Chapter Two

"Galit ka pa ba kasi hindi kita tinawagan ng isang linggo?" malambing na tanong nito sa akin

"H-hindi" utal na sagot ko at bahagyang umiwas ng tingin dahil ang lapit ng mukha nya sa akin

Kalma lang heart baka mahulog ka nang tuluyan nyan.

"Eh bakit ang tahimik mo?" Naka-kunot ang noo na tanong niya sa akin

"Ikaw kase! Hindi mo ba nakikita?! Ang daming tao! Tapos ganyan pa ginagawa mo!" Biglang sigaw ko sa kaniya para maitago ang kilig na nararamdaman kasabay din niyon ay ang paghampas ko sa kaniya

First day na first day tapos pag-chichismisan na agad kami sa ginawa nya. Yung pagpasok pa nga lang namin ng sabay ay paniguradong kakalat lalo na sa mga nagkakagusto sa kaniya at paniguradong ako ang pagbubuntunan ng galit ng mga yon.

"Hahaha sorry na!" Natatawang sabi nito habang umiiwas sa mga hampas ko

"Heh! Lumayo ka nga!" pagtataray ko dito

"Opo, hindi na po mahal na prinsesa" sabi nito at bahagyang yumuko

Kung hindi ko lang bestfriend 'to, iisipin kong may gusto 'to sakin e.

Imbis na sumagot ay inirapan ko lang sya.

Natawa naman sya ng mahina bago muling nagsalita.

"Diba sabi ko sayo wag mo silang pansinin?" seryosong sabi nito habang nakatingin sa akin ng diretso

"Kaya nga" naka-ngusong sabi ko

"Bayaan mo na tara na" sabi nito at tsaka ginulo ng bahagya ang buhok ko at tsaka ako inakbayan at sabay kaming naglakad papunta sa classroom namin