webnovel

BREAK THE WORLD(Living Is Dying) BOOK 2 of Hunting Kendra[ FILIPINO]

BREAK THE WORLD(Living Is Dying)COMPLETED -BOOK TWO OF HUNTING KENDRA Genre:Vampire/Werewolf SYPNOSIS NAGMULA sa angkan ng mga Bampira sina Halls, Oreo at Zain. Lumaki sila na busog sa pagmamahal sa kanilang ina na si Kendra, kalahating Bampira at mortal. Habang ang ama naman nilang si Timothy ay kalahating Lobo at Bampira. Naging matiwasay ang mga taon na nagdaan para sa pamilya nila sa mundo ng mga tao. Matapos na maganap ang pagkawasak sa tagong mundo--- ang Acerria. Kung saan nanirahan dati ang mga lahi ng Bampira, Lobo at mga naagnas na nilalang kung tawagin ng mga mortal ay Zombie. Ngunit sa pagdaan ng mga taon ay nagkaroon ng malaking digmaan sa kabilang mundo. Kaya upang sa ikalawang pagkakataon ay tuluyang mawasak ang Acerria. Nakaligtas sina Kendra at Timothy, ngunit sa kasawiang palad ang lahat ng nilalang sa Acceria'y tuluyang nakasama sa pagkaguho. Sa mga lumipas na taon ay muli silang bumangon, hindi nila hinayaan mabalewala ang sakripisyo ng ina ni Timothy; ang huling may purong dugo ng Bampira. Ngunit iyon ang inaakala nila... Dahil isang pangyayari ang magpapabago sa lahat. Pangyayaring kasugpong ng nakaraan. Nakaraan na siyang hahabol sa kanila sa kasalukuyan. Muling dadanak ng dugo sa magkabilang lahi sa mundo ng mga mortal. Na magiging dahilan ng pagkasawi nina Kendra at Timothy. Paano kung sa pagkawala ng mga magulang ay ang siyang pagdating ng bagong nilalang na magbibigay sa kanila ng ibayong pag-asa. Ngunit paano kung ang natitirang pag-asa na iyon ay tuluyang mawala at mapalitan ng 'di matatawarang pighati. Pighati na siyang wawasak sa mundong kanilang ginagalawan. "Dugo at laman ng banal ang siyang papawi sa lahat ng sakit, hanggang wakas upang bigyang daan ang bagong sibol na mundo..."

Babz07_Aziole · Fantasía
Sin suficientes valoraciones
17 Chs

EPILOGUE

DUMAAN ang napakaraming taon sa mundo ng mga tao.

Muli naging matiwasay ang naging pamumuhay nga mga tao.

Sa pagdaan ng panahon unti-unting nanumbalik ang kapayapaan.

Halos walang naging palantandaan sa nangyari noon, kung saan kamuntik ng masakop ang mundo ng mga Bampira, Lobo at Zombie.

Halos natunghayan iyon lahat ng mga pares ng mata nito, kung saan mula pa lamang sa unang panahon hanggang sa pagbawi nga ng lahat niya sa buhay ng tatlong bampirang itinalaga ng Ama ng lahat sa napakahalagang layunin.

Mabilis na hinayon niya ang pansin sa papalapit na yabag. Isang ngiti ang ipinaskil niya pagkakita niya rito.

"Mother Herriena, nasa labas na po pala ang mga donation box. Maaari na natin umpisahan ang pagbibigay isa-isa sa mga bata ng mga magagamit nilang school supplies."masayang pamamalita nito.

"Okay sige sandali lamang at may nais lamang akong kausapin, mauna ka na muna sa labas Oleene."sagot ni Eleezhia sa batang si Oleene.

Agad naman itong napatango, sinundan muna nito ang bata palabas ng silid na kanyang kinaroroonan bago siya muling pumihit paharap.

Kung saan nakadikit sa pader ang replica na krus. Isang dasal muna ang inihandog niya para sa Ama ng lahat.

Sa pamamagitan niyon ay ipinaparating niya roon ang taos-puso niyang pagmamahal dito.

Matapos ang ilang sandaling pagpupugay ay minabuti na niyang sundan mula sa labas si Oleene, ngunit bago pa siya makahakbang ay napatitig muna siya sa painting na kamakailan lang ay ibinigay sa kanya ni Oleene.

Noong una'y pagkagulat at pagtataka ang namayani sa kanya pero naglaon ay nahalinhinan na ng nakakabinging kasiyahan ang damdamin niya na halos gusto ng sumabog ang puso niya.

Kahit na ang totoo nanatiling nagluluksa at nangungulila ang puso niya sa tatlong bampirang naitakdang maghugas ng kasalanan ng lahi ng Bampira noong nakaraang buhay niya.

Lalo na kay Zain, ang bampira na minahal niya.

Labis siyang nasaktan dahil siya ang inilaan ng Ama ng lahat upang kitlin nga nito ang buhay ng tatlong bampira.

Matapos nga niyang maisagawa ang pagkuha sa puso ni Halls ay ang pinakahirap na parte.

Kung saan, sa mismong mga kamay niya mismo nakasalalay ang pagkitil sa buhay ng lalaking mahal na mahal niya.

Naalala pa niya ang mapayapang mukha nito, ang napakabaritono nitong tinig ang ngiti nito na kahit hirap na sa paghinga dahil sa tuluyan na niyang naihiwalay ang puso nito sa katawan ng binata.

Katulad nina Oreo at Halls ay hindi na siya nahirapan makuha ang puso nito.

Pero iyon ang inaakala niya.

Dahil sa pagdaan ng sandali, sa paglipas ng panahon at sa pagpapalit ng mundo sa makabagong sibol na daigdig ng mortal ay siyang hirap naman sa kanya na makalimot.

Araw-araw pa rin niyang naalala ang mga huling tagpong iyon. Ang mga salitang umukit sa balintataw niya na nanulas sa bibig ng binatang si Zain.

"Huwag kang magalit sa sarili mo Eleezhia, 'wag mong iisipin na kasalanan mo. Na galit kami sa iyo, dahil hindi 'yan totoo. Sapagkat katulad mo, katulad ng mga mortal nagmamahal ang lahat. Kabalikat niyon ang pagpapatawad at pagtanggap sa magiging kapalaran ng bawat nilalang sa mundo. Mahal kong Dyosa, lubos pa rin akong magpapasalamat kay Ama. Dahil kahit sa maikling panahon may isang katulad mo na nagbigay liwanag sa mga katulad namin..."

Isang pagkurap ang ginawa ni Eleezhia, nanatili siyang nakatunghay sa rebultong replica ng ama ng lahat. Mula sa ilalam niyon nakabaon ang tatlong puso ng magkakapatid na bampira.

Patuloy na titibok at magpapaalala sa mga iba't bang elemento sa mundo na pantay ang lahat. Sa pamamagitan niyon nanatili ang dimensyon sa mundo ng mga mortal at ibang nilalang sa mundo.

Na masakop man muli ng kadiliman ang mundo ay mas iiral pa rin ang kapayapaan at kabutihan ng lahat sa bawat puso ng nilalang sa mundo.

Sa pakikiisa sa layunin ng mga ito'y tuluyang isinuko ni Dyosa Herriena ang kanyang kapangyarihan sa Ama ng Lumikha.

Mas pinili niyang mamuhay sa piling ng mga mortal, patuloy niyang tutuparin ang pangako niya kay Zain.

Nawala man ang mga ito mananatili pa rin sa puso at isip niya ang lahat ng sakripisyo ng lahi nito para sa ikakaayos ng mundo ng mga mortal sa mga susunod pang panahon...

Wakas.