sa sandaling dumampi ang kamay ni Ye Song sa kanyang mukha, dumaloy ang luha sa kanyang mga mata at sinabi.

"I'm sorry..."

Ang mga penguin at si Ahoka ay tahimik lamang na nagmamasid sa gilid. ito ang unang pagkakataon na nakita nila si Ye Song na nagpakita ng isang kahinaan.

Nagulat sila ngunit hindi nagsalita at tahimik lang na nagbabantay sa gilid.

Sa sandaling iyon, nagkaroon ng katahimikan sa buong paligid.

Si Ye Song na umiiyak habang nakatingin kay Suzy ay biglang narinig ang system.

*DING*

*Host, mayroong isang paraan upang maligtas siya*

Nang marinig ni Ye Song kung ano ang sinabi ng system ay mabilis niyang pinakalma ang kanyang sarili at tinanong ito.

"Ano? totoo ba yan? sabihin mo saken!"

*Sinuri ko ang kanyang status at nakita ko na siya ay isang normal na tao lamang*

"Ano?! hindi siya isang chosen?!" nagulat na sinabi ni Ye Song.

Natigilan si Ye Song dahil dito. nag explore si Suzy kahit hindi siya isang chosen?

Upang makasigurado ay ginamit niya rin ang kanyang [Inspect LV.1] upang tingnan ang kanyang status.

[Suzy LV.11]

Type:Human

Status: Not Available

Matapos niyang makita ang status ni Suzy, dali-dali niyang tinanong ang system.

"Sabihin mo sa akin ang paraan, wala nang oras!" balisang sinabi si Ye Song.

Si Suzy ay maaaring mamatay anumang oras kaya't hindi na siya nag paligoy-ligoy pa.

*Gamitin mo ang crystal orb ng water dragon god upang siya ay mag evolve*

"Ha?! pwede pala gamitin ang orb para mag evolve?"

Nagulat si Ye Song nang marinig ang system. pwede niyang tulungan ang isang tao na mag evolve?

Ito ay parang isang diyos. pwede siyang magbigay ng kapangyarihan sa bawat tao hangga't gusto niya!

Matapos ang pagkakaroon ng mga saloobin na ito, lumitaw sa isang iglap ang screen sa kanyang harapan.

Pinindot niya ang kanyang [Storage] at hinanap ang crystal orb ng water dragon god.

Pinindot niya ito at nakita ang description nito.

-

[Water Dragon God Crystal Orb x1]

Isang misteryosong orb na makukuha mula sa mga halimaw ng ibang mundo.

Nagbibigay ng walang limitasyong supply ng tubig kapag ginamit.

Binibigyan ka ng kapangyarihan upang makontrol ang elemento ng tubig.

Binibigyan ka ng skill at healing ability.

-

Nagulat si Ye Song nang makita niya ang description nito. hindi niya alam na ang crystal orb na nakuha niya ay may ganitong mga kakayahan.

Matapos na makita ang description ay balisa niyang tinanong ang system.

"Paano ko siya mapapa-evolve?"

*Bago mo ito gawin ay bibigyan kita ng babala upang hindi mo ako sisihin kung may mangyari masama sa kanya. kung hindi siya tanggapin ng crystal orb ay mamamatay siya*

"Ibig mong sabihin ay may sariling kamalayan ang mga crystal orb?"

*Hindi. ito ay tungkol sa compatibility. kung hindi siya katugma sa elemento ng tubig ay hindi niya maa-activate ang crystal orb*

"So meron tayong fifty-fifty percent chance?"

*Yes*

"Mabuti na yun kaysa wala. sabihin mo sa akin, paano ko ito magagamit upang matulungan siyang mag evolve?"

*Kailangan mo lamang itong ilagay malapit sa kanyang puso*

Ginawa ni Ye Song ang sinabi sa kanya ng system at inilabas ang crystal orb ng water dragon god mula sa kanyang storage at inilagay ito ng marahan malapit sa puso ni Suzy.

Ang crystal orb ay kasing laki ng isang baseball kaya't hindi ito mahirap na ilagay sa kanya.

Naghintay siya ng sandali nang bigla na lamang nagsimulang maglabas ang crystal orb ng isang nagniningning na ilaw.

Isang asul na ilaw ang bumalot kay Suzy at nanginig ang kanyang buong katawan.

Ang cystal orb ay patuloy na lumiwanag at ilang sandali lang ay sumanib ito sa kanyang katawan.

Nagulat si Ye Song dahil sa mga pangyayari ngunit sinabi sa kanya ng system na ang pagsasanib ay naging matagumpay at siya ay magbabago sa ilang sandali.

Nang marinig niya ito ay labis ang kanyang tuwa na nararamdaman. pinagmasdan niya ng mabuti kung anong mangyayari kay Suzy!

Samantala, nagulat ang mga penguin at si Ahoka sa mga nangyayari at nais nilang tanungin si Ye Song ngunit nag-atubili sila nang makita nila kung gaano siya kaseryoso. ayaw nila siyang istorbohin kaya't napagpasyahan nilang tanungin na lamang siya mamaya.

Si Suzy na nababalutan ng asul na ilaw ay nagsimulang maglabas pa ng mas makinang na liwanag at hindi mapigilan ni Ye Song na ipikit ang kanyang mga mata upang protektahan ito. ang parehong bagay ay nangyayari sa mga penguin at kay Ahoka.

Makalipas ang ilang sandali, ang ilaw ay nagsimulang maglaho at nakita ni Ye Song ang isang magandang babae na nakahiga sa lupa na parang natutulog.

Walang mga pinsala sa kanyang katawan at ang aura nito ay naiiba kaysa sa dati!