Bagian ka 25
dia pe esok malam abis Shinta bale dari tampa karja ka dia pe rumah, dia ba tanya itu acara ulangtahun Krisna ka Bela
"sayang gimana itu kemaren tu acara rame jo"
"rame"
"terus ngana so kase tu kukis ka Adit pe papi"
"sudah"
"lalu reaksi papinya Adit gimana?"
"Senang"
"apa Adit pe papi ada giapa kita nyanda datang?"
"tanya"
"kong ngana jawab apa"
"sibuk"
"apa ngana baku dapa deng Adit pe papa?"
Bella kage dengar dia pe mama pe pertanyaan
"iyo, baku dapa"
sebelum Shinta ba tanya lagi ka dia pe anak. Bela pamit istirahat
"Bunda, Bela mo tidor dulu, Bela cape ma nganto"
"sayang ngana nyanda tapa-apa"
"nda apa-apa kita cumang lalah mo suka tidor"
"ok kalo bagitu, slamat tidor sayang"
lalu Bela pigi kase tiggal dia pe mama dan menuju pa dia pe kamar for mo tidor sedang Shinta ba tanya pa dia pe diri sandiri ada apa deng dia pe anak, Bela dia pe kalakuang nyanda seperti biasanya. Apa yang
sebenenernya terjadi di acara ulangtahun Krisna kamarin. Shinta penasaran
Esok paginya di Adit pe rumah, Krisna pigi ka dapur bekeng sarapan for dia pe paitua deng dia pe anak. Adit so bangun dari dia pe tidor dan buru-buru ka kamar mandi, abis mandi Adit pake dia pe seragam SMA dan mulai kase maso buku tulis, buku cetak deng alat tulis menulis ka dalam ransel sekolahnya. Kemudian gabung deng dia pe
orangtuanya dimeja makang for mo breakfast
"oh iyo brur ini ada kukis dari Bela pe mama, dia pe mama nda bisa datang waktu kita pe ulangtahun kemarin jadi dia nitip kukis ini pa dia pe anak"
"Bella pe mama yang bekeng ini kukis?"
"iyo, coba rasa dulu tu kukis, sadap loh, pasti brur suka" Krisna kase itu kukis ka Arthur
Arthur lalu coba rasa itu kukis lalu dia kage saat dia makang itu kukis dia pe rasa seperti dia pe istri pertama ada bekeng dulu
"Pabea" sapa Adit yang baru duduk di dia pe kursi
"pabea juga"
"wah ini kan kukis buatan Bela pe mama" kata Adit yang lihat ada kukis dimeja makang
Arthur yang dapa dengar langsung ba tanya ka Adit
"ngana tau siapa Bela pe mama?"
"eh iyo, kita so brapa kali maen ka Bela pe rumah tapi kita hanya skali baku dapa deng Bela pe mama"
"brur giapa ngana tanya pa Adit soal Bela pe mama"
Arthur ba pikir sejenak dulu
"oh, sabantar lagi kita pe perusahaan, tampa kita kerja mo rayain ulangtahun ka 50, jadi kita mo tanya pa Adit apa bisa dia minta Bela pe mama bekeng kukis ulang tahun dan bawa ka kita pe kantor"
"mmm... kita nanti mo tanya dulu ka Bela, apa dia bisa kase tau pa dia pe mama kalo bole mo bekeng tu kukis ulangtahun"
"ok, kita akan tunggu, kalo Bela pe mama bisa, ngana segera hubungi pa kita"
" ehh ok"
beberapa hari kemudian Adit ba telepon pa Bela, sebenarnya Adit mo kase tau diskolah tapi Adit nyanda baku dapa deng Bela diskolah, rupa dapa lia Bela ba sambunyi dari Adit
"yah halo Bela ini Adit"
"iyo giapa Adit"
"mmm... apa ngana pe mama ada dirumah"
"kita pe mama nyanda dirumah dia lagi kerja"
"giapa ngana cari kita pe mama"
"eee... sebenarnya kita pe om maksudnya kita pe papa minta kita tanya ka ngana pe mama, apa ngana pe mama bisa bekeng kukis ulang taong, soalnya so nda lama kita pe papa pe kantor ulang taong"
"ngana pe maksud, ngana pe papa minta kita pe mama bekeng akang kukis ulang taong for ngana pe papa pe kantor, ba gitu"
"eee... kira-kira rupa bagitu kira-kira"
"tapi kalo ngana pe mama nyanda bisa yah nyanda apa-apa"
"mmm... nanti kita tanya pa mama kalo dia bisa ato nyanda"
"eee... kalo bagitu ngana hubungi kita sacapatnya oke"
"mmm... Oke"
lalu Bela tutup tu telepon. Adit rasa lega s'karang karna so hubungi Bela. Adit harap Bela segera kase tau pa dia pe mama