ARABELLA MENUT

ARABELLA MENUT

TUSUN 2

SUPERMARKT DOREMON

Belubah kaki arabella nurun ari kereta nitih ke puan Jina ti udah dulu pansut tadi.. Semadi asai ati ya nitih ke indai ya shopping.. "Mama anang lama milih utai,, lelak ara nganti nitih ke mama legi,, "ku arabella mesan ke puan jina ti nyingkang dulu ari ya.. "Ara, juri pekit kumang pun lama milih sapa ke menang,, enda patut peda alu ambik aja, barang legi.. Mesti lah mama milih ke cantik cantik baka anak mama..!! '" ku puan Jina tuchum sengaja nguji ati arabella.. "Nya lah aku malas enggau mama tu,, sigi lama ya nama milih utai.. "Ku arabella bepeluk tubuh.. "Eee, anang mayuh kedalih nitih aja nama utai ko datin nemu... "Ku puan jina nundik anak dara ya siku nya.. "Auuuuuuu!!! Panjai au arabella ti nitih ke puan jina tamak dalam kedai gari.."amat mayuh gari tu,,!! Arabella berasai tekening meda gari ti mayuh ba depan kedai nya manah manah magang... Maianya mayuh gari offer ba luar dah nya ngasuh puan jina enda ngelepas ke peluang dah.. "Ara!! Peda nuan gari tu,, manah amai,, ti ara ngena tu,,!! Ku puan jina alu nyema ke baju dres celum ba tubuh arabella.. Kemaia meh arabella kala ngena utai sexy bakanya.. Ari mit sampai dara arabella sigi enda kala pandek utai kena.. Semua nutup tubuh magang tang paras gaya arabella sigi manah.. Taja ya enda sexy tang ya berupai amat bajik ti ya ngena pakaian ti ngimpak ke tubuh..

"Mama, ooo.. Enggai ara ngena tu,, ukai test ara meh dress bakatu.. Mama baru cun ngena tu, mama kan datin.. "Ku arabella nundik mama ya sereta bulu kening diangkat ke ya.. Puan jina enda bebunyi agi ninga saut arabella munyi nya... Tusah diri puan jina ka ngasuh anak dara ya begaya... Baka urang bukai.. "Tu enggai, semua enggai ara ka baju bakanie agi?? Ku puan Jina nyau geram.. "Kan ara udah madah ara enda beminat enggau baju bakatu..!! Arabella alu nimbal puan Jina baru.. "Ara, sekali sekala mama ka meda ara baka anak dara urang bukai, tu baka anak bujang aja.. "Ku puan jina mujuk arabella baru... Lama arabella berunding bakanie ka madah ke indai ya... Ngelamatu ya sigi enda tentu cerewet pasal gari nama dibeli mama ya sigi kena ya magang.. Salah puan jina gak meli gari semua jenis tshirt enggau seluar aja nyau biasa arabella.. "Au, meh ti nya pinta mama!! Arabella pun alu ngambik dress ti diasuh puan jina belubah ya nyingkang ke dalam bilik percubaan nya.. Lama ya berati ke dress labuh nya.. Bakanie cara masuk ke nya pun ya enda nemu.. Dress nya semina tali dua aja,, dibelakang dress sigi ayan tulang belakang.. Cukup manding tubuh arabella ngena nya.. Belubah arabella keluar ngasuh indai ya meda.. Amat cukup ba ya.. Bendar puan jina ketawa ke arabella lebuh meda tudah ya nguji ke dress nya.. "Mama!!!! Ku arabella meda indai ya ketawa.. "Ara, ara nya mama ngasuh nuan begaya.. Peda tu.. Ke atas pulai ke baruh baju kena.. Nie ka cun.. "Ku puan Jina madah ke arabella meda baju ya tebalit.. Belubah puan jina ngadu ke baju anak dara ya.. Udah diadu ke ya baju nya tegenung enda lama puan jina meda paras tubuh arabella udah dipansuk baju nya.. Cukup bajik arabella maia ya ngena dress nya tambah buk ya ti panjai nya dilepas ke ya.. "Nya baru anak mama,, peda ara ba cermin.. Cukup bajik ara ngena tu.. "Ku puan jina ngasuh arabella meda paras tubuh ya empu ba cermin... Tetuchum arabella enda kala ya nguji ngena baju bakanya... Tang sekali tu ya nguji.. "Mama nemu anak mama cantik tang semua dipelalai ke ara empu ari mata urang...!! Ku puan jina nelai arabella ti agi meda cermin...berupai mua arabella nyau merah pengudah ninga puan jina munyi nya...

RUMAH EN MILAN

en, milan datai ba rumah meda kereta arabella nadai,, tang kereta puan jina bisi,, tang nadai urang muka gate ke ya lebuh kereta ya masuk ba endur parking.. "Kini enda seduai tu bejalai..!! Ku en milan bejako dalam ati.,,gate dibuka ya begagai gagai udah siap kereta parking ya pun tamak ke dalam rumah...peda ya nadai gak urang nyapa ya.. Duduk ya rebah ba sofa ke bisi ba ruang tamu...nyau enda berasai ya pun nyau telelap ba sofa nya..lebuh ya ke tinduk ba sofa diak.. Pintu tadi enda ingat dikunci ya..arabella enggau puan jina baru sangkai.. "Peda ara, papa nuan enda ngunci pintu.. Kati ti urang masuk koku.. "Ku puan jina lebuh ti keluar ari kereta ya, meda pintu enda dikunci sereta ditutup En milan.. Arabella semina tuchum aja ninga puan jina bejako.. Ya nemu apai ya polis sereta bisi penemu ngelari ke diri ti semak bisi urang tamak.. Seduai ya pun alu tamak.. Belubah puan jina negu kuyu En milan ti agi tinduk ba sofa nya.."sayau, dani nyau lemai tu, !!ku puan jina ngerak en milan.. En milan tedani nyepi kuyu ya dipegai urang peda ya puan jina semak ya diak.. Ya pun tuchum meda bini ya.. "Berasai ngantuk aku tadi, "ku En milan angkat ari galik ba sofa tadi.. Sambil ya micit pala.. "Au,, sayau kan lelak enda salah sayau tinduk gak tang pintu anang enda nutup.. "Ku puan jina alu duduk sepiak En milan.. "Oo enda ingat aku tadi,, kini seduai ara tadi!! Tanya En milan... "Meli lauk udahnya shopping mimit.. Nya lama, "ku saut puan jina alu ketawa.. Laban ya ingat ulak anak dara ya tadi.. "Ooo,, nie ara dah?? En milan nanya ke anak dara ya ti nadai peda ya ari tadi.. "Ara, ba dapur asai aku,, tadi ya janji deka manduk lauk lemaitu,, "ku puan jina madah ke arabella deka manduk lauk.. En, milan nyau bepurus dada dinga bini ya nyebut arabella deka manduk lauk.. Ngelamatu anang ke manduk lauk mee segera nya enda alah panduk ya.. "Anang main nuan sayau kemaia meh anak dara aku nya kala ka diasuh..!! Ku en milan enda pecaya.. Puan jina pun ketawa.. Saritu ya baka deka ngerja ke arabella enda meh kala ya ngaga arabella bakanya tang saritu ya nyabar sikunya..

DALAM KERETA TADI...

"ara, mama bisi utai pinta lah, saritu mama asai lain macam mama ka makai sesuatu,, sesuatu nya nadai ulih digiga asai mama,, ,!!ku puan jina madah ke arabella pengingin ati ya.. Arabella merning mua indai ya.. "Mama ka makai nama!!?? Legi ara meli ya gak!! Coklat?? Ku arabella nyaut sambil ketawa.. "Enggai mama nya,, tinggi gula mama legi, mama ka sesuatu nya,, "agi gak puan jina ngasuh arabella beteka teki.. Arabella binggung nama meh utai deka indai ya nya baka ke nadai ba pasar kini.. "Enti mama minta ara ulih nunai ke ya kan,,!! Ku puan jina ngaga mua cute ya.. Mata dikelip kelip ke ya ngambik arabella setuju.. "Mmmm,, berat amai peminta mama tu, tentu mama minta ara meli aiskrim kan,, laban ti papa bisi mama enda berani makai nya kan!! Ku arabella majak deka nemu nama utai ko indai ya...puan jina majak ketawa semua saut arabella siti pun nadai betul.. "Ukai ara,, mama ka!!! Sengaja puan jina ngasuh agi nyagam nama deka ya... "Bah mama padah meh,, nadai ara enggau dah?? "Ku arabella pemuas ke ngiga nama utai ko mama ya.. "Janji aa!! Ku puan jina meri jari manis ya tanda janji enggau arabella.. Belubah arabella malas jari indai ya tanda ya setuju.. "Au, janji.. Ba padah ka!! Ku arabella udah bejanji enggau indai ya.. "Mama ka ara manduk lauk lemai tu.. Nya utai ti tusah digiga ba pasar ara manduk lauk.. "Ku puan jina Alu tuchum ya udah bulih nipu arabella enggau cara janji.. Arabella ninga utai sebut indai ya asai ka labuh ati ya.. Tekening.. Dini meh ya kala manduk lauk.. Dini meh ya nemu menu nama deka dipanduk.. "Mama!!! Ku arabella .."udah janji tadi mesti.. "Balas puan jina ketawa.. Besai.. Sengaja ya nguji anak dara ya lemai tu.. "Ara ukai nya nemu dah,, ""ku arabella beterus terang.. "Sampai bila ara ka makai utai panduk urang belama.. Sampai bila ara ngarap mama magang.. Kadang kitai enda selama ya begulai ara.. " ku puan jina alu nyium kuyu arabella.. Arabella enda bemunyi mikir ke utai disebut puan jina tadi.. Amat meh sampai kemaia agi ngarap ke indai ya magang.. Tekenuing gak ati arabella sekali tu.. "Au meh ti nya pinta mama, ti enda nyamai anang nyalah ke ara legi.. "Ku arabella nyaut belubah.. Puan jina pun tuchum meda arabella setuju.. "Bakanie enda daya anak dara aku manduk lauk.. "Ku puan jina dalam ati.. Sambil ya malik agai mua arabella ti benung driver..

Sambung...