Bagian ka 36

Setelah Arthur so dinyatakan mati karna cilaka dioto (lalulintas) Arthur pe jenazah so dibawa pulang oleh Krisna, Arthur pe paitua dan Aditya, Arthur pe anaktiri. Krisna dia ada bekeng acara tiga malam deng malam penghiburan pa dia pe rumah sandiri for mo kase hormat pa alm. Arthur, pe banya sodara, kerabat, tamang, sahabat datang for mo liat tuh Arthur pe jenazah sekaligus kase ucapan turut berbelasungkawa pada keluarga yang alm. Arthur ada kase tinggal akang

Bela deng Shinta juga datang meski pada awalnya Krisna nyanda undang pa dorang tapi Adit buju-buju terus agar dia pe papi kase undangan for Bela dan Shinta untuk datang ke acara kedukaan

"Bela, tanta Shinta, makase so datang kamari"

"nak torang turut berdukacita karena Arthur so mati"

"makase tanta Shinta"

"gimana ngana pe papi pe kondisi?"

"saat ini papi masih berduka, tapi kondisi papi so lebeh bae dari sebelumnya"

"tanta, gimana Ade pe kondisi sekarang?"

"Ade masih ada rawat diruang ICU, dokter blm kase ijin pa torang for mo besuk Ade"?

"semoga Ade lekas bae"?

"Bela, tanta Shinta manjo maso dulu ka dalang"

Adit mempersilahkan

Bela dan Shinta angguk dan senyum lalu masuk ka dalang Krisna pe rumah. Dorang lalu cari tampat duduk for dorang dua

"ma, torang duduk disini jo"

"iyo"

Dorang lalu liat keseliling mar nyanda ada tamu yang dorang kenal, dorang lalu lihat Krisna sedang bacarita dengan tamu yang hadir mungkin itu Krisna pe kerabat. Krisna sempat liat Shinta dan Bela ntar tapi kembali bacarita dengan Krisna pe kerabat dan tamu yang hadir

Acara sampe hingga ténga malam, banya tamu yang so pulang tapi ada juga yang masih betah di Krisna perumah. Shinta dan Bela putuskan pamit pa Krisna dan Adit

"gimana kabar Krisna"

"hmmm"

"kita turut berdukacita karena Arthur so mati"

"oh ngana suka kita pe paitua mati"

"maaf, bukang bagitu kita pe maksud"

"hm, seandainya kita pe paitua nyanda tidak tinggal pa ngana pe rumah, pasti kita pe paitua masi hidop"

"apa om lupa kalau om sandiri yang minta papa for mo tinggal pa kita pe mama perumah"

"hmmm....."

"Krisna maaf kalo kita pe anak so kurang (di) ajar tadi"

"Bela, ayo ngana minta maaf ka om KrisnaTina"

"mama tapi dia..."

"Anabela, skarang ngana minta maaf"

"om Kris, kita minta maaf"

"....."

"kalo bagitu kita dan Bela mo pamit dulu, misi"

Setelah pamit pa Krisna. Shinta dan Bela baku dapa ulang deng Adit yang lagi jamu dia pe tamu

"nak, tanta mo pulang dulu"

"eh tanta Shinta so mo pulang"

"iyo esok tanta musti karja"

"Adit kita mo pamit dulu, esok kita mo ka rumah sakit mo cek kondisi Ade"

"apa perlu kita ba tamang akang"

"nyanda usah, mending ngana jaga bae-bae ngana pe papi"

Lalu Bela dan Shinta kaluar dari Krisna pe rumah dan pulang ka dorang pe rumah (pulang dorang nae oto orderan, karena Shinta pe oto rusak parah karena ada cilaka akang, bae jo tu oto so ada asuransi jadi Shinta bisa ajukan klaim)

Tiga hari so berlalu, iring-iringan oto deng motor dijalang ada kase tanda bawa Arthur pe jenazah akan dibawa ka pekuburan, banya yang antar Arthur pe jenazah ka tampa istirahat yang terakhir, prosesi acara kedukaan itu diwarnai deng isak tangis dari samua orang yang hadir

Kini dorang so ada di TPU dimana Adit dan Krisna so ba diri disamping Arthur pe peti jenazah. Acara diisi oleh ceramah deng khotbah dan disusul deng manyanyi dan doa dari pemuka agama. Sepatah duakata diucapkan oleh sanak saudara, kerabat, sahabat deng tamang dari almahrum.

Kemudian datang petugas pemakaman, dorang kase turung ka lubang kuburan itu peti jenazah abis itu dorang tutup dengan tanah dan pasir lalu diatas makam ditaruh batu nisan yang terukir nama Arthur. Setelah itu Arthur pe keluarga kase ambor bunga ka tanah kuburan dan sirang deng aer.

Nyanda lama kemudian orang-orang yang hadir di pekuburan satu per satu kase tinggal itu tampa hingga hanya ta sisa Adit, Krisna, Shinta dan Bela

"nak, ngana yang tabah yah skarang ngana yang mo ganti pa ngana pe papa jaga ngana pe papi dan ngana juga jadi tulang punggung keluarga"

"iya tanta Shinta kita mo usaha for jadi orang yang ada guna for kita pe keluarga"

"Adit, kita yakin ngana orang kuat, jaga ngana pe keluarga bae-bae dan kita mohon maaf kalo kita ada salah pa ngana"

"iyo, Bela kita maafin ngana"

Dorang coba hibur pa Krisna yang masih ba sedih di Arthur pe kuburan

"Krisna ngana yang sabar yah, ng..."

"ngana nyanda usah sok paduli pa kita, ngana so senang liat kita susah"

"jang salah paham, kita bukang orang yang sanang-sanang diatas orang pe derita, kita juga kehilangan orang yang kita sayangi"

"Arthur"

"nak, tanta mo pulang dulu yah?"

"Adit, kita pulang dulu, hibur ngana pe papi"

"makasi ngoni so datang kamari"

"sami-sami"

Setelah Bela deng Shinya pamit, Adit ba dekat pa dia pe papi

"pi, pi nyanda apa-apa?"

"iyo papi nyanda apa-apa?"

"manjo pi torang pulang, sabantar so mo turung hujang, Adit nimau papi jatoh saki"

Krisna turuti apa yang Adit bilang

Hari so malam, ujang turun deng deras, basahi bumi, kilat saling bersahut-sahutan, bunyi guntur menggelegar. Esok hari pelangi sambut pagi, burung-burung ba kicau, daong-daong teteskan ombong. Hari baru tlah dimulai