Bagian ka 30

Kini dorang samua so ada di Rumah Sakit Bintang Mulia dimana Arthur dirawat akibat

kecelakaan

"Sus kita Arthur pe paitua, dimana kita pe laki dirawat"

"maaf pak biar kita check sabantar" kata perawat itu sambil periksa data-data pasien dikomputer

"ngana pe paitua so kase pindah ka ruang rawat dikamar Mekar Wangi"

"tapi sebelumnya bapak harus ka bagian administrasi for mo urus itu pelunasan biaya rawat"

"baik sus torang mo ka sana, makase"

samua menuju ka bagian administrasi. Sampe disana dorang bagi tugas. Krisna dan Adit kase itu surat-surat kesehatan milik Arthur dan bayar biaya rawatnya sebagai syarat kelengkapan

medis Arthur kepada bagian administrasi sedang Shinta deng anak-anak cari ruangan Mekar Wangi tampa Arthur dirawat.

"Mekar Puspita bukang, Mekar Harum bukang, Mekar Sejahtera juga bukang" kata Bela cari-cari ruangan

dia pe papa dirawat

"Bunda, cici Bela, ini Mekar Wangi bukang?"

"Mekar Wangi, iyo butul ini ruangan ngoni pe papa dirawat"

"papa?"

"nanti mama jelaskan"

Akhirnya dorang so dapa itu ruangan Arthur dirawat. Lalu dorang pelang-pelang maso ka ruangan itu

dan disitu ada beberapa pasien yang dirawat diruangan itu sampe dorang baku dapa deng Arthur dipaling pojok

dekat jendela sedang ba rika diranjang rumah sakit sambil tutup mata, ada selang infus ta pasang di dia pe lengan kanan dan perban yang melingkar di kapala dan dia pe ka dua kaki di gips

"sayang" Shinta

coba ba pange pa Arthur tapi nyanda ada respon

"ma dapa lia papa lagi ta sono, mungkin perawat ada kase obat tidor"

"papa?"

"iyo Ade ini ngana pe papa"

"tapi ma rasanya Ade pernah liat dimana yah?"

"Ade ngana masih inga orang yang ba diri disamping om Kris waktu acara tiup lilin deng potong kukis"

"oh iyo ci!, Ade baru inga ini kan om yang datang talat di om Kris pe ulangtaun"

"hush... kalo ngomong kase pelang sadiki tu suara nanti pasien disini ta ganggu dorang pe tidor"

"Eeehhh sorry ci"

"ma, giapa papa tinggal di om Kris pe rumah dan koko Adit, giapa papa nyanda tinggal dirumah mama, ci Bela dan Ade?"

"itu karena ngana pe papa dan mama..."

Shinta nda sempat kase terus apa yang dia mo bilang ka Ade karna Krisna dan Adit so maso ka ruangan itu

"brur Arthur, gimana ngana pe kabar"

"papa, kita pe maksud om Arthur lagi dalam pengaruh obat tidor"

"oh bagitu yah"

"maaf Krisna, nak Adit, kita deng anak-anak mo pamit pulang, soalnya anak-anak esok mo skolah"

"oh maaf yah so bekeng repot Bu Shinta deng anak-anak"

"ah nyanda apa-apa lagi pula torang 'keluarga'" Shinta menekankan kata keluarga

"kalo bagitu kita permisi dulu

"Bela, Ade, bilang apa ka om Krisna dan Adit"

"om Kris, Adit. Bela pamit dulu "

"dah om Kris, dah koko Adit. Ade mo pulang dulu yah" Ade dada-dada sambil senyum

kemudian Shinta dan anak-anak kaluar dari rumah sakit itu dan pulang ka dorang pe rumah. Esok hari Adit ijin nyanda maso skolah karna musti mo jaga papa tirinya yang dirawat dirumah sakit, dia lalu hubungi Bela dan Sonia agar dorang minta ijin ka dorang pe walikelas dan guru piket.

Bela pun pigi ka ruang tatausaha dan baku temu deng guru piket sedang Sonia pigi ka ruang guru dan

baku dapa deng walikelas Adit. Dorang bilang kalo Adit nyanda bisa hadir diskolah karna lagi rawat dia pe papa yang mengalami kecelakaan di Rumah Sakit Bintang Mulia